حوار بين زوج وزوجته ايام زمان

[wajdyss]

الزوج : مرحبا يامرة... شو عاملتينا عشا اليوم؟
الزوجة : يه يه يه... تقبر عضامي... إجيت حبيبي؟! تقبرني شو حركتك خفيفة ومابتزعج حدا...
لك حلّت البركة يا روحي... طابختلك حرّاء بأصباعو ويالنجي وكبة لبنية تقبشني.

الزوج : يا الله يالله بلا كتر غلبة، قومي حطي الأكل قومي.
الزوجة : لك إي مو تكرم ابن عمي... مو تكرم... لك من هالعين هَي قبل هَي.

الزوج : ناموا الولاد؟
الزوجة من المطبخ : ناموا حبيبي... نيمتون وبعدين حميتلّك الحمام يا عمري.

الزوج بعد أن يرى أصناف المائدة أمامه : إيييه... باين السهرة رح تحلى اليوم...
يمضغ اللقمة الأولى ويقول: ممم... طيبة هالكبة طيبة!!

الزوجة رافعة يدييها للسماء: لك روح... ربي مولايي يبيضلك أيامك ويبعد عنك ولادين الحرام يا حق.

ينهي الزوج طعامه قائلاً: الحمد لله.

فتسأل الزوجة : عجبك الأكل يا عمري.
الزوج : إي والله... تسلم إيديكي... تعبتك معي.

الزوجة مرتبكة من الفرح: عجبك الأكل؟!... لك تطلع على قبري شو إنّك هني وبتعرف تحكي...
لك تكفنّي على هالكلام الحلو يا حق... بكرة بدي اعملّك حمام محشي وبطاطا بالفرن... بدك تاكل أصابيعك وراهن...
بعدين شو تعبتني وما تعبتني؟!... ليش أنا عندي غيرك بالدنيا يا حبيبي؟!، لك تشكل آسي يا حق.
الزوج وهو ينشّف يديه بعد غسلها : قلتيلي الحمّام جاهز يا مرة؟
الزوجة بخجل... وبابتسامتها الحلوة : ولَو تقبشني... ولَو!!! وحطيطيلك صابونة غار من يللي جابتهم أمك تقبرني.

الحوار بين (امرأة اليوم وزوجها):
الزوج : مرحبا يا حلوة... شو عاملتينا عشا اليوم؟
الزوجة ملتفتة إليه وبيدها جريدة : شو
إيمتى جيت؟!... مبكّر مو على عادتك يعني... على كلْ عاملتلك مجدرة برغل وعدس... شو بدي اطبخلك يعني... بعدين مو مبارح أكل لحمة بالصحن؟.
الزوج : طيب... تقبشيني قومي حطيلنا الأكل لناكل.
الزوجة : ليكو الأكل عندك بالمطبخ... وين بدو يروح يعني؟!... العمى شو كمان بدي جبلك الأكل لحد عندك؟!.
الزوج وبطريقه للمطبخ: إنشاالله ناموا الولاد؟!.
الزوجة : إي شو نيّمهن هلق... مو بكرة عطلة؟... يعني ما وراهون شي.
الزوج في المطبخ يمضغ أول لقمة ويحدث نفسه: العمى شو هالمجدرة؟!... كأني عم أكل بحص مو برغل!!!
الزوجة وكأنها سمعت شي: شو عم تكروِت؟
الزوج مزعوج: آ... مو شي حبيبتي... ما في شي
الزوجة : عجبك الأكل؟
الزوج بإحباط: اي... طبعاً طبعاً... تسلم إيديكي!.
الزوجة بتأفف: معناها كل يوم بعملك منها.
الزوج بعد ما غسّل ايديه: جاهز الحمّام يا ترى حبيبتي؟.
الزوجة غضبانة.. ترمي الجريدة من ايدها وبتصرخ في وجهه: العمى على هالقصة!.. طبختِ يا مرة؟... ناموا الولاد؟... جاهز الحمّام؟... إي شو أنا ما عندي حدا غيرك؟... لك ما عدت تعرف تنضب؟

منقول للترفيه بعد عناء الفوركس

[alhaidary]

سبحان مغير الأحوال

يقولونَ فسدَ الزمانُ ولكنْ * فسدتمْ وما فسَدَ الزمانُ

مقارنة بديعة أخي وجدي

[اسير القرآن]

هههههههههههه...........
والله يااخي ان الواحد ليتزوج بواحده فقط من المثال الاول.......خير له من المثال الثاني ..........ولو كانت صاحبه مال وجاه...........
هم يضحك وهم يبكي........

[alhaidary]

[quote=اسير القرآن;302306]هههههههههههه...........

والله يااخي ان الواحد ليتزوج بواحده فقط من المثال الاول.......خير له من المثال الثاني ..........ولو كانت صاحبه مال وجاه...........
هم يضحك وهم يبكي........[/quote]

ونسيتَ أخي أسير القرآن الهم الثالث

الهم برغر

خخخخخخخخخخخ

[اسير القرآن]

[quote=alhaidary;303068]

هههههههههههه...........

والله يااخي ان الواحد ليتزوج بواحده فقط من المثال الاول.......خير له من المثال الثاني ..........ولو كانت صاحبه مال وجاه...........
هم يضحك وهم يبكي........[/quote]

ونسيتَ أخي أسير القرآن الهم الثالث

الهم برغر

خخخخخخخخخخخ

ههههههههههه
والله لم انسها اخي العزيز ولكن لم اعرف ان ال(هم برجر) وصل الي اراضي الحجاز؟؟؟؟؟؟؟
هههههههههههههه
كنت اظنه يقتصر علي مصر فقط........هههههههه
عموما تصحيح الخطأ..........
هم يضحك وهم يبكي وهم برجر........
تقبل خالص ودي وتقديري اخي العزيز..........