إضافات بسيطه لإستراتيجية الأخ الزيرو لاستراتيجيه كلاسيكيه وبسيطه جدا للمتفرغ والغير

[fady_fahim]

إضافات بسيطه لإستراتيجية الأخ الزيرو لاستراتيجيه كلاسيكيه وبسيطه جدا للمتفرغ والغير متفرغ

اتمنى من إدارة المنتدى السماح لإضافات بسيطه على استراتيجية الكلاسيكيه البسيطه للمتفرغ وغير المتفرغ لما احسسنا ببعض الاهميه لتلك الإستراتيجيه لبعض المتداولين.

[ابوإياد]

السلام عليكم ورحمة الله وبركاته

هل أنت الاستاذ فادي صاحب الاستراتيجية في المنتدي المجاور ؟؟؟

[دنيا 2007]

ماهي اضافتك على الاستراتيجية ؟

[fady_fahim]

ماهي اضافتك على الاستراتيجية ؟

أنا بتأسفله لاني حاولت ارد في الموضوع اللي فتحه لكن للأسف مقدرتش أكتب رد أو اتواصل معاه.

إضافاتي بسيطه للأسف لأنه قام بالمجهود الأكبر كتر خيره

انا بحاول أقراء اللي كتبه أستاذ الزيرو وأكمل عليه ده بعد إذنه طبعا باقي الشرح

[fady_fahim]

السلام عليكم ورحمة الله وبركاته

هل أنت الاستاذ فادي صاحب الاستراتيجية في المنتدي المجاور ؟؟؟

تقريبا

[fady_fahim]

انا بطلب من إدارة المنتدى لو تسمحلي اكتب في الموضوع الأصلي اللي كتبه استاذ الزيرو

[دنيا 2007]

انا بطلب من إدارة المنتدى لو تسمحلي اكتب في الموضوع الأصلي اللي كتبه استاذ الزيرو

لي تحليلات عديدة لهذه الاستراتيجية للاخ الزيرو ..ارفع موضوعه ..الرجال سمح ..

[fady_fahim]

أنا حاليا بتصفح كل صفحات الإستراتيجيه و أول ما هكمل تصفحها هكمل حاجات بسيطه جدا وأن شاء الله يكون فيها خير ليكم
يارب

[estream]

اهلا فيك
بانتظار مساهمتك

عندي سؤال ...وين وصلت مع الفوريس بعد هاي السنين ؟ متفرغ ؟ و بتاجر بنفس الطريقة ؟

[fady_fahim]

اهلا فيك
بانتظار مساهمتك

عندي سؤال ...وين وصلت مع الفوريس بعد هاي السنين ؟ متفرغ ؟ و بتاجر بنفس الطريقة ؟

التفرغ في الفوركس او البورصه شيئ غير محبب ونعم بتاجر بنفس الطريقه لكن على فترات مقدرش اقولك اني متاجر يومي ومقدرش اكون متاجر يومي لظروف خاصه
انا اللي هقدر اعمله اني احاول اساعد وربنا يسهل إن شاء الله

[estream]

التفرغ في الفوركس او البورصه شيئ غير محبب ونعم بتاجر بنفس الطريقه لكن على فترات مقدرش اقولك اني متاجر يومي ومقدرش اكون متاجر يومي لظروف خاصه
انا اللي هقدر اعمله اني احاول اساعد وربنا يسهل إن شاء الله

بالتوفيق اخوي
متابعين معاك

[دنيا 2007]

هذي صفقة ستحقق هدفها ان شاء الله بمناسبة رفعك للموضوع بانتظار كسر الترند

[fady_fahim]

هذي صفقة ستحقق هدفها ان شاء الله بمناسبة رفعك للموضوع بانتظار كسر الترند

هتحقق وهتوصل ل 161.8 %

[fady_fahim]

للأسف انا تهت في الموضوع انا هشرحلكم ببساطه مجمل اللي مشروح هناك والل محتاج يسأل اي حاجه انا تحت امره
أولا الموضوع بيعتمد على خبرتك و تحليلك الكلاسيكي
أقوى شيئ في عالم البورصه عامة والفوركس خاصه هما 3 عوامل لازم تكون حاططهم في بالك واللي أكيد كلكم تعرفوهم احسن مني
1- الدعم والمقاومه
2- قوة الشراء وقوة البيع او العرض والطلب
3- أدارة رأس المال
مفيش أي شيئ تاني بيأثر في سعر عمله او سلعه غير الدعم والمقاومه وقوى الشراء والبيع حتى الأخبار ممكن تأثر تأثير مِِؤقت لكن مش دايم

عشان كده لما تبص على أي شارت لازم أول شيئ تحدد الدعم والمقاومه من وجهة نظرك مش وجهة نظري أو وجهة نظر أي حد
ليه وجهة نظرك عشان اللي مقتنع بيه هو اللي هيغلب على تفكيرك

قوى الشراء وقوى البيع دي تقدر تبانلك مبدئيا من التريند ولازم تحط في بالك ان فيه كذا نوع من قوى الشراء والبيع

فيه حسابات صانعي السوق اللي بتحدد الترند العام وفيه صغار المضاربين اللي بتحدد التذبذبات في سعر السوق

فصديق أي متاجر هو الترند والدعم والمقاومه

وعشان تقتنع Swings, Fibo, Eliott waves, patterns , highs and laws ....... بتعتمد بس على شارت وتريند ودعم او مقاومه

نيجي لأخر نقطه إدارة رأس المال دي ترجع لكل شخص

يعني انا في المتاجره لما بخرج عند كل ليفل في الفيبو بنسبه معينه من المتاجره وانتظر الليفل اللي بعده ده مش معناها انها تنفع معاك عشان حسب رأس مالك تقدر تكون مرن او غير مرن في تطبيق الشروط

من كتر التمرس على قراية الشارت هتعرف السعر هيقف فين وهيتقلب امتى؟ وههينزل أو يطلع بسرعه ولا ببطئ وتعرف تحول خسارتك لمكسب بطريقه سهله جدا لو إستخدمت الهيدج
يعني في بعض الناس مثلا كل عشرين متاجره ممكن يخسر 10 او 20 % لكن للاسف احنا بنخلي خساره الجزء البسيط ده اكير من مكسب الباقي

محدش هنا بيحب يخسر ومبنقدرش نصبر لكن اللي معندوش استعداد يخسر ومبيقدرش يصبر يوفر أمواله حرام يخسرها ببلاش

معلومه أخويه في ناس كتيييير بتحب تدخل الشركات اللي بتفتح أكاونت ب 10 ولا 50 ولا 100 دولار بلاش احسن دول مكسبهم خسارتك وخسارتهم مكسبك وزي مانت مبتحبش تخسر هما اكتر منك فلما تتاجر ECN ولا STP
وعلى فكره الشركات دي عندها لوغاريتمات صدقني تعرف عنك أكتر ما تعرف عن نفسك وإسالني انا

ونوعدكم انا عمري ما هرشح شركه ابدا ولا هقول انا بشتغل في اي شركه عشان محدش يحس اني بعلن لحد
انا ولا لي علاقه بشركات ولا محافظ ولا هيكون لي علاقه ولا عاوز يكون لي علاقه
انا مجرد شخص بسيط كنت كل يوم بقعد ابص في الشارتات القديمه 6 ساعات يوميا

شيئ اخير قبل ما ابتدي لحضراتكم أرجوكم انا مبتاجرش لحد ولو تاجرتلك هخسرلك كل اموالك صدقني وتاني ولا لي علاقه بشركه ولا موقع بالعكس يارب مايكون لي اي علاقه ابدا ابدا البعد عنهم غنيمه

اه اخر نصيحه لو هتتاجر لو نويت تتاجر يبقى مع كذا شركه مش شركه واحده ونصيحه متكسبش كتير

[fady_fahim]

نرجع لمراجعة الطريقه

أساس التحليل أولا انك تحدد اتجاه التريند bulls or bears
دي تقدر تحددها على أي تريند لكن المنطق بيقول ان الترند كل ما كبر يبان التريند الأساسي

يبقى عشان تتاجر لازم تحدد انت هتتاجر في أي نوع قصير او متوسط أو طويل المدى
وعلى أساس النوع اللي انت تفضله او اللي تقدرله اختار الشارت
يعني بتحب التبييت وعمليه واحده تكسب كتير وعندك حساب كبير يبقى تتاجر بالاسبوعي
متقدرش تصبر على المتاجره وحسابك متوسط يبقى تتاجر اليومي
تقدر تفتح متاجره اقل من يوم يبقى ال 4 ساعات
ولو اسكالبينج يبقى الساعه
دول الانواع والشارتات اللي هتحدد عليهم التريند

فيه غلطه بسيطه لاحظتها في مناقشة الطريقه ان الناس كانت بتفتح مثلا اليومي وتتاجر على الساعه او الربع ساعه او تفتح الاربع ساعات وتتاجر على الدقيقه اسكالبنج وده هنا في رايي غلط

لازم الترند يتحدد على مقياس وتتاجر في اللي تحته عشان ممكن السبوعي يكون تريند طالع والساعه هتلاقيه معظم الوقت نازل
الاربع ساعات ممكن بكون تريند نازل وتلاقي الدقيقه معظم متاجرته طالع

فانت تحدد على تريند على مقياس زي مثلا اليوم ومتاجرش على الخمس دقايق او الربع ساعه الا لما يكون التريند في نفس الإتجاه في الساعه والاربع ساعات ودي سهله تحدده من الشارت بسهوله

يبقى تجميع للي كتبته عشان يمكن كترت في الكلام
حدد التريند على مقياش كبير مثلا اليومي انتظر لما يكون الاربع ساعات و الساعه و في نفس الإتجاه وبعدين ابدأ راقب العمله

تقدر بالطريقه دي تلاقي حوالي 4 فرص متاجره لكل زوج عملات في اليوم