المختصر المفيد في التحويل من بطاقات البنك الاهلي

[س_18]

السلام عليكم
اضع بين اي ايديكم خلاصه تجربتي في محاوله الايداع من مختلف بطاقات البنك الاهلي المصري الي اي سي ماركتس وايضا الباي بال
في البدايه توجد اكثر من شركه مثل فيزا وماستر كارد وايضا يوجد نوع جديد اسمه ميزه
كلها تتعامل مع مختلف البنوك مثل البنك الاهلي وايضا بنك مصر وبقيه البنوك المختلفه بالطبع فيزا وماستر كارد شركات ائتمانيه دوليه اما ميزه يبدو انها شركه محليه
طبعا ماستر كارد وفيزا هي شركات اشبه مثلا بشركات المحمول علي سبيل المثال فودافون و اورانج
وكما تبدا ارقام فودافون ب 010 وارقام اورانج تبدا ب 012 فهكذا ايضا ارقام بطاقات الائتمان تبدا ارقام فيزا ب 4 وتبداء ارقام ماستر كارد ب 5

طبعا التجربه كانت علي ثلاث انواع من بطاقات البنك الاهلي وهي
1- كريديت كارد تيتانيوم تابع لشركه ماستر كارد وهو كارت ائتماني يتم استخراجه بناء علي راتب يتم تحويله من وظيفه لك او تكون لديك وديعه في البنك ويتم تجميد مبلغ معين منها مقابل للحد الائتماني الذي ترغب به علي سبيل المثال حد ائتماني 10 الاف يتم تجميد حوالي 13 الف من وديعتك
طبعا الكرت هذا فشل فشل زريع في محاوله تفعيله علي باي بال وايضا لم استطيع الايداع منه الي اي سي ماركتس
بخصوص اي سي ماركتس عند سؤال البنك لماذا لم يتم الخصم من الكارت اخبروني بأن هذه الشركه مسجله لديهم بأنها شركه مراهنات حاولت افهمه انها شركه تداولات ولكنه اخبرني انه كلهم ذي بعض مراهنات ولا تداولات كله محصل بعضه
وبخصوص محاوله تفعيله علي باي بال ايضا لم استطيع عند محاوله عمل اكتيفيشن للكارد ويتم خصم حوالي دولار منه وارجاعه مره اخري لا يتمكن من ذلك وتظهر لي رساله الكارت تم رفضه من البنك ويرجي الاتصال بالبنك المصدر للكارت
ولكن عند محاوله الشراء منه اونلاين من داخل مصر يتم الموضوع بكل سلاسه وجربت محاوله دفع فاتوره انترنت لشركه WE وتم ذلك بكل سهوله
وعند الاتصال بخدمه العملاء للاستفسار عن رفض البنك للتعامل مع باي بال يقولون لي لا يوجد اي مشكله علي السيستم وحاول مره اخري وطبعا صوتي اتنبح وانا احاول افهمهم انه توجد مشكله والكارت لا يقبل الخصم الي باي بال يؤكدون انه لا توجد اي مشكله وحاول مره اخري
2 كارت ديبت من نوع فيزا وهذا النوع يتم استخراجه اذا كان لديك حساب بنكي في البنك وبالطبع هذا الكارت هو الي استطعت الايداع منه الي باي بال بكل سهوله وايضا شراء اونلاين داخلي ويتم الخصم ايضا بكل سهوله وتم عمل اكتيفيشن له في الباي بال وتم خصم 1.5 يورو منه ووصلتني رساله علي التليفون بعد حوالي 10 دقائق بها تفاصيل الخصم ورقم الاكتيفيشن وتم وضعها في الباي بال وتم عمل اكتيفيشن للكارت بكل سهوله وتم رفع الليمت في الباي بال ولكن بصراحه لم اقوم بمحاوله الدفع منه الي اي سي ماركتس مباشره خوفا من ان البنك يضع بلاك ليست علي الكارت بسبب ذلك واكتفيت اني احول منه علي باي بال ومنه الي اي سي ماركت وقلت في بالي معلهش استحمل اللفه دي علشان سواد عيون انظمتنا الي هي بالتأكيد خايفه علي مصلحتنا وخايفه علي فلوسنا
3- اخر كارت وهو كارت بري بايد مسبق دفع طبعا من شركه ماستركارد والكارت ده طبعا اي كلام وخلاص وابعدو عنه نهائيا لانه ملهوش اي ستين لازمه لدرجه ان عند محاوله وضعه في باي بال ظهرت لي رساله ان الكارت ده مربوط بحساب اخر اذاي مش عارف بصراحه
ولكن في كثير من الفيديوهات التي شاهدتها ان في ناس ربطت كارت بري بايد ( مسبق دفع )
ولكن من نوع فيزا وليس ماستر كارد ركزو في الجمله دي كويس لابد ان يكون فيزا وليس ماستر كارد
واخيرا اي استفسار انا جاهز في حدود معرفتي ودي صور الثلاث كروت المستعمله وطبعا التجربه دي كانت حتي كتابه هذا الموضوع

[ابو لاما]

السلام عليكم اخي
هذا السوق متعب وغير مجدي اخي. تاجر في السوق الحقيقي خيرا لك يا أخي الكريم وشكرا. نصيحة مني لوجه الله.

[س_18]

السلام عليكم اخي
هذا السوق متعب وغير مجدي اخي. تاجر في السوق الحقيقي خيرا لك يا أخي الكريم وشكرا. نصيحة مني لوجه الله.

شكرا عزيزي ابو لاما علي نصيحتك
هو بالفعل السوق هذا متعب جدا وليس بالسهل ولكن المشكله في بعض الانظمه وتجعله اصعب سواء في سحب او ايداع وكأنهم اوصياء علي اموالك
بخصوص التجاره في سوق حقيقي او وهمي لن يفرق ذلك كثيرا سواء خسرت فلن اهتم اذا اخذهم السوق او البروكر وكذلك اذا ربحت فلن يهمني ربحت من اي منهم

[tarik113]

شكرا عزيزي ابو لاما علي نصيحتك
هو بالفعل السوق هذا متعب جدا وليس بالسهل ولكن المشكله في بعض الانظمه وتجعله اصعب سواء في سحب او ايداع وكأنهم اوصياء علي اموالك
بخصوص التجاره في سوق حقيقي او وهمي لن يفرق ذلك كثيرا سواء خسرت فلن اهتم اذا اخذهم السوق او البروكر وكذلك اذا ربحت فلن يهمني ربحت من اي منهم

اخي اذا كان سوق وهمي ( و هو في الغالب هكذا ) فربحك سيكون من تجارة وهمية و غير حقيقية يعني غير شرعية اترضى ان تاكل مال كهذا عادي

[alskndry]

مشكور اخى الحبيب على تجرتك واللى اكيد هتفيد ناس كتير فى الايداع

كمان فى كارت فيزا تبع البريد ( ايزى باى ) بعض الاصدقاء فعلوا بها حساب الباى بال

المشكلة ان شركات الوساطة اللى تتعامل مع الباى بال قليلة جدا

تحياتى ياغالى لشخصكم الكريم

[س_18]

اخي اذا كان سوق وهمي ( و هو في الغالب هكذا ) فربحك سيكون من تجارة وهمية و غير حقيقية يعني غير شرعية اترضى ان تاكل مال كهذا عادي

عزيزي طارق لكل شخص قناعات معينه وفكر خاص اما اذا كنت انت تعتقد وتظن ان هذا مال غير شرعي وغير حلال لماذا انت هنا ! وانت في المنتدي منذ 8 سنوات وربما في التداول لك اكثر من هذا الوقت

[س_18]

مشكور اخى الحبيب على تجرتك واللى اكيد هتفيد ناس كتير فى الايداع

كمان فى كارت فيزا تبع البريد ( ايزى باى ) بعض الاصدقاء فعلوا بها حساب الباى بال

المشكلة ان شركات الوساطة اللى تتعامل مع الباى بال قليلة جدا

تحياتى ياغالى لشخصكم الكريم

مرحب عزيزي محمد
اه والله انا قصدت من طرح تجربتي هذه الافاده وتوفير الوقت والتعب والاموال لكل من يقراء هذا الموضوع
وايضا ارحب بكل فكره او تجربه تم من خلالها الايداع او السحب وكانت سلسه وبسيطه وموفره في الوقت او الاموال من اي عضو
تحياتي عزيزي

[MOF]

2 كارت ديبت من نوع فيزا وهذا النوع يتم استخراجه اذا كان لديك حساب بنكي في البنك وبالطبع هذا الكارت هو الي استطعت الايداع منه الي باي بال بكل سهوله وايضا شراء اونلاين داخلي ويتم الخصم ايضا بكل سهوله وتم عمل اكتيفيشن له في الباي بال وتم خصم 1.5 يورو منه ووصلتني رساله علي التليفون بعد حوالي 10 دقائق بها تفاصيل الخصم ورقم الاكتيفيشن وتم وضعها في الباي بال وتم عمل اكتيفيشن للكارت بكل سهوله وتم رفع الليمت في الباي بال ولكن بصراحه لم اقوم بمحاوله الدفع منه الي اي سي ماركتس مباشره خوفا من ان البنك يضع بلاك ليست علي الكارت بسبب ذلك واكتفيت اني احول منه علي باي بال ومنه الي اي سي ماركت وقلت في بالي معلهش استحمل اللفه دي علشان سواد عيون انظمتنا الي هي بالتأكيد خايفه علي مصلحتنا وخايفه علي فلوسنا

الكارت ده اللي بتقدر تسحب بيه من ال ATM بتاع البنك الأهلي ، صح كده ؟ وهوه مكتوب عليه فعلا Depit
سؤالي لو سمحت ، هل طلبت من البنك تفعيل خدمه الاستخدام اونلاين للكرت ده ؟
انا مش بتكلم عن المعاملات الداخليه انا بتكلم عن المعاملات اونلاين في الشراء والدفع

باختصار يعني شغلته ازاي اونلاين

وشكرا مقدما

[س_18]

الكارت ده اللي بتقدر تسحب بيه من ال ATM بتاع البنك الأهلي ، صح كده ؟ وهوه مكتوب عليه فعلا Depit
سؤالي لو سمحت ، هل طلبت من البنك تفعيل خدمه الاستخدام اونلاين للكرت ده ؟
انا مش بتكلم عن المعاملات الداخليه انا بتكلم عن المعاملات اونلاين في الشراء والدفع

باختصار يعني شغلته ازاي اونلاين

وشكرا مقدما

مرحب عزيزي اه بالضبط هو ده وصورته الموجود اول كارت من اعلي وانا ما طلبتش تفعيله اون لاين ولكن تقريبا هو مفعل جاهز او احتمال اكون طلبت تفعيله من فتره طويله 3 او 4 سنوات وانا ناسي
ولكن المهم عزيزي انه يعمل سواء طلبت تفعيله او مفعل جاهز
لان باقي الكروت بالرغم اني اطلب تفعيلهم للشراء من الخارج وربطه علي باي بال وخدمه العملاء تصر علي انهم يعملون ولكن في الحقيقه لا يعملون

[MOF]

مرحب عزيزي اه بالضبط هو ده وصورته الموجود اول كارت من اعلي وانا ما طلبتش تفعيله اون لاين ولكن تقريبا هو مفعل جاهز او احتمال اكون طلبت تفعيله من فتره طويله 3 او 4 سنوات وانا ناسي
ولكن المهم عزيزي انه يعمل سواء طلبت تفعيله او مفعل جاهز
لان باقي الكروت بالرغم اني اطلب تفعيلهم للشراء من الخارج وربطه علي باي بال وخدمه العملاء تصر علي انهم يعملون ولكن في الحقيقه لا يعملون

لا هوه مش مفعل وانا جربته كزا مرة مش بيشتغل ، يبقى حضرتك فعلا كنت مفعله من فتره وناسي ، وبالتالي يبقى هوه فعلا محتاج فتح الخدمه من البنك نفسه أولا وتفعيلها
عموما شكرا لحضرتك على الرد والتوضيح

[MOF]

بعد ما فعلت الخدمات الالكترونيه للكارت Debit تم رفضه في تفعيل الباي بال ، واعتقد ان السبب انه الكارت اللي معايا ماستر كارد مش فيزا
هل اللي مع حضرتك فيزا ولا ماستر ؟؟

[س_18]

بعد ما فعلت الخدمات الالكترونيه للكارت Debit تم رفضه في تفعيل الباي بال ، واعتقد ان السبب انه الكارت اللي معايا ماستر كارد مش فيزا
هل اللي مع حضرتك فيزا ولا ماستر ؟؟

المشاكل كلها من ماستر كارد حتي انا الكارت الكريديت الي هو البطاقه الائتمانيه برضه ماستر كارد ولا استطيع تفعيله حتي اليوم برغم عشرات التجارب وعشرات الاتصالات مع خدمه العملاء وهم يؤكدون انه شغال اونلاين وحاول تجرب موقع تاني خارج مصر غير الباي بال وايضا لم استطيع التفعيل
الكارت الديبت الي معاي نوعه فيزا وانصحك لو حاولت تستخرج اي كروت مستقبلا تؤكد انه لابد ان يكون فيزا ولو طلع ماستر كارد ارميه في وشهم وحتي ايضا اغلب التجارب الي شاهدتها علي التفعيل علي الباي بال ونجحت كانت من نوع فيزا حتي الي هو مسبق الدفع ابو 15 جنيه كان نوعه فيزا واشتغل واستقبلو عليه كمان من باي بال واغلبهم مطورون يعملون علي موقع خمسات او مستقل

[س_18]

وبالطبع الكارت الي شغال معاي كارت الديبت نوعه فيزا وحتي انا موضح ذلك في بدايه الموضوع ولاحظ حتي اني مخليه اول كارت من فوق

[MOF]

اولا شكرا لحضرتك على الاهتمام والرد والتوضيح
كده الخلاصه انه الكارت من نوع فيزا هوه بس اللي شغال كويس مع باي بال ، وده طبعا حتى تاريخ كتابه الموضوع ده ، مستقبلا الله اعلم

انا مش عايزه علشان اشحن حاجه انا كنت بجرب وبلعب بيه شويه وانا اصلا كل تعاملاتي من خلال سكريل والحمد لله شغال كويس معايا سحب وايداع من خلال وسطاء موثوقين

ياراجل جيت اشحن بيه رصيد فودافون على موقعهم برضه اترفضت الماستر كارد التعبانه دي

[س_18]

اولا شكرا لحضرتك على الاهتمام والرد والتوضيح
كده الخلاصه انه الكارت من نوع فيزا هوه بس اللي شغال كويس مع باي بال ، وده طبعا حتى تاريخ كتابه الموضوع ده ، مستقبلا الله اعلم

انا مش عايزه علشان اشحن حاجه انا كنت بجرب وبلعب بيه شويه وانا اصلا كل تعاملاتي من خلال سكريل والحمد لله شغال كويس معايا سحب وايداع من خلال وسطاء موثوقين

ياراجل جيت اشحن بيه رصيد فودافون على موقعهم برضه اترفضت الماستر كارد التعبانه دي

تقريبا ماستركارد فاشل في تفعيل الباي بال والافضل فيزا
بخصوص الوسطاء طالما انك مرتاح مع شخص ثقه ممتاز الله يوفقك بالرغم اني افضل ان يكون التحويل علي حساباتك دايركت
بخصوص الشراء الداخلي من ماستر كارد بصراحه لم اواجه اي مشاكل وكل العمليات تمت وتم الخصم من الكارت الائتماني بماستر كارد بكل سهوله انا جربته في الشحن من فودافون واشتغل عادي وايضا شحنت بيه رصيد للانترنت الارضي علي شركه we وايضا اشتغل بدون اي مشاكل
المشكله كانت فقط علي باي بال وايضا علي شركه اي سي ماركت ايضا لم استطيع تحويل امرال الي حسابي واخبروني انها شركه مراهنات وانا قلت عادي ما هو احنا كده برضه بنراهن علي صعود السعر ولا هبوطه