::أحتراف الموفينج أفريج:: الجزء الثانى

[وليد الحلو]

اخيرا لقيت المتوسطات في منتدانا ما تستحق من الاهتمام

بارك الله فيك ونفع بك ورزقك من حيث لا تحتسب

أمين يا رب
تسلم على كلماتك الجميله أخى وحيد

ودى و تقديرى

[وليد الحلو]

اخي الكريم وليد
مجهودك كبير جدا وجميل جدا
وشرحك سهل وحلو ذي اسمك
جعلة الله في ميزان حسناتك
ووفقك لما يحبة ويرضاة

أمين يا رب و تسلم حبيبى
واتمنى اشوفك دائما من المتابعيين

ودى و تقديرى

[وليد الحلو]

اخي الكريم عندي ملاحظة لو تقبلتها

اخي الكريم بالنسبة للسيمبل والاكبونينشال

زي ما انتا عارف طبعا ان الاكسبنونينشال بيعطي قوة للاسعار الجديدة وبيهمش الاسعار القديمة
اما السيمبل فيعطي قوة متساوية لجميع الاسعار

طيب بالنسبة للمتوسطات طويلة الاجل زي مية وميتين انا اسالك لماذا انت اضفتهم؟؟

اتوقع اجابتك عشان اعرف الترند العام ( الرئيسي) للسعر وبالتالي فالاسعار القديمة مهمة بالنسبة لك مثل الجديدة لا فرق بينهما

ولذلك انا افضل على المتوسطات الطويلة ان استخدم السيمبل بدلا من الاكسيبنونشال

والعكس بالنسبة للمتوسطات الصغير مثل العشر وغيرها

في هذه المتوسطات انا ما يهمني اصلا الاسعار القديمة لاني باشتغل على مساحة زمنية صغيرة وابغى ادخل واخرج على مدى قصير جدا
ولذلك فأنا ارى ان الاكسيبنونشال يعطيك افضل عندها

وجهة نظر تعتمد على فهمي القاصر

كلامك مميز كلام واحد فاهم بجد
الاكسبونينشال يهتم بالاسعار الحديثة مع عدم اهمال الاسعار القديمة (يعنى بيديها حته زيادة) على عكس السموث اللى بيتفه الاسعار القديمة كليا
السيمبل احساسه بالسوق بيبقى تعبان اوى لان مهما كان التغير فى السعر كبير مش هيحس بيه بسرعه
عشان كده انا معظم استخدامى اكسبونينشال فقط لاغير ....ليه ؟
عشان يهتم بالاسعار الجديدة (وده مطلوب) ولا يهمل الاسعار القديمة
فتلاقى دائما الاكسبونينشال اوقع واقوى فى اى استخدام

ومتحرمناش من اسألتك الحوة دى

[وليد الحلو]

كل الشكر لك اخ وليد

عفوا أخى عاشق ولا تحرمنا من مرورك


ودى و تقديرى

[وليد الحلو]

موضوع جميل بالتوفيق وليد

تسلمى يا رانيا ... انتى تنورى فى اى وقت
وطبعا انتى شغاله بمؤشر الحلو العام من فترة
فياريت تقوليلنا رايك فيه


ودى و تقديرى

[وليد الحلو]

الله ينور

الى الامام
و في انتظار باقي الدروس

وعليك يا معلم طارق منور يا عرب
ملكش دعوه بالسوق يا كبير نزل موضوعك والنبى


فى انتظارك

[وليد الحلو]

تمام..

حاسس أنى فهمت الدرس التانى كويس..

ومرفق كمان فرصتين حسب الطريقة اللى حضرتك شرحتها..

برجاء التصحيح..

اولا يا صاحبى الموفينجات اللى انا شايفهم سيمبل تقريبا
مؤشر الحلو العام كله اكسبونينشال
اما عن الفرصه فعلا شوف ازاى السعر ارتد من موفينج 50 على المجنون وهو دلوقتى فى السماء وبعيد\ عن الموفينجات ....... يبقى نتوقع تصحيح الى المنطقه اللى بين البيفوت والار واحد (محاوله لمس موفينج 50 )

أذكرك برضوا بشىء مهم

وارجوا من القارىء الكريم ان لا يأخذ كل فن بعينه ويحاول ان يجعله استراتيجية
كل الفنون التى سأعرضها أدوات فنية قوية لا تعمل بمفردها بس هى أضافات قوية قد تساهم فى تحسين الاستراتيجيات

الصبر جميل يا مبتدىء مصرى الفرص جاية والاستراتيجيات جاية بس براحه

ودى و تقديرى

[وليد الحلو]

دا انا كنت قربت انسى الدرس الاول

على العموم متابعينك يا حلو

يا راجل ده انت نساى بجد
الفرق ما بين نزول الجزء الاول والتانى مخدش يومين 3 بالكتير

على العموم منورنا حبيبى

ودى وتقديرى

[وليد الحلو]

الحلو حلو
قرأت الملف المرفق و فعلاً اريد ان اشكرك على طريقتك اللذيذة السلسة فى توصيل المعلومة و كأنك تتحدث معى
و لكن عندى سوال هل نستعملة لكل الازواج
و ارجو دوام التوفيق

اقتباس من الجزء التانى الصفحه التانية

ليه سميته بالعام ؟
لان التوليفه دى تعمل على اى زوج او سهم او معدن او ......
و يعمل اى ايضا على اى فريم حتى فريم الاربع سنين
تخليك زى مهنشوف بعد الشرح تعرف تقول نظرة فنية كامله على اى شارت تشوفه

شكرا على كلماتك العطرة وانا اشكرك على القراءة والاهتمام

ودى و تقديؤى

[mobtd2_msry]

مؤشر الحلو العام كله اكسبونينشال

اه معلش..لسه واخد بالى دلوقتى..

الصبر جميل يا مبتدىء مصرى الفرص جاية والاستراتيجيات جاية بس براحه

حاضر..وأنا متابع مع حضرتك للنهاية..

بس لو ممكن طلب صغير؟؟

ياريت حضرتك تعجل بنشر باقى الاجزاء لأنى فعلا متلهف على قرائتهم..

[وليد الحلو]

الله الله عليك يا معلم ...

شو هالإبداع هاد كلو .... ألف شكر ...

بارك الله فيك...

أحلى مرور والله تسلم على كلماتك العذبة الجميلة

ودى وتقديرى

[وليد الحلو]

وليد باشا كلامك بيدخل الدماغ من غير حواجز
أهنئك على مواضيعك القويه دائماً , و لو اني قليل في مشاركاتي بس مواضيعك يا باشا دائماً في الجون
ما شاء الله عليك و على الحماس اللي بتزرعه في الناس.

سؤال بسيط يا باشا, هو احنا ممكن نشتغل على أي تايم فريم ولاَ الربع ساعه بس؟
و جزاك الله الف خير.

شكرا على ردك الجامد ده يا صاحبى ..... رد ولاد البلد
وللاجابة على استفسارك يا جنتل بص على الحته دى

ليه سميته بالعام ؟
لان التوليفه دى تعمل على اى زوج او سهم او معدن او ......
و يعمل اى ايضا على اى فريم حتى فريم الاربع سنين
تخليك زى مهنشوف بعد الشرح تعرف تقول نظرة فنية كامله على اى شارت تشوفه

تعالى اشرب شاى بقى

[وليد الحلو]

معلش يا باشا لو فيها غلاسه يعني سؤال تاني
كيفية تحديد الهدف و الستوب هنا؟ و ما أفضل الأزواج لها؟ و هل هي فقط الأزواج قوية الحركه "كالمجنون و الباوند فرنك" فقط أم ماذا؟
شاكرين يا باشا.

صديقى العزازى بص على الحته دى

وارجوا من القارىء الكريم ان لا يأخذ كل فن بعينه ويحاول ان يجعله استراتيجية
كل الفنون التى سأعرضها أدوات فنية قوية لا تعمل بمفردها بس هى أضافات قوية قد تساهم فى تحسين الاستراتيجيات
اما عن الاستراتيجية ان كنت تبحث عنها فهى التى سننتهى بها بأذن الله وستكون على ايديكم و ستساعدوننى على ابتكارها
وعندها ستشعر بالقوة فى المضاربة فأنت تعرف كل صغيرة وكبيرة فة الاستراتيجية وشارك فى ابتكارها ونشأت على يديك و و و

مؤشر الحلو العام ليه وظيفته و هى:

فيما يستخدم مؤشر الحلو العام؟
1- معرفه التريند العام لاى زوج فى اى تايم فريم
2- معرفه قوة التريند واحتمال كسره .
3- التنبأ بسلوك السعر (أستخدام احترافى يحتاج ممارسه)

الجزء الثالث ان شاء الله اللى هيبقى اقوى جزء هيكون هدفه تحديد مناطق الدخول وخلافه
هنلاقى نفسنا درسنا واستخرجنا كل جزء محتاجينه فى المضاربة
عارف ساعتها هيحصل ايه

هنضارب مضاربة محترفين (ان شاء الله )
لاننا ساعتها هنكون فاهمين احنا بنعمل اه

صبح حبيبى

[وليد الحلو]

الرد على مبتدىء مصرى بعد الفاصل
منتظرين أسألتكم

ودى و تقديرى

[وليد الحلو]

اه معلش..لسه واخد بالى دلوقتى..

حاضر..وأنا متابع مع حضرتك للنهاية..

بس لو ممكن طلب صغير؟؟

ياريت حضرتك تعجل بنشر باقى الاجزاء لأنى فعلا متلهف على قرائتهم..

كل اللى اطلبه من الجميع الان هو القراءة والتركيز فى كل حرف اكتبه
ومحاوله التدريب والممارسه أسأولوا براحتكم انا معاكم للاخر
الجزء الثالث طويل وهو الخاص بنقاط الدخول لانه هيدمج حاجات كتيرة منها بس التوليفات وانت شايف فى الدراسه الفنية كان الموضوع طويل قد ايه
ان أمل انى انزل الجزء الثالث يوم الخميس
أظن معدل 3 أجزاء فى الاسبوع مش قليل ابدا خصوصا لو فى سوق او ما شابه
بس انا عايز انجز فى الاجزاء عشان لما نفتح الورشه الشغل هيبقى اريح


ودى و تقديرى