هوس الاخبار والمقلب اللي الناس مصرة تشربه
بسم الله
مبعرفش سر اهتمام الناس بالاخبار زي الفايدة ولا تقرير البطالة ولا مش عارف ايه
ياعم ما يولعوا بجاز انت ازاي بتهتم بخبر مهما كان ايه وانت معاك السعر نفسه يعني الانعكاس الطبيعي لاي حدث بيحصل في اي حتة في العالم يعني انت بتشغل نفسك باخبار وتقارير وتوتر نفسك وبتبقى خايف يطلع الخبر عكس ما تتمناه وممكن تخرج وتوقف صفقاتك علشان حاجة تافهة زي دي
ايوة صدقني تافهة الشارت اللي معاك ده لاي زوج او سلعة او اي شئ هو اصدق واقوى مصدر للحقيقة بعيد عن اي تقرير وهمي او خبر مؤثر او لا لانه الوحيد اللي بيتحرك وفق اي حدث وبيسجله ليك وانت مجرد ما تقوم بتحليله بطريقة صحيحية خلاص كده ياعم انت كأنك عرفت كل الاخبار اللي فاتت وظبطتها وفنتطها وعرف الصحيح منها والمضروب واللي مؤثر واللي ملوش قيمة
فبلاش تشغل نفسك ياصاحبي بالاخبار وتشتت نفسك في حاجة ملهاش لزمة وممكن تخسرك كتير كفاية اعصابك اللي بتدمر وقت صدورالاخبار دي متخليش الفوركس ياخد من صحتك كده عالفاضي صحتك اهم
