الفروقات بين انماط التداول

[asaad_hany]

ايه الفرق بين الفكسيد تايم والفوركس وفلكس تريد في اوليمب تريد يعني الطرق دي في طريقه مربحه اكتر من التانيه ولا الفرق بينهم في ايه؟

[Shorouk_Mamdouh]

الفوركس بيبقى تداول ازواج عملات زى مثلا اليورو دولار والفيكسد تايم دة انت بتتداول بس انت الى بتحدد بنفسك الوقت الى الصفقة هتقفل فيه اما الفليكس تريد شبه الفيكسد تايم مع الاختلاف انك ممكن تقفل الصفقة فى اى وقت مش وقت محدد بس على حسب انت بقالك اد ايه بتتداول

[asaad_hany]

بتداول من كتير بس علي الوقت الثابت بس لسه مجربتش فلكس تريد ولا الفوركس بس كنت عايز اجرب اتداول عليهم وقلت اسأل الاول لو في حد جربهم يساعدني فيهم ف خبرتك فيهم كويسه ممكن تساعديني افهمهم؟

[Shorouk_Mamdouh]

كويس جدا انك بدأت بالوقت الثابت لانه احسن نمط للمبتدئين ممكن تبدأ تجرب الفوركس على اوليمب تريد بس جرب على ال demo account دة مش بيبقى فيه فلوس حقيقية يعنى لحد ما ايدك تاخد على الكوضوع واحدة واحدة و دوس بقى بعدها بفلوس حقيقية

[asaad_hany]

منا عملت كده واتعلمت استراتيجيات كويسه بس كنت حابب اتعلم فوركس وعايز اعرف عنه اساسياته واعرف ايه المطلوب اعمله من دلوقتي في عشان قبل ما انقل ليه ابقي فهمت ال basics بتاعته, ايه هي الاصول والاوقات الي بتداولي عليها في الفوركس؟

[Shorouk_Mamdouh]

انا بتداول على يورو دولار ودة يعتبر من العملات الرئيسية فى بقى عملات تانية ثانوية زى اليورو/الجنيه الاسترلينى
بالنسبة للأوقات بقى حاول تختار الاوقات الهادية يعنى بلاش اول او اخر الاسبوع لان السوق بيتحرك كتير فى الاوقات دى

[asaad_hany]

تمام فهمتك انا سمعت برضو اني لازم اتابع الاخبار عشان احلل واخد قرار وده اهم حاجه في الفروكس انتِ بتجيبي الاخبار منين؟ وبتبقي موثوقه ولا لا عشان بيبقي في اشاعات بتسوح

[Shorouk_Mamdouh]

بص ممكن تشوف مواقع الاخبار المالية زى CNBC , Reuters , Bloomberg و بما انك جبت سيرة التحليل ممكن تتابع مواقع التحليل الفنى و ركز عليها كويس اوى عشان هتفيدك جامد زى Investing.com و Trading View

[asaad_hany]

طب ما الموضوع طبع سهل اهو امال النسا مخوفاني ليه من الفوركس وده هيخسرك كل فلوسك وابقي قابلني لو كسبت شكرا ليكي جدا انا هتقل عليكي شويه بس فلكس تريد ده كان ايه؟

[Shorouk_Mamdouh]

دة مود معين للتداول موجود على اوليمب تريد بيخليك تتحكم اكتر فى ادارة المخاطر لانه بيديك كذا tool يعنى زى وقف الخسارة (Stop Loss)، أخذ الربح (Take Profit)

[asaad_hany]

طب معلش انا اسف الادوات دي عبارة عن ايه برضو اعتبري كانك بتشرحي لواحد لسه بادء����

[salma_essam1]

وقف الخسارة دي انت بتححدها قبل ما تدخل الصفقة يتحدد علي اساس ايه المبلغ اللي ممكن تستحمل خسارته و اخد الارباح العكس

[asaad_hany]

يعني انا فهمت شويه بس مش اوي برضو يعني دي حاجه انا بحددها اصلا قبل ما ابداء الصفقه مش في نص الصفقه؟ واخذ الارباح نفس الفكرة ولا حاجه مختلفه؟

[Shorouk_Mamdouh]

مثلا، لو اشتريت سهم بسعر 100 جنيه وحددت وقف الخسارة عند 95 جنيه، لو السعر نزل لـ 95 جنيه، الصفقة هتتقفل تلقائيًا عشان متخسرش أكتر من كده دة كدة stop loss
الtake profit بقى لو اشتريت سهم بسعر 100 جنيه وحددت أخذ الربح عند 110 جنيه، لو السعر طلع لـ 110 جنيه، الصفقة هتتقفل تلقائيًا وتحقق الربح اللي انت محدده.

[salma_essam1]

لا لا قبل ما تدخل الصفقة اصلا سواء وفق الخسارة او اخذ الارباح و اه اخذ الارباح نفس الفكرة بتحددها قبل الصفقة ان ايه المبلغ اللي لو السهم وصله في المكسب الصفقة تقفل