المشاركة الأصلية كتبت بواسطة mostafa_moham66
السلام عليكم ورحمه الله وبركاته
اولا انا اسمي مصطفي من مصر ومشترك ف المنتدي هنا من عام 2012 تقريبا ع ما اتذكر بس بقالي تقريبا 6 سنوات مبدخلش علي اي منتدي نهائيا بس دخلت هنا بالصدفه من جديد وقريت مواضيع الناس الجديده ..
اختصارا للوقت حبيت اشاركم بتجربتي واللي غيرت حرفيا معاني المكسب عندي في السوق ..
مبدايا قبل ما اي حد يهاجم الكلام تابعوا الموضوع ومع الوقت هتتاكدوا من صحه كلامي اللي ممكن يكون بينافي العقل لدي البعض منكم ..
طريقه شغلي ف الاسكالبينج ع طول كده شركه وساطه محترمه رافعه ماليه لا محدوده بتقبل السحب الفوري للبنوك الالكترونيه .. مش بشتغل بستوب لأن الاستوب عندي هو تصفير الحساب ايوه زي ما سمعت كده الاستوب عندي هو أن الحساب يبقي زيرو الهدف من خمس ل عشر نقاط وبيكون فيهم تدبيل الحساب تلات أو أربع مرات
كمثال وضعت 500 دولار مع اول فرصه وبصفقات سريعه بيكون الحساب بفضل الله وحده من 2000 الي 2500 دولار او اكتر تقريبا .. بسحب الزياده ويشتغل تاني علي ال 500 دولار ...
ايه يا عم الجنان ده طيب انت بتعمل كده ازاي ..
كنا زمان كعرب بنسمع عن استراتيجيات اجنبيه مش عارف مين عمل مليون دولار باستراتيجية عبقريه ونشوف ناس بتدبل حساباتها بطريقه هستيريه ف يوم واحد
افتكر أن اللي غير نظرتي للموضوع ككل إن كان في زمان مسابقه حسابات تجريبيه عالميه وكان اللي كسبها شخص هندي وعمل رقم خيالي من صفقات كلها ناجحه وكانت كلها سكالبينج وبدون ستوب .. طيب احنا ليه منعملش كده ... ده كان سؤالي هو احسن مني ف ايه ..
اختصارات فضلت اعمل استراتيجيات لنفسي واجربها واطلع الأخطاء فيها واكتبها وانقيها واضيف واحذف اكتر من سنتين بدور وبجرب بس ...
اخيرا اخواني الكرام فعلا في استراتيجيات تقدر تعملك اللي انا كاتبه فوق ده بس محدش هيكتبهالك ع منتدي ولا حتي انا اللي داخل اقولك كده انت دور وجرب واتعب قووي ..
والاثبات ع كلامي هيكون بصفقات لاااايف هدخلها وانزلكم صورها هنا فرجاءا محدش ينتقد قبل ما تتابعوا اللي هيحصل
الهدف من مووضعي ليس عرض القوه واني مفيش مني اتنين لا ابدا والله فلولا فضل الله ما فعلت شئ بس انا كشخص زمان كان هيفرق معايا سنين كتير تعب ع الفاضي وانا بدور ف المكان الغلط .. فحرفيا اخواني الاسكالبينج ف السوق ده بيبيض دهب بس مع استراتيجيه قويه جدا تكون بتاعتك لمجهودك وتلتزم بيها تلتزم تلتزم بيها