1 مرفق
ليه معظم الناس بتخسر في الفوركس ؟ هام جدا جدا
بسم الله الرحمن الرحيم
انا هجاوب عالسؤال ده وفق للطريقة اللي بجيدها واللي شغال عليها بقالي اكتر من 8 سنين وبتقنها وبحقق منها ارباح ولله الحمد وهستشهد بصفقة حية انا دخلتها على واحد من اعقد التحليلات في عملية اعادة التجميع واللي حصلت لزوج الكندي وانا بعتبر طريقة وايكوف هي سر من اسرار السوق لانها متوافقة مع الطبيعة وقوانينها يعني حقائق علمية مثل الحديد بيتمدد بالحرارة وينكمش بالبرودة مش مجرد نظرية تخضع للجدلية والاراء لان من يدرس وايكوف سيدرس السرعة والضغط والجهد والضعف والقوة وقلت قبل كده يمكن حبي ليها واتقانها اني دارس هندسة
هنرجع بالزمن شوية بما يخص زوج الكندي وافتكر توصيتي وتحليلي لزوج الكندي في اجابة لسؤال احد الاعضاء لما كلمني عن رؤيتي للكندي ودي كانت اجابتي من 20 يوم تقريبا
اقتباس:
المشاركة الأصلية كتبت بواسطة Mohammed_said90
,ولا يهمك ياصاحبي . شوف بنظرة عامة كده على الكندي فالزوج اخر عشر ايام بيقوم بعمل ريأكشنات قوية وصعود حاد بفوليوم كبير وده ميشجعش حد انه يدخل عليه شراء لان اهم قاعدة في وايكوف السبب والتأثير يعني لما عمل شيك اوت وارتفع بقوة يوم 6 هذا الشهر كان المفروض تأثير ده عالسوق انه يقوم برفع مستويات الدعم ويستمر في الصعود لكن ده محصلش والسوق لم يستجب وقام بريأكشن قوي وارتفعات حادة بفوليوم كبير وده معناه انه متجه للتصريف
فهو فعلا عمال يقوم بالتصريف الفترة الاخيرة وطبعا لازم يكمل نموذج التصريف بالكامل علشان تدخل عليه بيع وقتها غير كده مينفعش
بالتوفيق
وبعدها فعلا هبط الكندي تقريبا 150 نقطة وده طبيعي لان محترفي وايكوف سهل عليهم يعرفوا ويتنبأوا بالخطوة القادمة الاهم الاستمرارية علشان كده حذرت العضو انه لازم ينتظر التأكيد للدخول بيع وبعدها الكندي بدأ يظهر علامات ضعف في العرض
نيجي بقى للاهم بعد ضعف العرض المنطقي يصعد السعر وفعلا صعد بس بدأ يعمل علامات تشير للهبوط وتوزيع قوية فالمنطقي انه هيهبط وده ظهر في المنطقة المظللة بالاصفرومع وجود السعر تحت الترند يبقى فرصة عظيمة للبيع وهبط فعلا السعر وفي لحظة غير رأيه وسلوكه وهبط باسبريد صغير وفوليوم ضعيف ورجع يعمل قمم مرتفعة بفوليوم متوسط وواكد على تغيير سلوكه بعد كسر الترند ودخلنا عليه شراء وحقق اكتر من +100 نقطة ربح . وانقلب زوج الكندي بالكامل من هبوط من وقت طويل من شهر 8 لارتفاع لاكثر من 50%
الملف المرفق 562556
السؤال بقى استفدت ايه من النموذج المعقد ابن ال.... ده . الاستفادة ان تعرف حقيقة سوق الفوركس انه بيمشي وفق انماط محددة ومتقلبة لان من يحرك الفوركس هما البشر نفسهم متقلبي السلوك والمشاعر والاراء الاهم انك ترصده وتفهمه وتمشي معاه لغاية ما تأكد على النمط المستمر والمسيطر وتدخل بمنتهى الهدوء والثقة وهتحقق كل اهدافك وهتقلل خسايرك لان وارد التورزيع يقلب اعادة تجميع والعكس في لحظة المهم تبقى راصده وكاشفه كأنك قاعد مع كبار السوق وقاري دماغهم وتشوف مين اللي سيطر عالسوق ومستمر في سيطرته وده اللي اتفق عليه كل خبراء التحليل من اكتر من قرن الى الان وهي دي تبسيط فكرة سيطرة العرض او الطلب او الدببة والثيران
لكن هتمشي كده زي ما تيجي تيجي اول ما تشوف اشارة تدخل وخلاص علشان الفرصة ممكن تضيع . ما تضيع في ستين داهية مفيش حاجة في الفوركس اسمها فرصة هتضيع في حاجة واحدة في الفوركس اسمها صفقة وحققت هدفها بعد ما تكتمل كل شروطها وسلوكها وتاخد التأكيد . خلي صفقاتك قليلة ومركزة وناجحة افضل من صفقات كتيرة وعشوائية معظمها خسرانة
والا هتبقى طعم سهل لهذا السوق وصناعه وهيستفردوا بيك وهيلاعبوك زي ما هما عاوزين
بالتوفيق للجميع
