من جرب multibank فرع الامارات

[aljadani]

السلام عليكم
اخواني نرجوا طرح تجاربكم في المصداقيه والتعامل وطرق السحب المتوفرة وسهولتها
في انتظار تعليقاتكم

[otaibi1]

نظرا لـ مشاكل السحب من شركات الفوركس ، انصح كل شخص بالتوجه لشركات التمويل لانهم يتعاملون مع موقع ديل ف السحب . تاخذ ارباحك من الشركه على ديل ومن هناك متعدده خيارات السحب عن طريق البنك ، باي بال ، بينانس للعملات يمديك تسحبها كـ دولار رقمي وتبيعه من خلال بينانس ويتم التحويل لحسابك ف السعوديه بثواني وطرق اخرى يقدمها ديل . طبعا كثير بيتسائلون هل شركات التمويل كذب فـ كل شركه لهم ديسكورد ياشباب وتشوف السحب بشكل يومي صحيح بعضهم يمولك من فشل الاخرين ولكن الشركات المتعارف عليها ينسخون صفقات الناس الربحانه اللي اثبتوا انفسهم بـ اكثر من شهر وفي النهايه شركات التمويل اللي انصح فيها هي تريدنق بلس وماي فند افيكس وومينت فندنق .
Trading funded plus , myforexfunds , mentfunding

وعني انا افضل تريندق بلس عليهم كلهم بحكم عندهم برنامج من خطوه وحدده التمويل يعني جب 10 بالميه مره وحده ويعطونك حساب ممول وبعد تحقيق الـ 10 بالميه تقدر تطلب يشيلون منك الحد اليومي للدرون دون ويصير عندك بس درون دون ثابت ع الحساب سواء اخترقته بيوم او بسنه ولكن البدايه صعبه شوي بحكم الدرون دون بس 3 بالميه باليوم و5 بالميه كـ اجمالي وبعد الارباح تقدر تشيل الـ 3 بالميه والـ 5 بالميه ثابت ع الرصيد اللي بديت فيه مايزود معك كل ماحققت ارباح .

[aljadani]

ممكن تشرح لنا اكثر عنهم وعن طريقة عملهم

[otaibi1]

الفكره باختصار تصير موظف عندهم بعد ماتنجح في البرنامج ويتم اعطائك حساب تتداول عليه ولك 75 بالميه ولهم 25 وبعد شهر ترتفع النسبه الين ماتصير 90 بالميه لك و10 بالميه لهم . البدايه ديمو ولا لك شي من كل اللي حققته والمده الزمنيه لتحقيق الهدف الـ 10 بالميه مفتوحه يعني متى ماحققت الهدف يتم اعطائك الحساب واذا اخترقت احد الشروط اللي هي بس ثلاث شروط وهي لاتخترق الحد اليومي ف نفس اليوم ولاتخترق الحد الكلي واخر شرط ماتخلي صفقات مفتوحه لـ بعد الاجازه الاسبوعيه وبعد ماتحقق هالشروط وتجيب الـ 10 بالميه يتم تحويلك على شخص ف موقع ديل وتفتح حساب باسمك هناك وترسل كل المستندات اللي تثبت هويتك وعنوانك وبعدها يتم ارسال عقد الكتروني على موقع ديل يتم توقيعه من خلالك وهذا هو يعتبر عقد التوظيف مابينك وبين الشركه المموله وهنا تبدا رحلتك معهم ، حققت مثلا ارباح يتم تحويلها لـ ديل وهناك كل شي باسمك وبرصيدك ويتم نقلها من ديل الى اي خيار ترغب فيه .
طبعا شركات التمويل صارت الخيار الامثل من ناحيه بدال ماافتح حساب شخصي بمثلا 1000 دولار ، اروح بالمبلغ اذا عندي الثقه في نفسي واشتري حساب بـ 25 الف واتوقع فيه اكواد خصم تحصل عليها من اليوتيوب وتقريبا يطلع عليك البرنامج بـ 189 دولار لحساب 25 الف اول اقل واذا انت ناجح ماتفرق معك اللي يقدر يكسب بحساب 100 دولار يقدر يكسب بـ اي حساب لان عندهم اداره المخاطر لكل صفقه وعارف كم راح يخسر . المهم ، نقول مثلا شريت حساب بـ 25 الف كل شركات التمويل عندهم برنامج من خطوتين البدايه 10 بالميه والخطوه الثانيه لازم تجيب بعد 8 بالميه والحد اليومي 5 بالميه والحد الكلي 10 بالميه يعني كالتالي :
25 الف دولار مسموح لك خساره باليوم : 1250 دولار تخسر دولار زياده يلنغي البرنامج وتسوي له اعاده برسوم
طيب خسرت باليوم 1250 هنا وش تسوي ، توقف المتاجره لـ حين يوم جديد ويصير عندك 1250 واذا خسرتها راح يتنكسل البرنامج وراح تضطر تسوي له ريستارت والسبب هالمره ان ماتقدر تبدا يوم جديد لانك خلاص وصلت للحد الكلي اللي هو 10 بالميه واللي هو 2500 دولار .
مثال اخر :
25 الف دولار ، خسرت ف كل يوم 500 يعني بعد 5 ايام راح تاصل للحد الكلي اللي هو 2500 وراح يتوقف حسابك ولكن لنفرض مثلا
حققت ربح 2000 دولار يعني الحساب الان بـ 27 الف دولار هنا يصير حسابك الجديد هو 27 الف دولار ومنه لاتخسر الحد اليومي اللي هو 1250 ف يوم واحد ولاتخسر 2500
نقول حققت ربح ايضا 3000 دولار وصار الحساب حاليا بـ 30 الف دولار هنا خلاص امنت نفسك وامورك في السليم تقدر ترفع طلب وترفع فيه الحد اليومي ويصير ماعندك الا الحد الكلي اللي هو الرصيد اللي انت شريته ويعتبر ثابت مايزود يعني حسابك حاليا 30 الف دولار تقدر تسحب 75 بالميه ولكن افضل دايما البدايه تتجنب تسحب كامل المبلغ وتخلي مبلغ بسيط لزياده الخساره عندك المهم حسابك حاليا كالتالي
30 الف دولار الحد اليومي لا يوجد ، الحد الكلي راح يكون ثابت على 25 الف دولار يعني مهما حققت ارباح امورك طيبه واهم شي ماينزل دولار واحد عن 25 الف دولار .
طبعا كل هالكلام اللي فوق من البرنامج اللي يعتبر خطوتين لـ اعطائك حساب ممول ولذا الحد اليومي كان مرتفع 5 بالميه ولكن البرنامج السريع واللي انا اقصده يعتبر من خطوه وحده وهو الاصعب اللي اسمه experienced في tradingfundedplus والحد اليومي فيه
3 بالميه والحد الكلي 5 بالميه يعني من 25 الف دولار ، خسارتك اليوميه ـ 750 دولار والحد الكلي 1250 دولار تقريبا نصف اللي فوق واتمنى وصلت الفكره كامله .

[aljadani]

الله يوفقك ماقصرت شرحت ووضحت وشرحك جميل وسلس
واحتاج توضح لهذه النقطه فقط
البدايه ديمو ولا لك شي من كل اللي حققته والمده الزمنيه لتحقيق الهدف الـ 10 بالميه مفتوحه يعني متى ماحققت الهدف يتم اعطائك الحساب واذا اخترقت احد الشروط اللي هي بس ثلاث شروط وهي لاتخترق الحد اليومي ف نفس اليوم ولاتخترق الحد الكلي
تقصد بتخترق الحد اليومي او الحد الكلي
يعني اخسرهم في نفس اليوم وبذلك اكون متضرر
لكن لو مثلا حقق بدل ال10 بالميه 15بالميه يكون طبيعي ومافيه اي مشكله
وايض قرات ان الرافعه 30 فقط
وهل سحبت منهم مبلغ بامان وبدون مشاكل

[otaibi1]

مافهمت سوالك بتخترق الحد اليومي او الحد الكلي ، هو شي واحد فقط حد يومي يعني بعد اختراقه يتوقف حسابك على طول ، اما الكلي هذا لو مثلا انسان حده اليومي 1000 دولار ووقف على 950 دولار خساره لليوم فـ هذا في اليوم الثاني يقدر يتاجر بـ 1000 مره اخرى وينعاد السيناريو لين ماياصل الحد الكلي ولنفرض انه مثلا 5000 فـ نقول شخص ف اول يوم خسر 950 وثاني يوم 750 وثالث يوم 650 وهكذا اهم شي ماتعدى خساره بيوم واحد 1000 دولار وبكذا راح يترست معه الحد اليومي لين مايجي اليوم اللي تكون مجموع الخساره الكلي 5000 دولار وهنا راح يتوقف حسابه.
وبخصوص الـ 10 بالميه هذا هو الشرط لـ اعطائك الحساب الحقيقي لازم تحقق ف الديمو 10 بالميه ماهمهم حققت 20 او 50 بالميه لانه ديمو ف النهايه ومافيه شخص وصل 10 بالميه ويبي يكمل خلاص وصلت الشرط المطلوب راح يتوقف الحساب ويحولونك على ديل وتفتاح حساب عشان يعطونك وقتها الحساب الحقيقي وهناك بكيفك حقق اي نسبه تبيها واسحب اللي تبي وبخصوص الرافعه مااشوفها مشكله الا ان كانك شخص تفتح ف اليوم 50 صفقه ف نفس الوقت ولكن اذا لهالدرجه تهمك الرافعه فـ ماي فند فوريكس عندهم رافعتين 100 و 500 وشف اي الشروط اللي ترتاح لها وادخل معهم واذا تسال عن تجربتي مع السحب فـ للاسف لا للحين توني بادي ف حساب 25 ولله يوفقنا وراح اذكر بعد فتره اذا تم السحب وعلى مااظن فيه شخص ف المنتدى قبل كم يوم تجاوز اختبارهم واخذ الحساب الحقيقي تقدر تساله اذا سحب والا لا واتوقع انه مع ماي فند فوريكس في موضوع اسباب الخساره ولله يوفق الجميع

[aljadani]

الله يجزاك خير
وجدت هذه الشركة earn2trade
https://www.earn2trade.com/ar/
ما رايك بها

[السنوسية]

بصراحة المتاجرة بهامش مضيعة وقت ليس الا .

اتحدى احد رابح منها في كل العالم .

تدخل بمبلغ صغير تربح وتخرج تسحب غير كذا مافي حل .

اما تدخل وتنتظر العيد بمبالغ كبيرة وتنتظر ارباحك بعد ما السوق يخلص من عيده مو كلام

[بهدوووء]

بصراحة فكرة حلوة .. شكراً ع الشرح الوافي اخي العتيبي

عندي استفسارات :
1/ بعد ما تجتاز الاختبار بنجاح ويعطونك حساب حقيقي هل يتم التغاضي عن ترك الصفقات مفتوحة لما بعد الاجازة الاسبوعية ام يجبرونك ع اغلاقها قبل الاجازة ؟
2/ هل مسموح الهيدج سواء بالحساب التجريبي و الحقيقي ؟