السلام عليكم وصباح الخير للجميع ويوم مربح وموفق لنا بأذن الله ،،،
ان شاء الله سأحاول جاهدا البحث عن فرص اليوم تكون قوية وليس عليها اي غبار
ولكن لي هنا نقطة احب اوضحها لحضراتكم وبأختصار . دخولي الصفقات ب لوت عالي بعد ثقتي في ربنا عز وجل . ده اتجاه واختيار لوحدي دون اية مسؤولية من جانبكم عليا .
انا طرحت رحلة ربما توصلنا كلنا لأهدافنا وربما افشل فيها عادي جدا . ولكن انا بحاول اختار افضل النقاط واقوي الفرص للدخول عليها والتوفيق والسداد من عند الله وحده وليس مني
عشان بس محدش يدخل ب لوت عالي اوي اعتقادا منه لتدبيل الحساب دفعة واحدة او مرة واحدة في صفقة واحدة . طبعا هذا درب من الجنون والخيالات اللامنطقية . ولما يخسر او الصفقة تعكس ولو حتي انعكاس بسيط يلقي باللوم عليا ويطلق وابل من السهام تجاهي ويقولي انتا اللي خسرتني وانتا اللي عملت فيا ده . فوجب التنويه للنقطة ديه جيدا جدا جدا جدا
ايضا نقطة اخري . احد الأخوة المحترمين مصري من بلدي العزيزة . ارسل لي رسالة امس ولكن والله جيت ارد عليه اكتشفت انه لا يمكن الرد عليه الا بعد بلوغي 50 مشاركة وانا لسه 25 مشاركة تقريبا . ف ان شاء الله اوصل ل 50 مشاركة وتلقائيا هرسل ليه واحاول اساعده قدر المستطاع . عشان بس ميعتقدش اني متجاهله او مش عايز ارد عليه او مش عايز اكلمه . والله ده لا طبعي ولا شخصيتي اللي اتربيت عليها في بيتي
فالعلم علم الله والمال مال الله . وكلنا ما الا عباد مصيرين في اتجاه ربنا واحده راسمه لينا . ولكن بالأجتهاد والتعب والمثابرة والنحت في الصخر تستطيع ان تصل الي ما تريد ولكن المعضلة والأزمة في الوقت اللي لازم تستفيد منه اقصي استفادة وتتعب عشان تجد ما تعبت من اجله . لكن للأسف الناس بتستعجل كل حاجة والمحصلة ولا حاجة
دمتم بود وحب وخير وسلام مع بعضكم البعض اخوة اشقاء من جميع انحاء الوطن العربي . لا يفرقنا الا الموت
واسف للأطالة
