مساعده ارجوكم في طريقة تحويل فلوس لحساب td Ameritrade من مصر

[اشرف_سرا]

السلام عليكم ورحمة الله
زي ما انا كاتب في العنوان انا محتاج مساعده من اي حد لقي طريقة يحول بيها فلوس لحساب td Ameritrade من مصر
لاني مش لاقي اي طريقة ، ورحت للبنك الأهلي قالولي ممنوع تحويل الدولارات للخارج بتعليمات من البنك المركزي وكمان لازم عشان تعمل تحويل تفتح حساب بالدولار ويعدي عليه ٦ شهور
كلمت شركة TD Ameritrade قالولي ممكن تحولنا باي عمله بما في ذلك الجنيه المصرى
مكدبتش خبر ورحت للبنك الاهلي تاني وبعد مماطله وحوارات عملت ورقة التحويل ، بعديها بكام ساعه اتصلوا بيا وقالولي للاسف مش هقدر نعمل التحويل ، قلتلهم ليه البنك المركزي مانع تحويل الجنيه كمان قالولي لا بس السيستم نفسه مش قابل تحويل الجنيه للخارج
فرجاء اللي عنده حل وقدر يحول فلوس من مصر ل TD Ameritrade يقولي حولها ازاي

[hatim111]

السلام عليكم
علشان تحول اي فلوس للخارج لازم يكون عندك حساب نشيط
يعني حساب عليه تعاملات سحب وايداع ومستمر من فترة مش حساب مفتوح مخصوص للتحويل
ويكون عندك سبب للتحويل
وبلاش تقول لهم انا بفتح حساب في شركة تداول
قل لهم بحول فلوس لحساب امتلكه باسمي في امريكا
روح فرع يكون فية غرفة عمليات مش فرع صغير بيحول تعاملاته علي فرع اخر
ادخل غرفة العمليات وقل لهم عاوز احول فلوس لحسابي خاص بي في امريكا

[hatim111]

انت لما فتحت حساب مع الشركة بعتوا لك صورة من الابلكيشن فيها رقم حسابك وبياناتك
خدوا معاك البنك
وقل لهم انا امتلك حساب في شركة امريكية وعاوز اغذي الحساب بتاعي