نظريه المثلث الفلكى & بدايه الطريق

[عبدالعزيزمحمد]

بسم الله الرحمن الرجيم
=============
7 شوال 1441 الموافق 30 مايو 2020
=======================
مقدمه الفلك المالى = يتكون من عنصرين السعر والوقت وايجاد الترابط بينهم ينتج عنه كلاستر مناسب للبيع والشراء
طبقا لعده مثلثات فلكيه ذات ضلع وذات قطر(كل كوكب له المثلث الخاص به كما انه لكل مثلث زاويه الوقت الخاصه به
المربعات المستخدمه مربع 9 , 4 , 12 طبعا كل مربع له استخدام محدد وطريقه معينه
ذلك الموضوع لم يكتب فى اى منتدى على الانترنت ولايوجد بأى كتاب من قبل وهو حصريا للمتداول العربى ولكل انسان يريد التعلم ولا يدرى من اين يبدأ الطريق
فقد قمنا بفضل الله وحوله وقوته (بتأسيس نظريه المثلث الفلكى )
المستفدين من الموضوع كل اصحاب مدارس التحليل الفنى بلا استثناء
لان اصل الموضوع هو الحصول على كلاسترات رقميه للمضاربه عليها وخاصه راغبى الاسكالبنج
================================================== ===
الدليل الاسترشادى لدراسه الفلك المالى
==========================
المستوى الاساسى
=========
1- زاويه الوقت للكواكب وتحديد المثلث الخاص به
2- ظبط قياس قمه المثلث الهرمى داخل الخليه الرقميه
3- معرفه اسس استخدام المربعات 4 __,__12
===========================
ملاحظات لقارئ الموضوع
الفلك المالى لا يوجد احد بالكون بلغ منتهى هذا العلم او اى علم اخر فلايعلم المنتهى الا الله وحده ولا حتى وليم ديلبرت جان ولا اى حد على وجه الارض
الفلك المالى مثله مثله مثل علم الكيمياء و الصيدله على سبيل المثال يتخرج الطالب دارس لاسس تحضير الدواء فنجد هذا ابتكر دواء للبرد وهذا ابتكر دواء للقلب وهكذا
الفلك المالى وليم ديلبرت جان اسس نظريه الاهتزاز المنبثقه من علوم الفلك المالى وهذا احد ادويه الشارت المريض ثم جاء فورير استخرج دواء وبرادلى استخرج دواء وياتريك ميكولا استخرج دواء وكل باحث منكم سيجتهد سيستخرج دواء فعليكم بالدراسه والتطوير دائما وابدا واذكر نفسى قبلكم
وفوق كل ذى علم عليم (الايه 76 سوره يوسف)
واخيرا أسال الله العلى العظيم
ان يجعل هذا العمل صدقه جاريه لوالدى ووالدتى رحمهم الله
واسكنهم فسيح جنته بواسع فضله وكرمه وأسالكم الدعاء لهم
بالمغفره والرحمه ولا حول ولا قوه الا بالله العلى العظيم

[عبدالعزيزمحمد]

هانحمل مع بعض برنامج جانزيلا من الموقع ده
https://gannzilla.ru/

[عبدالعزيزمحمد]

الكواكب المستخدمه كما ترون
وبجانبها الى اليمين عمودين من الارقام بشكل رأسى
العمود الاول زاويه او درجه الكوكب على الدائره
العمود الثانى زاويه او درجه الكوكب داخل البرج وديه مش هاتفدنا الان بموضوعنا
عيونكم الان احبائى على العمود الاول من هنا هانبدا الشرح

[عبدالعزيزمحمد]

الى مش فاهم البرنامج يقؤلى او محتاج شرح يكتبلى اسئلته عايز امشى مع المبتدأ من اول السلم والموضوع هايتشرح بالكامل أن شاء الله

[ابوناصر9999]

اول طالب عندك

[عبدالعزيزمحمد]

اول طالب عندك

كلنا طلاب علم اخى ابو ناصر ربنا يوفقنا فى الشرح

[عبدالعزيزمحمد]

اول مابنفتح البرنامج بتلاقى على اليسار وانت نازل بعينك كده الكلمه ديه cosmogram

هاتفتحه وتبص على خانه system وتخليها heliocentric

[عبدالعزيزمحمد]

طيب بعد كده هانعمل ايه هاتظبط تاريخ الكوكب على نهايه الاسبوع بمعنى اننا لازم نعرف الكوكب واقف عند اى زاويه اخر اسبوع التداول وهاتكون ديه زاويه الوقت الى هانستخرج منها المثلث الفلكى على مربع التسعه فيما بعد و هانشتغل عليها لتحديد كلاسترات المضاربه بتاعتنا
الحته ديه عارفكم هاتقفوا فيها شويه عشان تستوعبوها بس انا هامشى معاكم واحده واحده
من هنا هانستخرج زاويه الوقت الخاصه بالكوكب بأن نجعل تاريخ اليوم والشهر والسنه على تايم نهايه الاسبوع بتاعنا طبعا التاريخ الى فى الصوره مش نهايه الاسبوع لكن انا بوريك منين هاتغير التايم فى البرنامج واخر يوم تداول معروف للجميع انه الجمعه
[ATTACH=CONFIG] 524442[/ATTACH]

[عبدالعزيزمحمد]

بعد كده يهمنى اعرف اغلاق العمله اخر الاسبوع على كام مع ملاحظه اخذ الاربع ارقام الاولى فقط من اليسار الى اليمين

[عبدالعزيزمحمد]

يعنى لو اليورو دولار مثلا 1.0988 هاقؤلك لا هانخده ونقراه كده 1098 يعنى هانحذف اى ارقام ونخلى معانا اربعه فقط طيب لو مثلا الدولار فرنك
هو اصلا شغال على اربع ارقام هانعمل فيه ايه هاقؤلك هانحذف رقم وناخد تلات ارقام فقط طيب يبقى قاعدتنا ايه دايما هانحذف رقم اخير من اى عمله هانشتغل عليها او سهم او اى حاجه فى خيالكم

[عبدالعزيزمحمد]

طيب لحد كده فاهمين قبل ماندخل على التقيل خدوا وقتكم فى الاستيعاب انا كده كده هاشرح حتى لو مافيش مشاركات او اسئله
مع انى كنت عايزكم تسألوا لان ده هايساعدكم تفهموا بسرعه وبأتقان ان شاء الله

[FOREXIST]

السلام عليكم..

ورشة موفقة ان شاء الله أخي الكريم..

و كان الله في عونك ...

المهم ان يكون مجنك قوي كفاية ضد بعض السهام الراءشة

فهم يقرؤون كلمة : فلك معكوسة ...كلف !@

اسال الله العظيم رب العرش الكريم ان يفتح عليك فتوح العارفين

بوركت

[عبدالعزيزمحمد]

السلام عليكم..

ورشة موفقة ان شاء الله أخي الكريم..

و كان الله في عونك ...

المهم ان يكون مجنك قوي كفاية ضد بعض السهام الراءشة

فهم يقرؤون كلمة : فلك معكوسة ...كلف !@

اسال الله العظيم رب العرش الكريم ان يفتح عليك فتوح العارفين

بوركت

تسلم اخى الكريم اشكرك جدا لمشاركتك ولا تحرمنا من اى ملاحظات تجدها اثناء الشرح

[FOREXIST]

تسلم اخى الكريم اشكرك جدا لمشاركتك ولا تحرمنا من اى ملاحظات تجدها اثناء الشرح

العفو اخي ...

موضوعك و ورشتك...انا تلميذ عندك..

و لو من نصيحة فستكون: طنش تعش تنتعش ..و سلامتك

بوركت

[عبدالعزيزمحمد]

طيب دلؤتى بما أن افضل طرق التعلم هو التطبيق المباشر بعد
ان عرضنا قدر من المعلومات هانتجه الان الخطوه الاولى

استخراج المثلث الفلكى لكوكب ميركورى( عطارد)


مع ملاحظه ان كل كوكب له حد ادنى وحد اقصى للعمل عليه والان هانتعلم نطلع الحدين الادنى والاقصى للمثلث الفلكى الخاص بالكوكب

وملاحظه ايضا لازم تكون عارف معطيات لو وهاى واغلاق الاسبوع السابق مباشره للاسبوع الجديد الى لسه مانعرفش عنه حاجه والى مطلوب مننا اننا نحدد هانشترى فيه منين ونبيع منين

ننظر كمثال للدولار كندى نهايه الاسبوع كانت 22 مايو 2020

اغلاق الاسبوع كان 1400

لو الاسبوع 1386

هاى الاسبوع 1411

زاويه الوقت ميركورى يوم 22 مايو 2020 كانت 147

هاخد زاويه الوقت 147 الموافقه لتاريخ 22 مايو 2020

هاجمع عليها 360 واخط رقم اغلاق العمله 1400 امامى لانى هاحتاجه

شكل عمليه الجمع 147 +360+360+360=1227 ده الحد الادنى
الحد الاقصى 147 +360+360+360+360=1587 ده الحد الاقصى
واحد هايقؤلى وليه جمعت للحد الادنى 3 دورات والاقصى جمعتله 4
هاقؤلك ياجميل القصه انى حاطط رقم 1400 اغلاق الاسبوع بتاع العمله امامى وباخد اقرب دوره قبل الرقم مباشره والدوره الى بعد الرقم مباشره
اذا الى بيحدد عدد دورات الحد الادنى والاقصى هو الاغلاق الاسبوعى للعمله

الى يفهم الموضوع ده هاتفرق معاه كتير جدا فى احترافيه التداول وبعدها هانتعلم مناطق التعزيز على مربع 12 والتوفيق بين مثلثات باقى الكواكب
يارب المعلومه والشرح يوصلكم انا بحاول اتكلم بشكل مبسط جدا عشان اوصلكم المعلومه

طيب نيجى بعدها لموضوع ظبط قياس الشكل الهرمى داخل الخليه الرقميه هاناخد رقم الحد الادنى 1227
ونجرى بيه على مربع التسعه ونحط قمه او رأس المثلث على رقم الحد الادنى 1227

ونركز جميعا بالصورتين دول



هنا وضعنا الحد رأس المثلث على رقمنا 1227 وهو الحد الادنى لزاويه الوقت الخاصه بميركورى


ثم ذهبنا الى size وكبرنا المربع دوره واحده عشان تبان ارقام الاغلاق الاسبوعى للعمله وهى 1400 فظهرت تلك الصوره




والان اترك لكم النتيجه المحققه لعمله الدولار الكندى بتاريخ 26,,27 مايو 2020 وارتداد رائع من ضلع المثلث عند رقم 1376 الى 1380 / محققا 40 نقطه بفضل الله



طبعا الارتداد هنا نسبى ممكن السعر يرد 20 او 30 او 40 او 50 نقطه وساعات بتفلب العمله لموجه صاعده انت يافندم بتاخد الى فيه النصيب وتتوكل على الله لانك لسه مادرستش المستوى الادفانسد للفلك المالى وده بحر واسع ينقسم الى ثلاثه اقسام
astro trend , astro wave , intersection of price and time
احنا هنا بنوضح بدايه الطريق للاخوه عشان مايتوهوش فى كتب كتير اوى ويضيع وقتهم على الفاضى فى كلام اغلبه مع الاسف لايسمن ولا يغنى من جوع ونرغب ان يستفيد الجميع ولا اسالكم الا الدعاء بالرحمه لوالدى ووالدتى
بقؤلهالكم بكل صراحه وليس غرورا او تكبرا فما انا الا سبب من اسباب الله تعالى ربما توفرت لى اسباب شراء كتب من اماكن بعيده عنكم ربما الهمنى الله شيئا ما انا طالب علم مثلكم الى عايز الفلك المالى يتابع الموضوع ده كل فتره لانى هانزلكم دايما بأذن حاجات جديده مجانيه لوجه الله تعالى
وهمتكم معايا عايزين تطبيقات عشان اطمن انكم فهمتم
ونبدا بشرح التوفيق المثلثى لبقيه الكواكب فى حاله انعكاس السعر هاعمل ايه فى حاله التعزيز منين وبعدها اقفل فين واطلع رابح فى كلا الاحوال ازاى وشرح اقطار المثلث حاجات كتير عايز اتكلم فيها وهاشرحها بأمر الله بس تستوعبوا الجزء ده وتتقنوه عشان مايحصلش تشتيت وتأكدوا ان مايقدم لكم هنا لن تجدوه بأى مكان اخر بفضل الله
الحمد لله رب العالمين والله اكبر وماشاء الله ولا حول ولا قوه الا بالله العلى العظيم ,,, اللهم أنت ربي لا إله إلا أنت عليك توكلت وأنت رب العرش العظيم، ما شاء الله كان وما لم يشأ لم يكن، لا حول ولا قوة إلا بالله العلي العظيم، أعلم أن الله على كل شيء قدير، وأن الله قد أحاط بكل شيء علماً، اللهم إني أعوذ بك من شر نفسي، ومن شر كل دابة أنت آخذ بناصيتها، إن ربي على صراط مستقيم