1 مرفق
الحقيقة المرة ( اصحى من الوهم اللي عايش فيه )
بسم الله
في صفحة اليورو ين اللي الحمد لله ربنا وفقنا فيها وخرجنا بيها بمكسب من الهبوط وايضا الصعود حوالي +270 نقطة كان في مشاركة لاكتر من شخص وانا بشكرهم بيتكلموا عن هبوط منتظر لازواج الين وبيحذروا منه والموضوع ده لفت نظري لحاجة مهما حبيت اوضحها للناس هنا في المنتدى وبعتبر دي اهم مشاكل لمتداولين العرب عموما وهو انشغالهم بالاشاعات والكلام اللي بيطلع وسايبين الحقيقة الواضحة قدامهم وهو الشارت والسعر
https://forum.arabictrader.com/t261930.html
اقتباس:
المشاركة الأصلية كتبت بواسطة Mohammed_said90
والله ياخ سلمان انا بسمع الكلام ده من ساعة ما حللت الدولار ين هنا في المنتدى وقلت انه هيصعد وبعدها صعد اكتر من +1200 نقطة ومحصلش الهبوط المنتظر والمدوي ده وده مبدائي اني مش بسمع لحد ولا بتابع اي اخبار ولا تقارير لاني مقتنع ان اي شئ بيأثر على السعر واساسا عمليات البيع بتتم على البارات الصاعدة قبل الهابطة والعكس مع الشراء ودايما بقول ان السعر اصدق شئ في كل الدوشة دي
مش معنى كده اني بكدبك لاني فعلا لم احلل اليورو ين على فريمات اكبر حتى الان فمقدرش افتي واقول اتجاهه فين بس هوبالنظر على الفريمات الصغيرة هو بيقوم بعمليات دعم مستمرة حتى الان ووارد السعر بعد كده يغير سلوكه
عالعموم حضرتك ليك قناعتك وتحليلك ورأيي انك تمشي وراه ومتشغلش نفسك برأي اي حد تاني
بالتوفيق
ده كان ردي على احد الاصدقاء اللي قالي ان ازواج الين بينتظرها انهيار مدوي ورغم كده قلت انه بيواصل الدعم وبينتظره صعود على الفريمات الصغيرة وده حصل في الشارت التالي
الملف المرفق 547832
زي ما شايفين في الشارت السعر بيواصل الصعود بقوة . الفكرة انت ليه شاغل نفسك بالاشاعات دي والوهم وسايب الحقيقة الواضحة قدامك والواقع اللي مخك رفضه وهو السعر خلاك تضيع على نفسك الكتير
الناس اللي منتظر الانهيار المدوي للازواج الين بتفكرني برواية الايطالي بوزاتي صحراء التتار اللي بطل الرواية فضل طوال حياته شاغل نفسه بالعدو اللي منتظره انه يجي علشان ينول الشرف والمجد كل اصدقاءه عاشوا حياتهم واستمتعوا بيها وهو عاش في الوهم لغاية ما مات من غير ما يوصل لغايته
انت بالظبط زيه شغلت نفسك بالانهيار المنتظر ومستنى اللحظة المناسبة للبيع وومستنى للي يقولك ويوصيك بيها رغم ان السعر بيقول العكس فضلت منتظر والسعر يصعد ويصعد بقوة ويحقق مئات النقاط والالاف وانت لسه منتظر . مش بقول ان مش ممكن يحصل الانهيار وارد يحصل وقتها هتعرف ده من خلال تحليلك وكده تبقى بتتعامل مع السوق بواقعية ومنطقية وبتعرف امتى السعر غير سلوكه واتجاه وقرر يهبط
نصيحة خليك على ارض االواقع وقوم بتحليل السعر وبس لانه هو انعكاس اقل حدث بيحصل ومفيش غيره اللي هيقلك الحقيقة
بالتوفيق
