اصنع مؤشرك (ورشة عمل)

اقتباس:

---

المشاركة الأصلية كتبت بواسطة ayman_tamim

السلام عليكم ورحمه الله و بركاته

انا عايز مؤشر يشتغل مع الاستوكاستك (تشبعات) و الار اس اى (فوق او تحت ال 50) و الببببببببببببولللللنججججججججججررررررررررر باااااااااااااااااااااااااااااااند خماسى الخطوط

و شكرا

---

طيب و بتزعق ليه
انت عايز مؤشر
و انا عايز سندويتش جنبرى مش جمبرى
انت تأمر يا استاذ ايمن
بس الموضوع ده للمبتدئين امثالى مش عايزين نشتتهم
و حاضر من عنيا

اقتباس:

---

المشاركة الأصلية كتبت بواسطة hadi75m

معلشى ياباشا اخوك غشيم شويه كيف نقلت صوره المؤشر بالوضع اعلاه هنا

استحمل يا استاذ وبلاش العصى

---

معلومة هامة
عند كتابة كود المؤشر فى مشاركة اتبع الصور

اقتباس:

---

المشاركة الأصلية كتبت بواسطة الرحال55

بسم الله الرحمن الرحيم

اولا :مبروك اللقب لم انتبه الا الان وهو اسم على مسمى ايها الاستاذ
طيب انا قرات كتابك وترجمة الاستاذ وليد والدروس الي بالانجليزي ولقيت كتاب كده وقريتو
عايز ممارسة وواحد استاذ زيك تتطلع عينو اسئلة
عندي كم نقطة متلخبط فيهم
زي
return()
القيمة البتكون جواها مرة واحد ومرة صفر
بعض المرات اشوف الدالة بتنتهي ب return
وفي حت تانية نفس الدالة بدون return
كنت متلخبط في الدالة الي بطلع القيم على شارت المؤشر اتوقع لقيتها
المهم الى الان ماشين تمام معاك
منتظرين البقية

---

اخى الكريم
اشكرك على شعورك الطيب النبيل
و ثانيا
بالنسبة للدالة return
ياتى بعده الرقم 0 عادة اذا كنت متأكد ان البرنامج ينتهى نهاية طبيعية
و ياتى اى رقم اخر فى حالة ما اذا كنت متخوف من حدوث خطأ فى الكود
هذا و الله اعلم

منتظرينك يا الغالي

اقتباس:

---

المشاركة الأصلية كتبت بواسطة ahmed hanafy

معلومة هامة

عند كتابة كود المؤشر فى مشاركة اتبع الصور

---

معلشى يا استاذ الصور التى ارفقتها غير موجوده فى برمجه المؤشر
ام انك كتبها فى الورد
تقبل تحياتى

اقتباس:

---

المشاركة الأصلية كتبت بواسطة hadi75m

//

بسم الله

المحرر يكتب الكود لوحد

عجيييييييييييييب

---

الاستاذ/ احمد حنفى باشا
تم تجميع الدرس الاول لعمل المؤشر ومنتظرينك ياغالى للجزء الثانى وكل التلامذه قاعدين فى مقاعدهم وللامانه محدش بيعمل شقاوه بس فيصل اللى عمال يقول نكت وكتبت اسمه على السبوره والعصا جاهزه ولو بتحب نمده الكل جاهز يمسكه حتى يقول حرمت

[/quote]


مشكور اخويا هادى
و انت نسيت المفتاح الاساسى للموضوع
على رأى الاستاذ / ياسر
المفتاح اهو

قبل اى شئ
نمسك ورقة و قلم و نكتب
مع بعض
شايفك ياللى مش بتكتب

احنا عايزين نعمل ايه ؟
مؤشر
جميل ... معتمد على ايه ؟
تقاطع متوسطين

رائع .... يعطى اشارات ايه ؟
اشارة تدل على الصعود و اخرى تدل على الهبوط

منتاز مش ممتاز لا منتاز يعنى يرسم اشارتين ؟

الاشارتين دول فى نفس نافذة السعر و لا فى نافذة مستقلة؟

فى نفس نافذة السعر

طيب اسهم و لا خطوط و لا هيستو (ده لازم يكون له نافذة مستقلة)

اسهم
خلاص
نتوكل على الله

اقتباس:

---

المشاركة الأصلية كتبت بواسطة hadi75m

معلشى يا استاذ الصور التى ارفقتها غير موجوده فى برمجه المؤشر
ام انك كتبها فى الورد

تقبل تحياتى

---

اخويا هادى الصور موجودة فى الوضع المتقدم فى المنتدى

اقتباس:

---

المشاركة الأصلية كتبت بواسطة خيرالدين

الاستاذ/ احمد حنفى باشا

تم تجميع الدرس الاول لعمل المؤشر ومنتظرينك ياغالى للجزء الثانى وكل التلامذه قاعدين فى مقاعدهم وللامانه محدش بيعمل شقاوه بس فيصل اللى عمال يقول نكت وكتبت اسمه على السبوره والعصا جاهزه ولو بتحب نمده الكل جاهز يمسكه حتى يقول حرمت

---

الحمد لله
اسمى ميش مكتوب على الصمبورااااااااااااااااا
هادى انا اخوك عندك تكتبنى على الصمبورااااااااااااا
لانى لا احتمل العصى
فيصل جهز نفسك لعصى عمك احمد هههههههههههههههههه

منتضرينك بفارغ الصبر يا شيخ
تحياتى لكم والسلام عليكم[/quote]

انت اسمك مش مكتوب
انت اسمك محفور فى قلوبنا

ثاااااااااااااااااااابت الورشة
ارجو منع المشاركات حتى تنتهى سلامة من الغناء
لا
اقصد حتى ينتهى احمد حنفى من الشرح

الاخوة الكرام

نحن نكتب المؤشر باللغة الانجليزية فى شاشة تسمى المحرر
صح
و لكن الكمبيوتر لا يفهم ما كتبناه
صح
طيب علشان الكمبيوتر يفهم يبقى عايز ايه ؟؟؟
عايز مترجم
او مفسر لكلامنا
صح
اسمه كوبيلر
compiler

سطور التعليق
تبدء ب // و يكون لونها اسود باهت
هى سطور يكتبها المبرمج بلغته و لكن لا يترجمها المترجم
يعنى مثلا
انت نفسك لو كتبت مؤشر فيه 100 سطر و غبت عنه شهر و حبيت تعدله
انت نفسك تنسى انت كتبت السطر ده ليه او ايه المقصود منه
علشان ما نتلخبطش
بنكتب سطر التعليقات
ممكن اكتب حاجة زى كدة
// انا جدع
و ممكن
// من هنا تبدء عملية البيع

وهكذا
اسيبكم مع الصورة

الصورة توضح منطقة التعريفات
هما كام مؤشر
الوانهم ايه
مين المصفوفة المسؤلة عن الرسم لكل مؤشر
و هكذا

احنا كلامنا بلدى *** لكن غالى و له ثمرة
مخمخ فى كلامى و تأمل معناه

يعد منطقة التعريفات
نجد الكود ينقسم الى 3 اجزاء (اقسام)
كل جزء يسمى دالة
و كل جزء له طعم و معنى مختلف
الصورة

نشرحهم واحدة واحدة
الدالة int ()
تعمل مرة واحدة فى بداية تشغيل المؤشر و بعد كدة ملهاش دعوة
و شوفوا بنكتب جواها ايه ؟
شوية معلومات بسيطة يجب ان يعرفها المؤشر فى بدء التشغيل

بصوا كدا

كود:

---

//+------------------------------------------------------------------+
//| Custom indicator initialization function                        |
//+------------------------------------------------------------------+
int init()
  {
//---- indicators
  SetIndexStyle(0,DRAW_ARROW);  // انا هنا كتبت فى الكود نفسه مش صورة
  SetIndexArrow(0,217);        // السطور ده بتعرف الاشارات المستخدمة انها اسهم الاول له الرمز 217
  SetIndexBuffer(0,ExtMapBuffer1);// و المسؤل عن رسم الاشارة هى المصفوفة دى
  SetIndexEmptyValue(0,0.0);  // لاحظوا ان الرقم 0 الموجود فى السطور الاربعة يرمز للاشارة الاولى السهم الصاعد
  SetIndexStyle(1,DRAW_ARROW);
  SetIndexArrow(1,218);
  SetIndexBuffer(1,ExtMapBuffer2);// نفس الشئ بالنسبة للاشارة الثانية السهم النازل
  SetIndexEmptyValue(1,0.0);
//----
  return(0);
  }

---

نشرحهم واحدة واحدة


الدالة deint ()

دالة عبيطة ملهاش لازمة غير انها تنهى البرنامج
يعنى بتطفى النور و تمشى

كود:

---

//+------------------------------------------------------------------+
//| Custom indicator deinitialization function                      |
//+------------------------------------------------------------------+
int deinit()
  {
//----
 
//----
  return(0);
  }

---

ملحوظة مهمة جدا
ملحوظة مهمة جدا
ملحوظة مهمة جدا


انظر الصورة و احفظها قوى
يعنى تنام تحلم بالصورة دى