طريقة تداول شخص غير مفاهيم السوق بالكامل !

[Reck1ess]

اسعدتني بمرورك وهذا كل اللي بغيته من طرحي للموضوع ولله يوفقنا ويوفقك اخوي ومجرد تحفيز للعالم هنا صورتين تعطيك لمحه عن مااعنيه في الدقه وان تاصل لمرحله تحط امر مسبق وتنسى حتى . تم اخذ الصفقات بحساب ديمو للمعلوميه فقط .

[Reck1ess]

وفي النهايه نصيحتي في كيفيه تعلم طريقته كالتالي : انسى كل شي تعلمه ومو معناته تشيله من بالك لا بس عشان تكون مستعد لتلقي المعلومات وتفهم كل مصلحاته ، تابع المقاطع من الليفل الاول عنده زي القائمه في قناته ومنظمه وجاهزه لك ، احيان راح تضيع من كثره المعلومات فـ لاتحبط واخذ بريك كم يوم وارجع تابع مقاطعه ، لاتنشغل بفكره انك راح تفهمه على طول والا قانون تطبقه وتضبط معك الطريقه غير صحيح لان الطريقه والتحليل راح يكون هو اساسك ومع الوقت راح تكون مرن في انتقاء المستويات وعلى قوله احد الشباب اللي تعرفت عليهم هنا كـن الشارت يسولف معك ، بتكون مرن وراح تستخرج مستويات وبناء على حركه السعر في هالمستويات راح تجد مستويات جديده وهكذا . عندهم ديسكورد كان باشتراك شهري وصار ببلاش الان اذا لغتك الانجليزيه كويسه تقدر تشوف ناس مثلك مبتدئين ويحاولون يستخرجون مستويات وتبادل معلومات وان شاء لله مع الوقت يتم الاهتمام في طريقته في هالمنتدى ويتم فتح موضوع لتدريس طريقته من الخبراء هنا ويصير نقاش عربي والكل يستفيد .
واخيرا ، لست بخبير في المنتديات ولا انا عضو متفاعل ولكن وجدت مااراه انه خير لي ولكم ولله يرزقنا ويرزقكم من واسع فضله وحبيت اشاركه معكم واعتذر اذا لم يكن كلامي واضحا فـ كما قلت المنتديات في الاغلب كنت مشاهد فقط .

[الزيرو]

نظرتك للشارت وهي المفهوم الرئيسي وقصدت بالمفاهيم ماتاتي بعدها وهي :
دعوم ومقاومه وعنده شي اسمه فالي وبيك والسعر يحترم هالمناطق بشكل عجيب لو اخترت المستوى الصحيح .
طريقه رسم الترند وتعديله على الفريمات ابتداء من الكبيره والى الاصغر وعنده قانون في كسر الترند وهو شمعه كامله تغلق ولترند هابط لازم شمعه صاعده ولترند صاعد لازم شمعه هابطه .
مفهوم تصحيح السعر وان هالشي لايوجد تماما حتى لو كان السوق عرضي .
عنده مصلحات انشاها وهي في وظايفها ليست جديده بالسوق ولكنه قدر يحددها ويسميها وكل مستوى له وظيفه معينه
وفي النهايه في بدايه طريقته يقول : قبل تتعلم معي انسى كل شي تعلمته في السوق ولايعترف بـ اي موشر ولا اي شي في التحليل ، مقتنع بان سلوك السعر لحاله يكفيك بالتحليل ويعلمك احيان بالسنت مكان ارتداده .
وادري ان هالشي راح يزعل او يضايق الخبراء في السوق بحكم معرفتهم فيه وسنين وان العلم اللي تعلموه ليس الا كذبه على كلام الشخص ماهو كلامي ، ولااتفق معه في ذلك ولكن بالنسبه لـ اي شخص جديد في السوق او متوسط ويبي يتعلم بطريقه جديده انصححه بطريقه هالشاب لانه راح يفصل لك كل شي بسهوله وراح تفهم السوق ، اما بالنسبه للخبراء فـ المعرفه التي لديكم ليست بالشي البسيط والسهل لـ اي شخص يمتلكه من دون لا يتعب سنين في هالسوق ولذلك لو لك وقت فراغ وتبي تزيد معرفتك انصحك تاخذ لك فره في قناته وراح تشوف اشياء لو ماغيرت قناعاتك راح بالتاكيد تضيف لخبرتك شي واحد وهو ( الدقه ) ودقه لامتناهيه في صفقاتك .

اقسم بالله هذا الشخص فعلا عبقري ومن يفهم افكاره ستتغير طريقته في التداول للأفضل
اشكرك على مشاركتنا هذا الموضوع

[mesry]

شكرا لك اخي على محاولة مساعدة اخوانك لقد دخلت الى قناته و اضن انها تستحق المطالعة لمن يفهم الانجليزية طبعا

و ممكن تعطينا تجاربك في نسبة تحقق الصفقات مقابل الخسائر لو تكرمت مدام انك متابع له منذ اكثر من عام

تحياتى
يمكن الحصول على ترجمة فورية من الاعدادات اسفل الفيديو
الترجمة غير دقيقة و لكنها قد تساعد بدرجة كبيرة

[hamied_azez]

للاسف حاولت ولكن اللغة الانجليزية عائق كما ان الترجمة غير دقيقة

[Ahmed_Hadad]

بارك الله فيك اخي . كيف اقدر اتعلم طريقته

[adnan5saadi]

بارك الله فيك
ياليت تشرح الاستراتجية بالصور
وتختصر علينا الوقت والجهد
ونكون لك شاكرين

[Reck1ess]

يااخوان ماهي استراتيجيه لها قوانين وتنشرح في موضوع ، للاسف هي تغيير كامل لطريقه تحليلك الشارت . يعني مااقدر اقول صار الشي الفلاني فـ تسوي كذا وكذا
هذا اللي خلاني انزل الموضوع لان الزبده بعد التعلم راح يكون عندك ترند ومستويات كثيره وخبرتك اللي تختار المستويات القويه فـ مثلا صفقات صغيره واهداف سريعه او اهداف بعيده تاصل لحد 300 نقطه او حتى متاجرتك وقت الاخبار وارتداد السعر من نقاط راح تتعجب منها يعني على مايسميه هو data point وانت اللي تشبك الامور بعضها في بعض وتدخل صفقات ومثل ماقلت شي جديد مره وينفع مع كل شي ، اسهم وعملات وعملات رقميه وانديكس وكل شي تقريبا
فـ اسف لكن مافيه شي اسمه اختصار للوقت والجهد وادري ان الانجليزي عائق للبعض ولكن لله يعينكم . انا تفضلت سابقا وقلت للي عنده سوال يسال وراح اجاوبه بحكم الخبره ولكني مرى اخرى لم اصل الى المستوى اللي اانا اطمح له فـ لازلت في مرحله الاتقان وفي النهايه اللي استطيع فعله هو مشاركتكم بصوره لـ شارت وراح يكون سعر دخول وستوب وهدف وراح احاول قد مااقدر اشرح وقتها ليه تم الدخول لعل وعسى يكمل شي ناقص عندكم من خلال متابعتكم له وتربط النقط بالحروف ع قولتهم ، وراح يكون هالشي في القريب ان شاء لله .

[Reck1ess]

بالعكس اول المقاطع هي تعريفات لمصلحات راح يستخدمها في الشرح بعدين ، لادخلت على قناته رح لـ playlist وتلقاه حاط لك ليفل 1 و2 و3 و4 و5
فـ ابدا من الاولى وراح اجيب لك رابط لـ اول مقطع مهم في المشاركه التاليه

[Reck1ess]

من اليفل الثاني يبدا الكلام المهم ، اليفل الاول للي جديد بالمره ع السوق ف يشرح بعض الاساسيات
هنا يبدا ينطلق يشرح مصلحاته البيك والفالي ومهمه جدا .

[سلمان_العتيبي]

في البدايه مثله مثل اغلب المتداولين اللي نجحوا في السوق وبدوا ينشرون ماتعلموه بمبلغ مالي ولكن بعد مااكتفى ماديا بـدا ينزل مقاطع في قناته في اليوتيوب مجانا وهنا بدايه معرفتي بهالشخص لاني لقيت له احد مقاطعه بالصدفه وبديت اتابعه وصراحه انبهرت بـما رايت من دقه تحديد لـ اماكن ارتداد السعر ، احيان يجيب السعر بالسنت موب بالدولار . صار لي سنه تقريبا اتابع مقاطعه ومريت على كل شي تم طرحه في قناته وبعض المصلحات اللي انشاها يبي لك تعيد المقطع اكثر من مره عشان تفهم عليه.

تخلص منها

واحذف قناته توفيرا ل 12 سنة قادمة

[انور_الاخر]

تخلص منها

واحذف قناته توفيرا ل 12 سنة قادمة

-------------
طيب الا يمكن ان يكون الرد اكثر لطفا من هذا هههههههه
الرجل مسوي موضوع وتاعب نفسة لنكات يمين شمال ,,
على الاقل الرد بطلف سيكون جيد نفسيا ,, هههههههه
عتيبة وش اخر العلوم ههههههه
سلام

[Reck1ess]

تخلص منها

واحذف قناته توفيرا ل 12 سنة قادمة

ولله يبو عتب كل اللي اقدر اقوله حاليا ان لي رجعه بعد شهر وراح تغير رايك تماما .

[Reck1ess]

-------------
طيب الا يمكن ان يكون الرد اكثر لطفا من هذا هههههههه
الرجل مسوي موضوع وتاعب نفسة لنكات يمين شمال ,,
على الاقل الرد بطلف سيكون جيد نفسيا ,, هههههههه
عتيبة وش اخر العلوم ههههههه
سلام

ماكتبت موضوعي منتظر كلمه شكرا او رد ياانور ، كتبته من باب النصيحه للجميع وكسب دعوه في علم الغيب وانا ادري ان البشر صعب تقنعهم بدون اثبات ولذلك صبرا جميل ولله المستعان .

[اميرالمنتدى]

جزاك الله خيرا اخي .. بالعكس شيء جميل نشوف الاخرين كيف يفكروا .. شكرا لك على فتح الموضوع