~~ خلاصه القول فى ادارة رأس المال ~~

[jedawy]

حبيت اطرح هذا الموضوع حتى نحسم قضية مهمه ومن القضايا اللى أخذت اكتر من حقها فى من مناقشه و خلاف
موضوعين فى الفوركس بيشغلوا المضاربين الجداد زيادة عن اللزوم والقدام كمان
الوسيط وبعد كده أدارة راس المال
وغالبا بيضيع فيهم وقت كتير ملوش لازمه والاولى انه يستثمر هذا الوقت فى دراسه علوم الفوركس الفنية والاساسية

فى ناس هتقولى أدارة راس المال ملوش لازمه التزم بـ % من حسابى وخلاص
اقوله لا لا لا
ادارة رأس المال ممكن تزود ارباحك
أدارة راس المال لا تعطى فرص للمفاجئات

مميزات أدارة رأس المال
1- تبعد عنك ضيف الفوركس الثقيل (المارجن كول)
2-تحقق لك اقصى استفادة من حسابك طبقا لنسبه المخاطرة اللى انت محددها
3-تجعلك تفرض على الفوركس اسلوبك وانت عايز تكسب كام وتخسر كام .
4-تجعلك لا تخشى الخسائر فأهلا بالخسائر فى اى وقت كله معمول حسابه.
5- تقتل شبح الخوف من السوق.

من فترة ليست بقصيرة و بعض المضاربين الكبار لسه بيستخدموا نسب صنمية فى ادارة الحساب وبعضهم ملتزم بيها حتى الان
يعنى مثلا: انا بضارب يـ 1% لا انا بضارب بـ 10 % لا انا بـ كذا%
ابو 1% لا يستفيد برأس ماله
ابو 10% عرضه للضربات القوية
ابو كذا% لقى دول شغالين بـ1% و دول شغاليين بـ10% قال خلينا فى الوسط

مبدأيا مارجن 1:100 هو المارجن المناسب لهذا السوق و فوق هذا فهو عيب و ليس ميزة
ولن ندخل فى المارجن بس لا تعمل على مارجن اكثر من 1:100

احسن مبدأ لادارة رأس المال هو
(( احسب خسارتك قبل مكسبك ))
بس

تطبيق عملى
انا بستغل بأستراتيجية استوبها 50 نقطه وهدفها 60 نقطه
وحسابى بـ 1000 دولار
اسأل نفسى انا عايز اخسر كام كل صفقه ؟
انا هقول 50 دولار انت هتقول 100 غيرك هيقول 20 دولار
بعد التدقيق فى امكانيات استراتيجيتك فرضنا انك اخترت ان لا تخسر اكتر من 50 دولار فى الصفقه
همممممم
يعنى انت استوبك 50 و مش عايز تخسر اكتر من 50 دولار
يعنى لازم يكون سعر النقطه = 50 دولار ( اقصى مبلغ عايز تخسره) / 50 نقطه (استوبك )
= 1 دولار
ايه اللوت اللى نقطته بــ 1 دولار فى المارجن 1:100 ؟
10K
اذن انت هتفتح الصفقه دى بـ10K

ومش عايز اعرف دى تطلع كام فى الميه من حسابى
وتضرب استوب او متضربش مش مهم .... حسابى اما هيزيد 60 دولار او هيقل 50 دولار
اما الحمد لله او بارك الله فى ما رزق

وكل مرة تفتح صفقه كرر العملية دى


اعرف استوبك
شوف عايز تخسر كام
اقسمهم على بعض لتعرف سعر النقطه
شوف سعر النقطه يجيبلك لوت وبكام


وان شاء الله هتنسى الخوف وهتحقق اقصى ربحيه من حسابك طبقا لمستوى مخاطرتك

اتمنى تكون المعلومة مفيدة
و نكون قدرنا على حسم موضوع أدارة رأس المال

ودى و تقديرى للجميع

شكرا اخى وليد ياعاقل ياراسى وخير الكلام ماقل ودل فعلا افدتنى كثيرا اشكرك جدا

[ayman30]

يعطيك الف عافية ,,,

[السوهاجى]

موضوع جميل جدا
وكلام واقعى جدا
وشكرا على المجهود الرائع دا يا وليد

[mawasee]

جزاك الله خيرا ورزقك من حيث لا تحتسب

مع ان الموضوع نوضع من زمان بس الشكر والدعوات الصالحة لازمة دائما

[هامور مبتدئي]

كلام 100%
من الحلو طبعا اكيد حاط دريم ويب
عن نفسي انا بما اني مبتدئي لازم طبقه والتزم فيه علشان اتعود عليه
اصلي بحب الحاجه الحلوه

ابو طارق

[وليد الحلو]

جزاك الله خيرا ورزقك من حيث لا تحتسب

مع ان الموضوع نوضع من زمان بس الشكر والدعوات الصالحة لازمة دائما

امين يارب
شكرا اخى مواسى على دعائك و ياريت متحرمنيش منه

كلام 100%
من الحلو طبعا اكيد حاط دريم ويب
عن نفسي انا بما اني مبتدئي لازم طبقه والتزم فيه علشان اتعود عليه
اصلي بحب الحاجه الحلوه

ابو طارق

منور يا ابو طارق
و انا معلوماتى ان مفيش هوامير مبتدأه الكبير كبير
و ربنا يوفقك حبيبى

ودى و تقديرى

[zzizzo]

يا وليد

راسلني ولك عندي مفاجئه لا تتخيلها

حقيقي واحشني موووووووووووووووووووووووووووووووت

وكلمة السر ؟؟؟؟؟؟؟؟؟؟ علي الجندي

ههههههههههههههههههههههههههههه يا خوفي احسن كلمة السر تخليك بدل ما تراسلني تهرب

تحياتي علي موضوعك الاكثر من رائع وفي انتظارك علي احر من الجمر

اخوك زيزو (((( واحشني جدا يا جميل ))))

[seliem]

مشكور يا با شا

[!MMM!]

رائع ، كلامك

[ndndnd]

موضوع رائع

[Mohamed Nasr]

تسلم ايدك ياسعادة الباشا وليد .. والله دايما مواضيعك مميزة

تقبل ودى ياخى العزيز

[فهيم فهيم]

فعلا كلام غاية في الروعة والإتزان استاذ وليد

[Tamer705]

كلام أكثر من رائع مشرفنا الحلو وليد الحلو

لكن اسمح لي بسؤال

حضرتك ذكرت ان أفضل مارجن هو 1:100

ممكن بعد إذن حضرتك تشرحلنا السبب لانى لازلت مبتدأ ولا أعلم ما الحكمة فى هذا إلا أنى وجدت أخوة أفاضل آخرين أيضا يفضلون هذه النسبة ويوصون بها فهل من توضيح؟؟

وجزاك الله عنا خير الجزاء اللهم آمين

[وليد الحلو]

كلام أكثر من رائع مشرفنا الحلو وليد الحلو

لكن اسمح لي بسؤال

حضرتك ذكرت ان أفضل مارجن هو 1:100

ممكن بعد إذن حضرتك تشرحلنا السبب لانى لازلت مبتدأ ولا أعلم ما الحكمة فى هذا إلا أنى وجدت أخوة أفاضل آخرين أيضا يفضلون هذه النسبة ويوصون بها فهل من توضيح؟؟

وجزاك الله عنا خير الجزاء اللهم آمين

ليس افضل مارجن بل هو اكثر شىء متاح لدى كل شركات الوساطه

ودى و تقديرى

[Epic]

السلام عليكم ورحمة الله وبركاته

شكرا اخى وليد على الموضوع الاهم

يعنى انا عرفت دلوقتى لما هفتح حساب حقيقى

رافعه 1/100

يعنى انت استوبك 50 و مش عايز تخسر اكتر من 50 دولار
يعنى لازم يكون سعر النقطه = 50 دولار ( اقصى مبلغ عايز تخسره) / 50 نقطه (استوبك )
= 1 دولار

مفهمتش الجمله دى ممكن تبسطها ازاى سعر النقطه يساوى 50$