اسهم PENNY STOCKS

[M_trader]

السلام عليكم ورحمة الله

حبيت اقدم نصيحة مني للاخوان وخاصة اللي توهم مبتدئين في تجارة الاسهم الابتعاد عن اسهم ال PENNY STOCK
اسهم الافلاس ترى كلهم نصابين وشركات وهمية ومعرضة للافلاس باي وقت .

أنا صارلي فوق 15 سنة واعرف شركات البني ستوك من 10 دولار ونازل وتدولنا فيها وخسرنا واغلبيتها راحت
حتى اسهم الدولار والدولارين اذكرهم في 2004 كان فيها حركة والسهم اللي كان سعره عشرة دولار كان طيارة
تشوف حركة السهم طالع نازل ..

اما الحين حتى اللي سعره 20 ولا 30 يادوب يتحرك فما بالك بالاسهم الصغيرة
استثمروا فلوسكم بالاسهم المضمونة AAPL -MSFT - NVDA- AMZN وكثير منها والله تشوفون الخير فيها
أدري غالية بس لو تاخذ 10 اسهم في شركة ابل عندي ارحم من 1000 سهم في البني ستوك اسهم الافلاس

حبيت اقدم نصيحة للشباب وخاصة المبتدئين والله يوفقكم وسامحونا ع القصور.

[walidleeda]

جزاك الله خيرا و موفق ان شاء الله

[Abohameed]

بارك الله فيك نعم اسهم البني ستوك اكثرها خسرانة ولكن مو كلها. كذلك مو كلها وهمية لان بعضها فعلا شركات صغيرة وعندها تكنولوجيا متقدمة ولكن ميزانيتها ضعيفة. في الاجمال الافضل الابتعاد عنها ولكن اذا انت تعرف تستخدم التحليل الاساسي ممكن انت تكتشف بعض الشركات الجيدة الواعدة
وعسى الله يرزق الجميع