لا تتاجر فى وقت الأخبار ... طب متى نتاجر ؟ ... دعوه للفضفضه

[محـمـود ربـيـع]

اخوانى الكرام ممكن افضفض معاكوا
هذه دعوه للفضفضه وسؤال هام ارجو من الخبراء الاجابه عليه
يعنى اللى عنه شيئ مدايقه من السوق يتفضل يقول وادينا منها بنفضفض ومنها بنتناقش

اول شيئ بقى غريب :
من القواعد المعروفه والأوليه فى الفوركس
لا تتاجر وقت الاخبار
ولكن بالنظر الى جدول اى يوم خلقه ربنا هتلاقيه كله اخبار وهتلاقيه فيه خبر او اتنين باللون الاحمر ينتظرها السوق ليتحرك .... كل يوم على هذا الوضع

ينتظر السوق الخبر دائماً ويدخل فى حاله من التذبذب وضرب الاستوبات لأنه لا يكون محدد الاتجاه بسبب التوقعات المتضاربه للخبر او انتظار الخبر هكذا طوال اليوم وقبل الخبر .... ثم يأتى الخبر فجأه ليتحرك السوق ويجب عليك ان تبقى بعيداً وقت الاخبار ... ثم يأخذ السوق تأثير الخبر وتهدأ الامور ويعود لحالته الاولى بعد الفتره الامريكيه وطوال الفتره الاسيويه وتتكرر المهذله كل يوم .

الفوركس للأسف لم يعد سوق تحليل فنى او قراءة شارتات لقد اصبح سوق تذبذب واخبار يعتمد فى اى حركه منه على مايريده او ما يتوقعه الكبار فى السوق خبر يجيبه وخبر يوديه قد تدخل صفقه ممتازه من الوجهه الفنيه ثم يأتى الخبر ليدمرها لك

والعجب العجاب ان الخبر يأتى احياناً سلبى وسيئ على العمله وتجدها تصعد بدل الهبوط ويأتى ايجابى فتجدها تهبط بدل الصعود يعنى حتى الاخبار مالهاش قواعد

وطبعا اما ان تبقى بعيداً لتشاهد دون ان تدخل السوق
واما ان تدخل السوق وانت الجانى على روحك هتضيع فى الرجلين السوق اصبح يتحرك تحركات عشوائيه غريبه غير منطقيه بالمره

وهذا هو السؤال متى نتاجر اذا كنا نبتعد عن الاخبار ؟؟؟
مثال اليوم خبر الوظائف الامريكيه وبعده خبر الفائده النيوزلنديه
وطبعا لا تدخل وقت الاخبار
طب وامس كان حديث برنانكى وخبر الناتج الامريكى وخبر الاسترالى وطبعا لا تدخل وقت الاخبار وادينا منتظرين خبر التوظيف الامريكى
طب وبكره يوم الدمار العالمى الشامل خبر الفايده على الباوند وخبر الفايده على اليورو وحديث تريشيه وطبعا لا تدخل
طب وبعده يوم الجمعه مليان اخبار مخيفه على الكندى والدولار
وطبعا ممنوع الدخول لانه به حوالى 7 اخبار طازه ورا بعض

وينتهى الاسبوع ونحن فى المدرجات ننتظر الخبر وانتهاء الخبر
والمصيبه ان الاخبار يتم توزيعها على اليوم يعنى جرعه كل ساعتين تلاقى خبر جاى فوق دماغك

واخيراً اقول حسبى الله ونعم الوكيل

تقبلوا تحياتى

[w7sh]

والله كلامك صحيح ياخوي
جننونا بالأخبار والتذبذب اللي قبلها
بس يعني ممكن تتاجر بعد الخبر يكون السوق اخذ ترند معين تدخل صفقاتك بناءا عليه
والله اعلم

[ابوثابت]

اخوي محمود تاجر في الليل قلة الاخبار والحركه فيه من قريب افضل من النهار

[محـمـود ربـيـع]

وتانى حاجه غايظانى هيا اسعار شركات الوساطه وعلى رأسهم الكبار سى ام وسوليوشن

سى ام الاسبريد بيتحرك مع نفسه وتلاقى احياناً فرق الاسبريد 5 نقط لليورو دولار الغلبان

اما سوليوشن فطبعا بتذلك وتحرق دمك عشان تديك السعر
يعنى تلاقى مثلا سعر اليورو دولار البيع 1.3130 وعندها 1.3125 طبعا ذل والله
وتلاقى الهدف اللى انت حاطه على الميتاتريدر السعر وصله من زمان وارتد بينما في الشركه لم يصل السعر هناك اصلاً وممكن تنقلب الصفقه من مكسب لخساره لان السعر فيها لم يصل يعنى تعمل حسابك كده ان سعرها بيتحرك بطلوع الروح الاسعار فيها ما بتتحركش بسهوله

والسبب انهم بيدوك السعر اللى ثبت عليه الزوج لفتره من الزمن قال يعنى يعملون لمصلحتك وطبعا لا لانهم لا يفيدوك بتحركات السعر السريعه بيعطوك السعر الذى وقف عليه الزوج لفتره مثلا نص دقيقه ...... يعنى تلاقى الهدف اللى انت حاطه اتحقق فى كل مكان ماعدا عندك .... ويا سلام لو انت بتشتغل على نظام زى ويننج سوليوشن هدفه بيتحقق بسرعه ويرتد ابقى قابلنى لما تطلع بخمس نقط ولا حاجه

كفايه كده والبقيه تأتى ...... نلتقى بعد الفاصل

[محـمـود ربـيـع]

اخوي محمود تاجر في الليل قلة الاخبار والحركه فيه من قريب افضل من النهار

طب ماهو الليل بيكون اسوأ لان الاسيويه كلها تذبذبات
اضف الى ذلك ان السعر فيها بيتحرك بالعافيه

[homa]

هذا اسمه فوركس اصعب مجال للعمل حرق اعصاب ونفس وصحة وبالاخر الشهر تطلع شوية ربح تخسرهم ايام التذبذب, الرابحين في هذا السوق هم اصحاب الاستثمارات طويلة الاجل او المضارب السونجي الفهمان , لاني هذه الفءة لا تهتم بالاخبار هدف كبير ستوب كبير هذا هو حل الفوركس هذا راي الشخصي فقط بالنسبة لي افضل المضاربة الاسبوعية

[محـمـود ربـيـع]

هذا اسمه فوركس اصعب مجال للعمل حرق اعصاب ونفس وصحة وبالاخر الشهر تطلع شوية ربح تخسرهم ايام التذبذب, الرابحين في هذا السوق هم اصحاب الاستثمارات طويلة الاجل او المضارب السونجي الفهمان , لاني هذه الفءة لا تهتم بالاخبار هدف كبير ستوب كبير هذا هو حل الفوركس هذا راي الشخصي فقط بالنسبة لي افضل المضاربة الاسبوعية

والله كلام سليم لكن السوينجات تكون احياناً غير مضمونه
اشهر واحد يعمل بالسوينجات هو الدكتور حسن السيد

ولكن له طريقته التى لا يتقنها غيره

اصلحنا الله وايكم يا اخوانى

[إسبح وسط القروش]

السلام عليكم عزيزي (بس الله يخليك ماتفهمني غلط) الانسان لا يوجد له فعل او اختراع او عاده ليس لها اصل من الطبيعة ولنا في الخلق عظة يا عزيزي تكيفت الحيوانات والحشرات مع الطبيعة والوسط المحيط بها كل حسب ظروفه وامكانياته هناك حيوانات ليليية تنشط ليلا والعكس وهذا ما يسمى بالبقااااااااااااااااااااااااااااااااااااااااااااا اااااااااااااااااااااء
اول شي مهم لك في عالم الفوركس تعتبره مكسب هو البقاء
بعد ذلك الاستقواء قليلا قليلا حتى تتمكن اتمنى ان تصل الرسالة يعني ابني نفسك وقوي اسلحتك بعد ذلك ادخل المعمعة وسلامتك.

[محـمـود ربـيـع]

السلام عليكم عزيزي (بس الله يخليك ماتفهمني غلط) الانسان لا يوجد له فعل او اختراع او عاده ليس لها اصل من الطبيعة ولنا في الخلق عظة يا عزيزي تكيفت الحيوانات والحشرات مع الطبيعة والوسط المحيط بها كل حسب ظروفه وامكانياته هناك حيوانات ليليية تنشط ليلا والعكس وهذا ما يسمى بالبقااااااااااااااااااااااااااااااااااااااااااااا اااااااااااااااااااااء
اول شي مهم لك في عالم الفوركس تعتبره مكسب هو البقاء
بعد ذلك الاستقواء قليلا قليلا حتى تتمكن اتمنى ان تصل الرسالة يعني ابني نفسك وقوي اسلحتك بعد ذلك ادخل المعمعة وسلامتك.

الله يسلمك يا غالى

هذا موضوع للفضفضه بس مش شايف هنا حد بيفضفض غيرى هههههه

طبعا اتى خبر الدولار المنتظر ولم يحرك السوق ساكناً والخبر كانت نتيجته سلبيه على الدولار جدا وضد الدولار ومع ذلك رأينا الدولار يقوى ويرتفع يعنى السوق ماشى عكس الاخبار

طيب تصبحوا على خير

[محـمـود ربـيـع]

طيب نفضفض كمان شويه

زمان ايام العز الفوركسى كان ياما كان يحكى قديماً ان اليورو والباوند كانوا اخوه وكانوا يسيروه سوياً مع بعضهم البعض يرتفع هذا فيرتفع ذلك ... ولكن اتى هادم اللذات ومفرق الجماعات واصبح كل واحد يسير فى طريقه غير عابئ بصديقه فتجد اليورو يصعد والباوند يهبط ... وهكذا هي الدنيا
وكان قديماً فى كتب الفوركس ان اليورو دولار والفرنك دولار يسيرون بالنقطه مع بعضهم البعض يهبط هذا فيصعد هذا ... الان اصبح الجميع يمشى كما يحلو ليه فيهبط هذا ويهبط هذا .........

وللفضفضه بقيه

نلتقى بعد الفاصل

[homa]

طيب نفضفض كمان شويه

زمان ايام العز الفوركسى كان ياما كان يحكى قديماً ان اليورو والباوند كانوا اخوه وكانوا يسيروه سوياً مع بعضهم البعض يرتفع هذا فيرتفع ذلك ... ولكن اتى هادم اللذات ومفرق الجماعات واصبح كل واحد يسير فى طريقه غير عابئ بصديقه فتجد اليورو يصعد والباوند يهبط ... وهكذا هي الدنيا
وكان قديماً فى كتب الفوركس ان اليورو دولار والفرنك دولار يسيرون بالنقطه مع بعضهم البعض يهبط هذا فيصعد هذا ... الان اصبح الجميع يمشى كما يحلو ليه فيهبط هذا ويهبط هذا .........

وللفضفضه بقيه

نلتقى بعد الفاصل

ههههههههههههههه ضحكتني ياخي الله يجعل ايامك كلها ضحك بس كلامك مظبوط, ممكن احد يفسر لنا تغير حركة العملات?

[MAN]

طيب نفضفض كمان شويه

زمان ايام العز الفوركسى كان ياما كان يحكى قديماً ان اليورو والباوند كانوا اخوه وكانوا يسيروه سوياً مع بعضهم البعض يرتفع هذا فيرتفع ذلك ... ولكن اتى هادم اللذات ومفرق الجماعات واصبح كل واحد يسير فى طريقه غير عابئ بصديقه فتجد اليورو يصعد والباوند يهبط ... وهكذا هي الدنيا
وكان قديماً فى كتب الفوركس ان اليورو دولار والفرنك دولار يسيرون بالنقطه مع بعضهم البعض يهبط هذا فيصعد هذا ... الان اصبح الجميع يمشى كما يحلو ليه فيهبط هذا ويهبط هذا .........

وللفضفضه بقيه

نلتقى بعد الفاصل

و شايل كل دة فى قلبك

فضفض ياعم اكيد هتستريح

بس بردة لازم تتعلم تتكيف مع السوق زى ماقال احد الاحبة فى مشاركة سابقة

و اللة يرحم ايام زمان

كان الup trend uptrend و ال down trend down trend

و اللى يعيش ياما يشوف

[محـمـود ربـيـع]

اخوانى الكرام هذا الموضوع كوميدى يعنى بنهظر فيه ونتسائل
بنتخلص من ضغط الشغل شويه

يعنى نهظر انتوا واخدين الموضوع جد كده ليه

طيب خدوا دى
زمان وكان يا ما كان ... كان فيه زمان شيئ اسمه ترندات
كام السوق يسير فى ترندات الأن اصبح يهبط فجأه ويصعد فجأه
اصبح يرسم منحدرات بدلاً من ترندات وهذه مصيبه والله

كان زمان يوجد استراتجيه الترند المكسور .... طب انا اقترح اننا نعمل استراتجية الترند المعووج او استراتجية المنحدر المرتد ههههههههه

نلتقى بعد الفاصل ومزيد من الكوميدى
فشر البلية ما يضحك

[w7sh]

[Dr.GM]

بس يا سيدي ...
عارف الأخبار ممكن تتاجر عليها ...بس بشروط ...
اعرف سمفونية الأخبار (حلوه دي )
يعني بص ... الأخبار كويسة اوي للدولار ... الدولار طلع .. طلع .. طلع ... وفي المقابل الحجات داخل امريكا والحجات اللي بتتباع بالدولار سعرها طلع معاها ... محدش يشتريها ... يهبط الأقتصاد الدولاري ... وبعديها يبدأ الدولار يهبط ... ويهبط ... ويهبط .. لحد ما تعود الأسعار إلى وضعها الطبيعي .. وتبدأ الناس تشتري ويبدأ الدولار في الأنتعاش .. فيطلع تاني وكدا ... ودي مش عارف تقريبا بيسموها الدوره السنوية للعمله - وبالمناسبه ده المبدأ اللي بيعتمد عليه خبراء الهدج في التداول ... على انهم يدخلوا في بداية العجله نفسها -
طبعاً الموضوع مش بالبساطه دي اوي .. ادمج في الموضوع الاوضاع السياسية والبتنجانية والمهلبية و تطلعلك ام نبيل افضل شبكه محمول في مصر تقول لأ ثم لأ ثم لأ
(معلش ... فوت الفلته دي )
يعني هوا الموضوع مش بالبساطه اوي ولكن على نفس السيناريو ...
احياناً الدورة دي بتاخد سنه او اتنين او تلاته او متاخدهاش خالص مفيش مشكلة
عادي يعني ...
اما بقا استراتيجية التل المنحدر او الوادي السحيق او الحرب 89 كلها استراتيجيات في الأول والآخر بتعتمد على سلوك المتاجر نفسو في اداره المال وصفقة تخيب والتانية .. تخيب برضو ... مفيش مشكلة خالص
بعد ما تحط اي صفقة في السوق قول الآتي " استودعتك امانه عند الله الذي لا تضيع ودائعه ... فالله خير حافظ وهو ارحم الراحمين "
ويا سيدي لو انقلب السوق رأساً على عقب ... كن على ثقة ان ربنا مش هيضيعك ... وعن تجربه والله

اقولك انا نكته بقا ...
مره واحد اتنين تلاته اربعه عملو ترند صاعد

تحياتي