الجهد والنتيجة اللي يعتبر سر من اسرار الفوركس

بسم الله

كنا اتكلمنا قبل كده عن وايكوف وقوانينه وقلنا ان من ضمنها قانون الجهد والنتيجة وقلنا انه مجبش القانون ده من دماغه ولا من عند اهله دي حاجة موجودة في الطبيعة ومنطقيا لازم الفوركس يقوم عليها ليه بقى ؟ ركز السوق علشان بيدخل في صراع العرض والطلب وواحد يسيطر عالتاني علشان ياخد مساره لازم بيتخللها مجهود شاق بيقوم بيه السوق في محاولات سواء الناجحة او البائسة علشان يقدر يجمع قوى ويصعد او من الاخر يفرهد وينهار هههههههههه

هجيبلك بقى مثال من صفقة خاصة بيا بعد تحليلي للدولار ين ومنزلتهاش عالمنتدى والحمد لله هي كسبانة اكتر من 120 نقطة واكتر من صفقة وقمت بازالة كل الرسومات والترقيم من عليها علشان محدش يتلغبط وفي ناس مش هتفهم الترقيم والرموز والرسومات وسيبتلك حتة الجهد والنتيجة وكانت فين عالرسم ومدى تأثيرها

بالمناسبة ياجماعة محدش بعد فهمه لحتة الجهد والنتيجة يجري ويحلل ويدخل صفقات لا اهدى متودناش في داهية ده في مولد بعد كده دي خطوة بسيطة لازم التحليل يبقى كامل وملم بكل حاجة لتخسر فلوسك لان وارد ميحصلش اي استجابة ويكون السوق في مرحلة راحة وبعدها هيكمل مساره انا عايزك بس تفهم الية حركة السوق وتفهم حركته علشان تمشي معاه خطوة بخطوة وتفهمه

الملف المرفق 546789

اللي هتلاحظوه في الرسم ان الفوليوم عند الدائرتين المظللين قام بجهد كبير بس النتيجة كانت كانت زفت وضعيفة والسعر فشل ده كمان السوق قام بالتفريغ في طريقة هبوطه ورده فعله زي المبنى اللي اساسه هش ولازم يسقط وبعدها السوق طبعا اكتسب قوة وبعد استكمال التحليل والنموذج ارتفع السعر 250 نقطة وانا دخلت بعد اشارة التاكيد

بأذن الله هاحاول انزل امثلة تانية لاني عاوز الناس تفهم اكتر السوق

بالتوفيق

نسيبنا من هبد اللي بيكسب ومبيكسبش في السوق ده يكنش بنتكلم عن الثقب الاسود بدل الفوركس واحنا منعرفش ونكمل كلامنا ونشرح حاجات عالشارت بتاع الدولار ين شوف بقى ياصديقي اي حد ممكن بيحلل بالفوليوم فقط يقولك مهو القناة البمبي الصاعدة حصل انهيار للفوليوم والاسبريد انخفض فطبيعي السوق ينعكس ويهبط . جميل كلام واقعي ومنطقي بس نسيت حاجة مهمة ان اي سبب بيبقى له تأثير فمينفعش يبقى في عجز للسوق ويكون ردة فعله بالضعف ده

يعني ايه ؟ يعني الطبيعي ان السوق يقوم بسقوط حر وانهيار كامل حتى لو صعد تاني فيقوم باختبار وينهار لكن بقانون الجهد والنتيجة اتضح انه فشل في عمل اي حاجة يبقى الصعود اللي كان في القناة ده كان تمهيد للصعود الاكبر عن طريق كسر مستويات المقاومة

ايوة ياجماعة ممكن السوق حتى وهو بيضعف ومعتقد انه خلاص ممكن بعد كده هينهار وهو في الحقيقة بيقوم بالتمهيد للصعود لان مش هيكسر المستويات دي الا قوة منتظرة الوقت المناسب علشان تاخد الاسعار وتطير بيه هي بس مستنياك تقع في الفخ وتبيع وينزل معاك وبعدها يقولك شايف العصفورة وتلاقي خد السعر وطار فلو انت قمت بتحليل حركته بمنطقية وواقعية مش هيعرف يضحك عليك لانك هتبقى فاهمه

هنكمل بعدين بالتوفيق

الملف المرفق 546790

تحليلك وادواتك جميله ولغتك في التعامل مع السوق رائعه ماشاء الله

تمنياتي لك بالتوفيق

اسلوبك رائع اخى الكريم ونظرتك للسوق والشارت بصراحة وبدون مجاملة تدل على احترافية

تحياتى ياغالى وتقبل دعواتى بالتوفيق

تحياتي .

لا يحتاج الاستاذ محمد ان يتم تجميع المواضيع الذي افاد بها الاخوة هنا ..ولكن لزيادة الخير سأضع روابط لمن اراد الاطلاع على بعض الفرص .

https://forum.arabictrader.com/t260968.html ( احد اخطر المواضيع التي تم ذكرها عن وايكوف وفيها فرص اقل اهدافها بالمئات )

https://forum.arabictrader.com/t261400.html وهنا فرصة الاسترالي و150 نقطة .

https://forum.arabictrader.com/t261346.html فرصة اخرى للاسترالي و250 نقطة

.

الموضوع هذا وموضوع الفوليوم بالنسبة لي شخصياً اراها من افضل النقاط التي على المتابع فهمها وومحاولة الوصول الى فحواها بدقة .

الاستاذ يذكر لنا شيئ مابعد العلوم الموجودة وهذا لن يُعطى بالمجان .

فاليعذر الاخ محمد مداخلتي ..

وفقكم الله جميعاً ..

صراحة موضوعات الاستاذ محمد من الموضوعات المحترمة والمفيدة للجميع

وتهجم بعض الاخوة ليس له سبب وقد قام المراقب العام بايقاف العضو المتسبب فى المشاكل

تقديرا للاستاذ محمد وجهده وحتى يستفيد الجميع

نكمل كلامنا علشان مفيش وقت وانا مصدقت بقيت متفرغ الفترة دي علشان اكتب اكتر للناس ويفهموا السوق كويس ومش هنضيع الوقت في تفاهات لان الفترة الجاية محدش عارف فيها ايه وممكن مكنش موجود واكيد كتاباتي هتقل جدا فيلا بينا

بالنسبة للاخ اللي هاجمني من غير سبب كان من ضمن كلامه انه مش فاهم يعني ايه السعر فشل مع ان لو تعب نفسه شوية وقرا اللي كتبته كان فهم وجايز انا اللي مبعرفش اشرح ويكون العيب فيا فحبيت ادوس عالحتة دي اكتر واشرح بالتفاصيل السعر فشل ازاي فنزلت شارت حديث ووضحت عليه حاجات اكتر

ركز كويس اوي في الرسمة انا رسمت مستوى المقاومة الرئيسي بالاخضر والدعم الرئيسي بالاصفر واستعانت بالزمن لانه مهم ايضا وحددت فترات الصعود وايضا الهبوط اللي فشل فيها السعر لو خدت بالك هتلاقي السعر في بداية تكوين النموذج وبفوليوم متوسط قدر يجتاز المقاومة الرئيسية بسهولة وفي زمن اقل وقام بالتمهيد للصعود بكسر مستويات المقاومة واثناء الهبوط وبفوليوم عالي جداوجهد كبير تقريبا وصل لنصف المسافة عند مستوى الدعم ومقدرش يكمل رغم انه استهلك جهد كبير جدا وزمن اكبر يعني عجز كامل بالاضافة ان ردة فعله كبيرة جدا وده هو الفشل التام للسعر وتأثير ضعيف

من الاخر السعر بيقولك انا مش نازل خلاص وبعدها تكمل تحليل وعند اكتمال النموذج تشتري وانت مرتاح
والحمد لله دخلت باكتر من صفقة وتقريبا داخل على 200 نقطة ربح وبالمناسبة السعر عمل اشارة عجز تاني وعمل جهد كبير كانت نتيجته صفر وانا راسمها فوق باللون البرتقالي ودخلت باوامر جديدة وبعدها السعر صعد 60 نقطة تاني بعد اكتمال النموذج وممكن تفضل كده تحلب السوق لو معاك الوقت وبتحلله وعارف وفاهم حركته وماشي معاه

واخيرا محدش يضايق لو كتابتي قلت الفترة الجاية انا لو عليا ممكن اشرحلك وايكوف بالكامل والافكار الجديدة اللي دخلت عليه حتى انا نفسي لما جيت ارصد انماطه واشكاله وسجلتهم في ورق الكلام ده من سنين عرفت ان الفكرة مش مجرد رسومات واستمباط بترصها عالرسم هي الفكرة اكبر من كده هي فكره فهم السوق علشان تعرف تتعامل معاه مهما اتغير شكل النموذج
الملف المرفق 546805

بالتوفيق للجميع

نكمل كلامنا والامثلة اللي على الجهد والنتيجة وللاسف انا حزين على المثال ده اللي حصل في اخر يوم في الاسبوع الماضي وكان على الاسترليني كندي وكان في واحد زيه على الاسترليني دولار وضاع على الواحد فوق 200 نقطة خطف في كام ساعة وللاسف الحالتين دول من الحلويات اللي قطفهم سهل بدون مجهود كبير في التحليل لان السوق كان مسلم نفسه حرفيا بس ملعون ابو الوقت اللي مش ملك الواحد

الحاجات دي اللي بتخليني افكر جديا اني اتفرغ تماما للفوركس وامتهنه هو فقط بس لسه القرار مجاش حرام بجد اللي بيضيع ده

الملف المرفق 546820

زي ما شايفين اتجاه عام هابط والسعر قام بالواجب وفتح المجال للهبوط وكان جهده عالارض عملية بناء النموذج كانت في منتهى السهولة وايضا نفس النموذج حصل في زوج الاسترليني دولار بالظبط

الحالات دي عاما انا بسميها الحالات الخاطفة لوايكوف اللي مش محتاجة تقعد ترسم وتقيس وعلى فريم صغير وحاجة قهر هههههههههه

اتفضلوا ياجماعة احد اشهر الامثلة على الجهد والنتيجة للدولار كندي على فريم الساعة اعتقد الرسم واضح وشايفين حجم الجهد الضخم واللي مظلل بالثلاث دوائر والنتيجة الصفرية والعجز اللي حصل للسوق بسبب القوة اللي اكتسبها السعر

علشان نوضح اكتر السوق بمنتهى الواقعية والمنطقية مع الحجم الضخم ده طبيعي يقوم بكسر كل مستوايات الدعم وينهار بس ده محصلش وتقدر تبني هنا تحليلك وعند اكتمال النموذج تشتري كأن السوق بيسلم نفسه ليك وبيقولك انت وضميرك والسوق بعدها صعد فوق 3800 نقطة



الملف المرفق 546844

بالمناسبة ياجماعة بخصوص الناس اللي سالتني قبل كده عن اشكال ويكوف اللي موجودة والمنتشرة عالنت فاحب اقولك دي مش نماذج ويكوف ايوة متتصدمش اتعلمها بس لو كنت مبتدئ بس متبنيش عليها لتضيع لانها ممكن تقفل مخك ودي من ضمن خطايا الاجانب والافكار الجديدة اللي دخلت على وايكوف

تحب اقولك الكبيرة في كتاب ريتشارد ويكوف الاصلي اللي كتبه الراجل واللي صدر في التلاتينات مكنش فيه الاشكال دي ولا كان في نماذج اصلا ده انت ممكن تتصدم لو عرف ان الراجل في كتابه كان بيستخدم مع طريقته والنهج بتاعه وتحليله لحركة السعر والفوليوم طرق كلاسيكية بسيطة زي التريندات والدعوم والمقاومات لان الراجل فكرته اكبر من كده هو عاوزك تفهم السوق بيمشي ازاي مهما كان السوق وحجمه ومهما اتغيرت نماذجه حتى لو السوق اتحزم ورقص تكون فاهم هو عمل كده ليه

الاجانب بقى مع الاجيال الجديدة حبت توضح طريقته عن طريق اشكال بتعرفك وقت التجميع والتصريف واعادة التجميع والتصريف وقال ايه اكتشفوا السوق بيقوم برسم نماذج جديدة وبداوا يدخلوها واحدة واحدة ههههههههه الناس فهمت خطأ انك هتاخد الاشكال دي وتطبقها عالرسم فتكسب لا معلش سيبك من الرسومات اللي عملوها دي وصدقني خدها كده في البداية لو انت ميح وايكوف لكن متعتمدش عليها

حد هيقولي انت هتفهم اكتر من الاجانب اللي واللي ياعم سيبك مني خالص وروح اعمل ده وطبق الرسومات والاشكال دي وشوف النتيجة هتتسوح حرفيا

هتقولي طب اعمل ايه وانت بتقرا شرح الاجانب سيبك من الرسومات وركز عالكلام هو المفيد وبلاش شغل اصل بحب الصور والكلام ده وانها بتفهم اكتر يبقى تسيبك من الموضوع ده وشوفلك حاجة تانية

ما شاء الله عليك... وزادك الله من علمه
استفسار بسيط
اه الفرق بين حالات الجهد والنتيجه اللى استعنت بيهم فى شرحك وبين ال دايفرجنس
يعني نفس النتيجه ممكن نحصل عليها لو استخدمنا الماكد او اى مؤشر من مؤشرات قياس التشبع

اقتباس:

---

المشاركة الأصلية كتبت بواسطة nonomoon

ما شاء الله عليك... وزادك الله من علمه
استفسار بسيط
اه الفرق بين حالات الجهد والنتيجه اللى استعنت بيهم فى شرحك وبين ال دايفرجنس
يعني نفس النتيجه ممكن نحصل عليها لو استخدمنا الماكد او اى مؤشر من مؤشرات قياس التشبع

---

اهلا بيك اخي العزيز

بالنسبة لمؤشرات التغير او التشبع مينفعش استخدامها في طريقة وايكوف هنا الطريقة بتفرق ووايكوف قايم في الاساس على حركة السعر والفوليوم اللي هو بيديك الارقام المباشرة لكل موجة او شمعة حتى لو مكنتش دقيقة بنسبة 100%

لكن مؤشرات التشبع قايمة على عملية حسابية لقياس متوسط المكسب والخسارة ومقارنة السعر الحالي بالسابق ودي متنفعش مع تحليل حركة السعر داخل اي نموذج لوايكوف

ابسط مثال لتوضيح الفكرة ان ممكن السعر بيقوم باختبار منطقة BC في نموذج اعادة تجميع بعد تجاوز المنطقة مؤشرات التشبع هتديك اشارة بالاختلاف في حين مؤشر الفوليوم هيديك اشارة بتزايد الفوليوم حتى لو كان في المجمل الفوليوم اقل او متوسط

يعني ببساطة مؤشرات التشبع هتديك اشارة بان ده نموذج تصريف ووالسعر هينعكس في حين مؤشر الفوليوم هيديك الاشارة الصحيحة بان ده نموذج اعادة تجميع والسوق هيواصل الصعود

يعني كده مؤشرات التشبع هتضللك كانك ماشي في طريق مظلم علشان كده الفرق بينهم كبير جدا وده بسبب طريقة وايكوف نفسها في قراءة حركة السعر

اقتباس:

---

المشاركة الأصلية كتبت بواسطة Mohammed_said90

نكمل كلامنا والامثلة اللي على الجهد والنتيجة وللاسف انا حزين على المثال ده اللي حصل في اخر يوم في الاسبوع الماضي وكان على الاسترليني كندي وكان في واحد زيه على الاسترليني دولار وضاع على الواحد فوق 200 نقطة خطف في كام ساعة وللاسف الحالتين دول من الحلويات اللي قطفهم سهل بدون مجهود كبير في التحليل لان السوق كان مسلم نفسه حرفيا بس ملعون ابو الوقت اللي مش ملك الواحد

الحاجات دي اللي بتخليني افكر جديا اني اتفرغ تماما للفوركس وامتهنه هو فقط بس لسه القرار مجاش حرام بجد اللي بيضيع ده

الملف المرفق 546820

زي ما شايفين اتجاه عام هابط والسعر قام بالواجب وفتح المجال للهبوط وكان جهده عالارض عملية بناء النموذج كانت في منتهى السهولة وايضا نفس النموذج حصل في زوج الاسترليني دولار بالظبط

الحالات دي عاما انا بسميها الحالات الخاطفة لوايكوف اللي مش محتاجة تقعد ترسم وتقيس وعلى فريم صغير وحاجة قهر هههههههههه

---

زي ما قلنا قبل كده دلوقتي الاسترليني كندي والاسترليني دولار بيواصلوا الهبوط معلش تحليل وتوصية وفلتت بس تتعوض بأذن الله باللي اقوى

ممكن اخوى تشرح لنا طريقة تداولك باين انها تبارك الله

اقتباس:

---

المشاركة الأصلية كتبت بواسطة amrmahdy20

ممكن اخوى تشرح لنا طريقة تداولك باين انها تبارك الله

---

الطريقة هي وايكوف لو تقصد طريقتي الخاصة في التحليل فدي تراكمات اساسها وايكوف وعليها اضافات نتيجة تراكمات وخبرات لغاية ما وصلت لطريقتي الخاصة . لو حضرتك عاوز تتعلم وايكوف فللاسف مينفعش هنا لانه هيحتاج عشرات الصفحات علشان نفصص وايكوف ونشرح كل التفاصيل تفصيلة تفصيلة وده للاسف صعب ده انا بنزل التحليل والفرص بالعافية

موضوع جيد وهناك طرق كثيرة للربح ولكن الاهم الالتزام