وش الراي؟؟؟ تحويل الى FXCM

[ام مشعل]

السلام عليكم ورحمة الله وبركاته

رحت لبنك الراجحي فرع حي السلام علشان احول مبلغ للfxcm
وطلعوا الشيب في راسي ثمن خذوا مني 65ريالوطلعت بعد ما قالوا ان التحويل غير مباشر وبيستغرق حوالي اسبوع......وبعد عشر ايام اتصلوا علي وقالوا الحوالة رجعت لان امريكا محتاطين من اي مبلغ يحول لهم خوفا من الارهاب.......الزبدة رجعوا الحوالة وخذوا الرسوم من دون التحويل...
ورحت لسامبا وقالوا مانحول الا للشركات المعروفة...........
تكفون وش الحل من الي عندة اسرع وسيلة للتحويل؟؟؟
لاني يوم افتح الحساب ارسلت شيك بالبريد المستعجل واستغرق عشرين يوم وهم قايلين اربع وعشرين ساعة... :47_47: :48_48: :48_48:

[طلال السميري]

انا عندي اثنين من الشباب محولين من سامبا وكذلك من الراجحي قبل فترة بسيطه جدا

اللي من الراجحي قبل حوالي شهر واللي من سامبا قبل حوالي اسبوع ومافيه اي مشاكل بس احيانا سامبا تمسك معهم غلط ومره يقولون لك مانحول ومره يحولون لك والله ماينعرف لهم، يمكن لو رحتي لفرع ثاني يحولون لك،

وبعدين الله يهديتس يام مشعل مسرع ماحولتي اصبري فترة ثانيه على الديمو

يعني استراحة مابين الشوطين :regular_s

سلام

[ابو ماجد]

هلا ام مشعل

تراهم يمدحون البنك الامريكي وحوالتهم لا تستغرق اكثر من ثلاث ايام بسسسسسسسسسسس

انتبهي تسوين مثلي وتغلطين في تعبأة بياناتك وبعدين ماتشوفين افلوسك ابد الدهر ......... :cry_smile

[ام مشعل]

تكفى ياطلال حدد لي الفرع سواء الراجحي او سامبا.....وبعدين انا ماعندي حساب في سامبا.......عادي ؟؟؟؟؟؟؟
ولا والله انهم طلعوا ريحتي من كثر مااروح لهم .....
والراجحي الله يصبرنا بس عاى سوء خدماتهم ماحدنا لهم الا تحري الحلال.......
شكرا ياطلال ياولد ام طلال<<<<<<<<بعدين انا قايلة ان احـــــــــــــــب الشغلة احــــــــــــــــــــــــــــــــــــــبـــــــــ ـها ومانيب محولة الا 500دولار كامتحان اخير.....

[ام مشعل]

ابو ماجد تكفى زملني اي فرع؟؟؟؟
وبعدين عادي احول لحسابي في الفوركس وانا مالي حساب في الامريكي؟؟؟تكفى ياخوي عجل علي.......وهل تحويلهم مباشر للبنك والا عن طريق وسيط؟؟؟

[ابو مصعب]

انا محول من سامبا قبل 20 يوم من جدة فرع الفيحاء بس غالين اخدو قيمة الحوالة 154 ريال ولكن بعد اربعة ايام من التحويل فتح الحساب

تحياتي

[ابو ماجد]

ام مشعل
التحويل من البنك الامريكي يلزمه فتح حساب يعني لازم يكون لك حساب عندهم عشان

تحوليهم من عندهم ........


وبعدين التحويل مباشر بدون وسيط ......... المهم حولي من عندهم وماجاك عندي بس انتبهي

وانتي تعبين بياناتك تراهم مايرحمون في المسائل هذي ..............

[ام مشعل]

الله يعطيك العافية يابو مصعب<<<<<<<<بس والله طردوني شر طردة وقالوا لي الشركة هذي مهيب في القائمة المسموح بالتحويل لها<<<<<<<<<< وبعدين انا تحويلي الاول عن طريق الشيك خذوا مني 140 البريد المستعجل مع انهم تاخروا عشرين يوم......والراجحي 65ريال من دون ما يتحول المبلغ يعني رسومك على سرعتها ممتازة.....

[ام مشعل]

تسلم يابو ماجد والله يعوض عليك دنيا واخرة....... :cry_smile :cry_smile بس عسى مهوب الي كله عليك واجد؟؟

[ابو مصعب]

undefinedيوم حولة المبلغ اول شيء سالني الموظف عندك حساب في البنك فاعتقد انة لابد من وجود حساب عندهم وانا لي حساب عندهم
والله يوفق الجميع

[طلال السميري]

أم مشعل الحواله ماتزم فتح حساب في سامبا تقدرين تحولين كاش

بس انتي وش الشركة اللي تتعاملين معها بالفوركس

وبالنسبة للفرع ممكن تحولين من سامبا الفرع اللي على مخرج 10 (طريق الامير عبدالله) مقابل أسواق الحمراء وقريب من فرع البنك الفرنسي اللي بالحمراء

اذا ماعرفتي رسلت لك الشارت حق الموقع ياام مشعل بنت ابو ام مشعل

سلام

[ام مشعل]

ايه ياطلال الله يقدرنا على رد جمايلك<<<<<<<<ومن هنا لين نقدر بندعيلك وهذا المهم ......
على العموم انا مع شركة fxcm
ودليت الفرع الله يعطيك العافية بس ظنك فيه فرع نسائي؟؟؟<<<زودتها صح :D :D
وبعدين ظنك ترضى الشركة fxcmاحول لهم من بنك مالي فيه حساب؟؟؟ :D :D

[خالد الفهد]

شوفي يابنتي يام مشعل
1- لايمكن التحويل من الامريكي الا عن طريق حساب .
2- لايمكن التحويل للفوركس عن طريق سبيد كاش الامريكي لانه لا يقوم بالتحويل الا للافراد وليس للشركات .
3- الراجحي قد ترفض بعض الفروع التحويل بسبب اعتراض مؤسسة النقد .
4- الراجحي فرع شارع الثلاثين العليا - طريق الامير سلطان - يقبل التحويل بشرطة ان لاتستخدمي كلمة فوركس ولكن استخدمي كابيتال ماركيتس ل ل س ( Capital Markets LLC ) وتاكدي من شركتك من ذلك .
5- البنك العربي الوطني يقبل التحويل وايضا بامكانك استخدام فرع شارع الثلاثين .
6- البريطاني لايقبل ويعيد لك الحوالة .
7- السبب الوحيدة لرفض الحوالة استخدام فوركس .
8- انا اقوم بالتحويل ويصل خلال 3 ايام عمل .

[أسامه عبده]

6- البريطاني لايقبل ويعيد لك الحوالة .
.

أخ خالد ما شاء الله عليك معلومات كامله عن البنوك ، شكرا لك على التفصيل الجيد.

لكن بالنسبه للبنك البريطاني انا حولت واستقبلت عن طريقهم حوالات فوركس مع أكثر من شركه أمريكيه وما كان فيه أي مشكله ، والعمليه تتم خلال 4 ايام تقريبا . المره الوحيده اللي رجعت فيها الحواله كانت بسبب خطأ في تعبئه النموذج ، يعني خطأ مني أنا ، وعمولة التحويل 70 ريال فقط .

هذه ليست دعايه للبنك البريطاني ولكن توضيح لتجربه شخصيه للفائده .

ملاحظه / أنا عندي حساب في البريطاني وأحول منه ، ولا أعرف إن كان ممكن التحويل من غير وجود حساب لديهم .

بالتوفيق للجميع

[طلال السميري]

ايه ياطلال الله يقدرنا على رد جمايلك<<<<<<<<ومن هنا لين نقدر بندعيلك وهذا المهم ......
على العموم انا مع شركة fxcm
ودليت الفرع الله يعطيك العافية بس ظنك فيه فرع نسائي؟؟؟<<<زودتها صح :D :D
وبعدين ظنك ترضى الشركة fxcmاحول لهم من بنك مالي فيه حساب؟؟؟ :D :D

أم مشعل يوجد فيه فرع نسائي
سلام