الى كل اخواتنا الاعضاء - كلام من القلب لومش هيفيدك اكيد هيفيد غيرك
السلام عليكم ورحمه الله وبركاته
يمسيكم/يصبحكم بالخير ياشباب
مبدئيا : كل الاحترام والتقدير لكل الأشخاص - أيا كان صغيرا او كبيرا - صاحب خبره تداول او في بدايته
الكل على الرأس وقد يكون أحسن عند الله مني - التعميم ظلم وانا لا اتكلم بلغه التعميم بكل تأكيد
انا الحمدلله أدعي اني املك القليل من الخبره - وهي ليست بشطارتي ولا بخبرتي ولكنها بتوفيق من الله فقط اولا واخيرا
senior market analyst 12+ years of experience
مش مهتم نهائيا اني اثبت اي شي لأي احد خدني بمبدأ اللي بيأكل على ضرسه بينفع نفسه - اسمع مني الكلمتين والله المستعان
بدخل المنتدى من فتره للتانيه نشوف في ايه بيتكلمو العرب وايه اهتمامتهم حاليا - لاني لن انكر في اي وقت وامام اي احد اني استفدت من هذا المنتدى وكان مدخل افاده لي واتعرفت فيه على ناس الله يديم المحبه بينا وربنا يرزق الجميع ان شاء الله
لاحظت ترند كريه لازم كل اسبوع مثلا يطلعلك موضوع زي واحد يقولك عصاره مليون سنه خبره اقدمها لكم - وكلام كريه اقسم بالله
تدقق اكثر تلاقي اصحاب المواضيع - مسجلين من قبل 2010 مثلا - average معرفه في المنتدى عشر سنوات مثلا اكثر او اقل بشويه
فأنت كمبتدى في السوق او مثلا نفسيتك مش احسن شي لمرورك بشويه خسائر او ايا كانت الظروف تنشد للعنوان ولصاحب المعرف القديم الخبير اللي اكيد الان عايش في جزيره سيشل مع ملايينه وصفقاته الناجحه
تدخل تقرأ تلاقيه كاتبلك خلاصه خبرتي - رحلتي في التداول - عصاره الجهاز الهضمي - كلام انشائي غريب لو تدي نفسك دقيقتين بعد قرأته هتسأل نفسك سؤال بسيط :
ما الفائده لصاحب الموضوع من كلامه ده ؟
الاجانب يقولها بمبدأ : what`s in it for me ?
ايوه يعني انتا اخذت من وقتك الثمين كمتداول ناجح ودخلت المنتدى وقاعد ترفع في صور حسابك -اللي غالبا بيكون لمده شهر فقط او شهرين بالكثير ب 200 ولا 500 ولا حتى 5 الالف - ومالي الدنيا صراخ انك المتداول الفشيخ اللي عمل تريدنج هيستوري يوازي 200% في يوم ولا في اسبوعين ومش عارف ايه - وتكتب باللغه العربيه الفصحى وياسلام اقتباس من كتاب فلان او علان و نصائح للسوق والمتداول الناجح وبتاع وشاي بالنعناع - وتدلو بدلو خبرتك للساده الأعضاء لانك حاسس بالمسؤوليه ناجيتهم عشان انتا نجحت وهما لسه ماوصلو لنجاحك !
تسأل نفسك طيب ايه اللي هيستفيده ؟ what`s in it for him ??
افاده غيره وكده ؟؟ فيد نفسك احسن !
عاوز تثبت ايه وعاوز تثبته لمين ؟؟
هذا المتداول الناجح اللي داخل يكتبلك في موضوع انو الجبار اللي هزم السوق يدور على اداره حسابات حضرتك !
مستغرب وهتبدأ تفكر بنظريه المؤامره ومحاربه الناجح والكلام العاطفي بتاعنا كعرب ده مظبوط ؟
عندي تجربه شخصيه مع بعض الاعضاء القداماء زي مابيحبو يشيروا الى انفسهم - ومعرفات من قبل 2010 وغيره - واخر طموحه منك اداره حسابات
من 2006 في المنتدى واللي من 2011 واللي مشاركاته مليون مشاركه - 99% منهم لأن التعميم ظلم والله مايدري وين الله حاطه
اخر طموحه انك تقرأ كلامه وتقنع نفسك انو المتداول الفشيخ عشان تجي تقوله ديرلي حسابي الله يخليك !
ياشباب صدقوني لا يوجد لهم اي تاريخ في التداول ولا اي نجاح يذكر ولو في نجاح بيتمسح كله بخساره
بس المكسب لازم نعظمه ونحطه تحت السبوت - وشويه الخساير مش لازم احد يعرف عنها شي داريهم تحت السجاده محدش واخد باله
الساده المدرعمين : مجددا الكل له كل الاحترام والتقدير - التعميم جهل لا اتكلم به - الكل على الراس ولكن بما انك عرضت نفسك امام الجمهور أنك المتداول الناجح ذو الالقاء الممتاز فطبيعي يكون في رأي انتقادي لحضرتك - be mature
enough
ال IMS DATA بتقول ان 86% من المتداولين خاسرين - فاحصائيا كدا زي مابيقولو اللي بياكل على ضرسه بينفع نفسه
بارك الله فيكم جميعا ويهدينا كلنا
