توضيح وموضوع مهم جدا

[Mohammed_said90]

بسم الله

شوفوا ياجماعة كنت كتبت موضوع عن الاخبار والتقارير والبيانات وقلت ان ملهاش لزمة وده معجبش بعض الناس فدا خدنا لموضوع مهم وهي سوق الفوركس ده قايم على ايه وعملت له موضوع لوحده علشان كل الناس تشوفه

بالنسبة للاخبار فريتشارد وايكوف واحد من اهم خبراء وول ستريت لاكثر من 40 سنة كان بيقول انت مش محتاج تعرف اخبار ولا تقارير ولا بيانات الشركات والمؤسسات لان كل حاجة ملزوقة عالشارت هههههههههههه

ندخل عالمهم جدا وركز وافهم الكلمتين دول اوي وياعم لو معجبكش كلامي سيبه ولا كأنك قريته ولا شفته زي ما بنقول بالمصري ارميه في البحر

هبدأ كلامي بالصدمة وهي انك انت بتتغفل او بتتقلب ايوة ده حقيقي وهثبتلك ده منطقيا لو كل واحد بيحلل مهما كان تحليل ولا ماشي ورا اخبار او اي حاجة تفتكر ان كل دول لازم يكسبوا ؟ طب لو كل او معظم اللي بيدخلوا الفوركس بيكسبوا مين اللي هيدفعلهم طب هيجبولهم الفلوس منين ؟

فكر كده كويس في الكلمتين دول انت متخيل الرقم اللي المفروض يدفع يوميا ؟ يبقى منطقيا لازم عدد محدود جدا جدا هما اللي يكسبوا وطبيعي يكونوا اللي بيملكوا القدرة الاكبر زي البنوك والمؤسسات والشركات الكبيرة والمستثمرين والشطار والتعالب بقى اللي ماشين معاهم ولو معظم الناس اللي في الفوركس كسبوا كان سوق الفوركس انتهى من زمان والبنوك فلست

طب بيجيبوا الفلوس ويدفعولهم منين ؟ منك انت ياحلو يابتاع الاخبار والحاجات الخفيفة اللي بتخليك مهما كان ضعيف بالنسبة ليهم وصيدة سهلة ايوة بالظبط انت الوقود المحرك للسوق ده اللي زيك كتير اوي وانتوا الكتلة الاكبر للسوق ده

طب هما بيقلبوني ازاي وايه الاعمال القذرة اللي بيعملوها ؟ شوف مثلا في سوق المفروض ان صاعد وكل الاشارات بتوحي بالصعود وواحد زي مثلا بيحلل بوايكوف شايف انه السوق صاعد لا محالة وان الكبار بيمهدوا للصعود واذ فجاءة السعر هبط بشكل جنوني بدون سبب وبحجم تداول مبالغ فيه وبعدها بوقت بسيط يقوم السعر يصعد تاني بسرعة وبسلالسة ولا كان حاجة حصلت وكمل صعود زي ما انت حللت في البداية

طب هو عمل الحركة القذرة دي ليه ما تطلع ياعم الحاج والطريق ممهد قدامك ليه على خبر ولا تقرير ولا اي حاجة حصلت تنزل بالغباوة دي وترجع ترد تاني ولا كأن حاجة حصلت

طب بالعقل يطلع ليه مباشرة ويكسب كل الناس دي مينفعش لازم يقوم بغربلة السوق ويكوش على اكبر كمية فلوس ممكن ايده تطولها عن طريق الاخبار والاهتزازات والتحركات المفاجئة والغريبة علشان تخاف ونبضات قلبك تتسارع وركبك تخبط وتلاقي نفسه خسرت بعد ما كنت شاري وتقول كفاية كده نخرج عالخسارة دي وربنا يعوض علينا وغيرك وغيرك ودي طبيعة بشرية فينا وهي الخوف وبعد ما ينضف السوق بالكامل من الضعاف والصغار ويلم الغلة يقوم يرفع السعر ويلم المكسب ويدفع ويكسب ويبقى هما مرضيين ومبسوطين وانت قاعد تقهر في نفسك

ده مثال عالصعود تحب اشرحلك وقت ما بيوزعوا الارباح ويهبطوا السوق بيعملوا ايه مش هتختلف كتير

خلاصة الكلام انك ياتبقى معاهم ياتبقى صيدة ليهم

اعتقد كده وضحت كل حاجة

بالتوفيق

[basma_2008]

اللعبة تقوم علي العامل النفسي بالدرجة الاولي
من يمتلك عامل نفسي والتزام وصرامة وعلم تحليل اكيد له نصيب من التورتة زي ما بنقول في مصر
ولان اغلب البشر عندهم داء الطمع فطبيعي الغالبية في المجال خسران
مش هتلاقي واحد بيكسب في السوق كويس و صفقاته كلها 100% لازم تلاقي كام صفقة منه خسرانة
العالم جان نفسه مؤسس التحليل الفلكي كان عنده صفقات خسرانة
التحليل بحر علومه واسعة وكل محلل شاطر وله تركاته صنعته اللي ممكن يحقق مكاسب كبيرة وهيكون عنده صفقات خسرانة و مش شرط يكون محترف عشان يكسب ممكن يكون مستواه عادي لكن يكفي انه ملتزم المهم في النهاية الاجمالي ربح لو عشر صفقات منهم 7 ربح و 3 خسارة فانت الرابح
فيه محللين شاطرين بتشتغل علي النماذج الفنية اثناء تكوينها وليس بعد تفعليها لان صانع السوق كاشفها و اصبحت محروقة قد لا يتفعل النموذج
فيه جملة شهيرة لمحلل قديم كان يقول دايما المهم الربح يعني لو خرجت ب 5 نقاط في اليوم او حتي كل اسبوع في النهاية انت الكسبان
اكتب في جوجل
المضاربة الحادة : من 500 الى 102 الف دولار فى 21 يوم
هيظهر لك اول موضوع في منتدي اخر كان لمضارب عربي مشهور جدا اسمه الدكتور عارف البخات اتشهر بالمحافظ الحادة
وتحويل مبالغ صغيرة الي مبالغ ضخمة في وقت قليل و بالنظر في كشف الحساب هتلاقيه في الموقع مرفق مع الموضوع فيه صفقات خسرانة ولكنه ملتزم وبدون تردد يغلق الخسارة

[Mohammed_said90]

اللعبة تقوم علي العامل النفسي بالدرجة الاولي
من يمتلك عامل نفسي والتزام وصرامة وعلم تحليل اكيد له نصيب من التورتة زي ما بنقول في مصر
ولان اغلب البشر عندهم داء الطمع فطبيعي الغالبية في المجال خسران
مش هتلاقي واحد بيكسب في السوق كويس و صفقاته كلها 100% لازم تلاقي كام صفقة منه خسرانة
العالم جان نفسه مؤسس التحليل الفلكي كان عنده صفقات خسرانة
التحليل بحر علومه واسعة وكل محلل شاطر وله تركاته صنعته اللي ممكن يحقق مكاسب كبيرة وهيكون عنده صفقات خسرانة و مش شرط يكون محترف عشان يكسب ممكن يكون مستواه عادي لكن يكفي انه ملتزم المهم في النهاية الاجمالي ربح لو عشر صفقات منهم 7 ربح و 3 خسارة فانت الرابح
فيه محللين شاطرين بتشتغل علي النماذج الفنية اثناء تكوينها وليس بعد تفعليها لان صانع السوق كاشفها و اصبحت محروقة قد لا يتفعل النموذج
فيه جملة شهيرة لمحلل قديم كان يقول دايما المهم الربح يعني لو خرجت ب 5 نقاط في اليوم او حتي كل اسبوع في النهاية انت الكسبان
اكتب في جوجل
المضاربة الحادة : من 500 الى 102 الف دولار فى 21 يوم
هيظهر لك اول موضوع في منتدي اخر كان لمضارب عربي مشهور جدا اسمه الدكتور عارف البخات اتشهر بالمحافظ الحادة
وتحويل مبالغ صغيرة الي مبالغ ضخمة في وقت قليل و بالنظر في كشف الحساب هتلاقيه في الموقع مرفق مع الموضوع فيه صفقات خسرانة ولكنه ملتزم وبدون تردد يغلق الخسارة

ده اشهار لطريقة الادارة الصارمة ؟ انا مش مختلف مع حضرتك وكل واحد حر في طريقته اللي بيكسب بيها حتى لو بيكسب نقطة كل يوم وطبيعي اي محلل مهما وصلت درجة نجاحة واتقانه ان يبقى له صفقات خاسرة ده سوق ضخم جدا وتريليونات رايحة وجاية وبالتحليل نوصل لطريقة تنظيمها وحركتها ونفهم عقلية الناس دي

[ابوالعلاحركات]

ضيف علي كلامك ظهور تجارة الاوبشن وانتشارها ولا يدخل عل ال ظ¥ دقايق وال ظ£ دقايق وعاوز يكسب فتلاقيهم شغل تذبذب حتي لو علي اتجاه معين عاوزىنه
عفوا لاحظ توقيعي ادناه

[basma_2008]

ده اشهار لطريقة الادارة الصارمة ؟ انا مش مختلف مع حضرتك وكل واحد حر في طريقته اللي بيكسب بيها حتى لو بيكسب نقطة كل يوم وطبيعي اي محلل مهما وصلت درجة نجاحة واتقانه ان يبقى له صفقات خاسرة ده سوق ضخم جدا وتريليونات رايحة وجاية وبالتحليل نوصل لطريقة تنظيمها وحركتها ونفهم عقلية الناس دي

مش مهم تكسب ازاي المهم انك تكسب في النهاية
طالما المتداول بيعمل ارباح ممتازة علي مدار سنة كاملة اذا هو وصل الي مستوي تحليل ممتاز وهي ليست حرب مع صناع السوق لكشف عقولهم فيه فكر عندنا يقولك ما تلعبش مع الحيتان لكن ممكن تاخد قطعة صغيرة من الغنيمة بتاعته
وزي ما انت قولت سوق ضخم جدااا ولا يزال العلم فيه اسرار لكن اعتقد من الصعب بل من المستحيل ان اي متداول مهما بلغ من مهارة يكشف عقول صناع السوق 100%
واعتقد ايضا ان لو فيه محلل متميز عنده اسرار خاصة نتيجة جهد و تعب سنين لن يبوح بهذه الاسرار
وانا شايفة ان موضوعك فيها فكرة متميزة وهو لفت الانتباه ان المحلل يزيد من الاجتهاد في التعليم لكي يصل الي بعض اسرار هذا المجال وفي النهاية وفوق كل ذي علم عليم
من امتلك العلم القوي في هذا المجال فقط امتلك مفتاح باب الكنز

[GBPJPY2018]

اخي الكريم نحن في المتداول العربي وانا لاافهم حديثك تحدث بارك الله بك باللغه العربيه وليس بلهجه لاافهمها الا اذا كنت لاتريد لغيرالمصريين ان يفهموك

هههههه والله انك جبتها صح

[انس جمال]

افتح موضوع توصيات