كيف تستفيد من كورونا

[trader4x]

أنا عمري في حياتي ما إشتغلت CFDs وبالتالي عمري مبصيت في حرمانيتها! ولكن نقتطين:
* بالنسبة لموضوع "رهان" علي السعر، فمعتقدش لإنك بشتغل وبتحلل مش بتراهن.
* النقطة هنا إنك فعلاً مبتشتريش حاجة!! وده وجه الحرمانية والحق أولي أن يُتبع. كلام حضرتك صح وألف شكر علي المعلومة.

بارك الله فيك اخي و اريد التوضيح اكثر في هذه النقطة بالذات لان كثير من الاشخاص يرد علي بانه يحلل و لا يراهن لكن المعضلة ليست هنا بل فيما نتداوله و نشتريه و نبيعه (عقود وهمية في الهواء) و من هنا فتجارة الCFD رهان و قمار واضح

[Moh. Osama]

الله يعزك:
د. مصطفي أنا محلل فني من 2004 ومحلل فني في شركات مالية من 2008. للنجاح في تجارة أي سوق مالي إنت محتاج "تدرس" مش "تعرف" 3 حاجات:

1- التكنيكالتيز بتاعة السوق اللي بتاجرة (نوع العقد، قيمة البيب، نظام المارجن، القواعد اللي بيطبقها البروكر بتاعك ....الخ)،

2- إحتراف و"دراسة" to master الأسلوب اللي إنت إختارته علشان تتاجر بيه إما تحليل أساسي (أرقام وقوائم مالية)، يا التحليل الفني (شارت). كل ما كان أسلوبك قصير المدي Short Term - متاجر Trader - كل ما كان تركيزك أكتر علي الشارت، وكل ما كان أسلوبك علي المدي الطويل Long Term - مستثمر Investor - كل ما كان تركيزك أكتر علي التحليل الأساسي لإنك في الحالة دي مش عايز فلوسك في أي شركة والسلام.
- لو إختارت التحليل الأساسي إدرس CFA أو علي الأقل المستوي الأول منها، أنا خدته في 2007 وفرق معايا جداً في فهم إيه اللي بيحصل.
- لو إختارت التحليل الفني قدامك شهادتين - وأنا درست الإتنين CMT بتاعة جمعية المحللين الأمريكيين ودي بتاخد لو مقطوعلها حوالي سنتين ودي أكترهم إحتراماً لإنها بتعتمد علي الفهم وCFTe ودي مش مهمه قوي لسببين لإنها بتعتمد أكتر علي الحفظ ولإنك لو عديت المستوي التالت في CMT دلوقتي ممكن تدفع $800 وبتاخدها.
ونصيحتي بعد دراسة الإتنين وبعد أكتر من 15 سنة في التحليل المالي، إنت مش محتاج أياً منهم. ولكن علشان تفهم تحليل فني لازم تاخدة "كدراسة" مش "هواية" - تجيب كلمة من الشرق وموضوع من الغرب ولا إنت عارف ايه اللي يسوي وايه اللي ميسواش -. وعلشان تدرس التحليل الفني من غير تحمل تكلفة الشهادات مش محتاج أكتر من كتابين:
* التحليل المالي للأسواق المالية بتاع جون ميرفي Technical Analysis of the Financial Markets - John Murphy وده من أعظم كتب التحليل الفني في نظري. الراجل بياخدك من الصفر وبيتعامل مع مع واحد ميعرفش حاجة عن أي حاجة، ولما تخلصة إن شاء الله
* Trading Systems and Methods لـ Perry Kaufman، - أنا أسف معرفش الترجمة بالظبط وإسم النسخة العربية - وبيري كوفمان مش "بيكتب"، الكتاب زي موسوعة عن التحليل الفني بصفة عامة فمثلاً لما بيتكلم عن RSI حوالي 70 صفحة بيذكر فيها وحرفياً كل كا كُتب وقيل وذكر عن الـ RSI بس عيبة الوحيد إنة بيفترض وهو بيتكلم إن اللي بيقرا "عارف" و"فاهم" ايه هو التكنيكال أنالسيس.

3- لازم تعرف وتدرس وتفهم مهارات التريدنج نفسة وإدارة المال وده مهم جداً جداً، مش "لتحقيق الأرباح" ولكن لضمان الإستمرارية في أسواق المال. في إدارة رأس المال فلوسك زي جنودك بالظبط وةإنت قائد المعركة، فلو كل جنودك ماتوا في معركة واحدة "خسرت الحرب" إنما لو قدرت تحافظ عليهم فحتي لو خسرت معركة فلسه قدامك معارك كتير ومفيش أي مانع من إنك مش بس تفوز بالحرب وإنما إنك تحقق إنتصار كاسح فيها "وبيحصل وبيحصل كتير"، إتنين "بيراهنوا" مش بيحللوا وكل واحد معاه 10 دولار بس واحد راهن بالعشرة دولار كلها في أول مرة، وخسر مره واحدة، فخسر فلوسة كلها ومشي، في حين إن التاني "بيراهن اللي هو من غير بذل أي مجهود" علي دولار واحد في كل مرة فحتي ولو خسر 9 مرا متتاليين وده صعب قوي في حالة الرهان نفسة فلسة في فرصة إنه ممكن يكسب ويعمل فلوس.
وأحسن طريقة إنك تتعلم مهارات التريدنج مش إنك تشتري كتب للناس اللي بتحب تتكلم أو الناس اللي بتبيع الوهم، أحسن طرقة إنك تتعلم من الناس اللي كانت في مكانك في يوم من الأيام وعملتها ونجحت Those who already been there وعلشان تعمل كده أنا بنصح الكل بقراءة Market Wizards وبكل أجزاءة لـ Zack D Shwager الكتاب عبارة عن مقابلات مع أنجح التريدرز في العالم وبيلخص خبرة سنين وعقود في التريدنج. وأكيد ليه ترجمة في مكان ما.

خلاصة الكلام علشان تنجح في التريدنج لازم "كشغل" مش "هوايه" وعلشان يبقي شغل لازم "تتعب وتدرس" وعلي قد ما هتتعب علي قد ما هتلاقي شوفوا إنتم درستم كااام سنة علشانتاخدوا مرتبات من وظايفكم اللي إنتم شغاليين فيها. سبحان الله بير فلوس قدامكم وتلاقي واحد متخيل إنه ولمجرد إنه فتح بروكريج أكونت وجاب لابتوب يبقي هيعمل فلوس ويغرف!!!! في شرع مين يعني ........ أعزكم الله ستنا مريم سيدة نساء أهل الجنة وكانت حامل في نبي من أولي العزم ربنا سبحانة وتعالي قالها "وهزي إليك بجزع النخلة" يعني إعملي علشان تاكلي وكان سبحانة وتعالي قادر ينزل عليها مائدة من السماء أو يبعت سبحانة وتعالي ملايكة تخدمها!! ولكن لازم "تعمل" وتجتهد "بأقصي إمكانياتك" إنت مش بقدر النتايج اللي عايزها وبما هو متاح ليك "ما إستطعتم" فحتي وإن مكانش العمل مكافئ للنتائج الي إنت بترجوها - جرب إنت تهز جزع نخلة مش واحدة حامل واقعد استني البلح! - فـ "إن الله لا يضيع أجر من أحسن عملا" ..............

[GAME_OVER]

الله يعزك:
د. مصطفي أنا محلل فني من 2004 ومحلل فني في شركات مالية من 2008. للنجاح في تجارة أي سوق مالي إنت محتاج "تدرس" مش "تعرف" 3 حاجات:

1- التكنيكالتيز بتاعة السوق اللي بتاجرة (نوع العقد، قيمة البيب، نظام المارجن، القواعد اللي بيطبقها البروكر بتاعك ....الخ)،

2- إحتراف و"دراسة" to master الأسلوب اللي إنت إختارته علشان تتاجر بيه إما تحليل أساسي (أرقام وقوائم مالية)، يا التحليل الفني (شارت). كل ما كان أسلوبك قصير المدي Short Term - متاجر Trader - كل ما كان تركيزك أكتر علي الشارت، وكل ما كان أسلوبك علي المدي الطويل Long Term - مستثمر Investor - كل ما كان تركيزك أكتر علي التحليل الأساسي لإنك في الحالة دي مش عايز فلوسك في أي شركة والسلام.
- لو إختارت التحليل الأساسي إدرس CFA أو علي الأقل المستوي الأول منها، أنا خدته في 2007 وفرق معايا جداً في فهم إيه اللي بيحصل.
- لو إختارت التحليل الفني قدامك شهادتين - وأنا درست الإتنين CMT بتاعة جمعية المحللين الأمريكيين ودي بتاخد لو مقطوعلها حوالي سنتين ودي أكترهم إحتراماً لإنها بتعتمد علي الفهم وCFTe ودي مش مهمه قوي لسببين لإنها بتعتمد أكتر علي الحفظ ولإنك لو عديت المستوي التالت في CMT دلوقتي ممكن تدفع $800 وبتاخدها.
ونصيحتي بعد دراسة الإتنين وبعد أكتر من 15 سنة في التحليل المالي، إنت مش محتاج أياً منهم. ولكن علشان تفهم تحليل فني لازم تاخدة "كدراسة" مش "هواية" - تجيب كلمة من الشرق وموضوع من الغرب ولا إنت عارف ايه اللي يسوي وايه اللي ميسواش -. وعلشان تدرس التحليل الفني من غير تحمل تكلفة الشهادات مش محتاج أكتر من كتابين:
* التحليل المالي للأسواق المالية بتاع جون ميرفي Technical Analysis of the Financial Markets - John Murphy وده من أعظم كتب التحليل الفني في نظري. الراجل بياخدك من الصفر وبيتعامل مع مع واحد ميعرفش حاجة عن أي حاجة، ولما تخلصة إن شاء الله
* Trading Systems and Methods لـ Perry Kaufman، - أنا أسف معرفش الترجمة بالظبط وإسم النسخة العربية - وبيري كوفمان مش "بيكتب"، الكتاب زي موسوعة عن التحليل الفني بصفة عامة فمثلاً لما بيتكلم عن RSI حوالي 70 صفحة بيذكر فيها وحرفياً كل كا كُتب وقيل وذكر عن الـ RSI بس عيبة الوحيد إنة بيفترض وهو بيتكلم إن اللي بيقرا "عارف" و"فاهم" ايه هو التكنيكال أنالسيس.

3- لازم تعرف وتدرس وتفهم مهارات التريدنج نفسة وإدارة المال وده مهم جداً جداً، مش "لتحقيق الأرباح" ولكن لضمان الإستمرارية في أسواق المال. في إدارة رأس المال فلوسك زي جنودك بالظبط وةإنت قائد المعركة، فلو كل جنودك ماتوا في معركة واحدة "خسرت الحرب" إنما لو قدرت تحافظ عليهم فحتي لو خسرت معركة فلسه قدامك معارك كتير ومفيش أي مانع من إنك مش بس تفوز بالحرب وإنما إنك تحقق إنتصار كاسح فيها "وبيحصل وبيحصل كتير"، إتنين "بيراهنوا" مش بيحللوا وكل واحد معاه 10 دولار بس واحد راهن بالعشرة دولار كلها في أول مرة، وخسر مره واحدة، فخسر فلوسة كلها ومشي، في حين إن التاني "بيراهن اللي هو من غير بذل أي مجهود" علي دولار واحد في كل مرة فحتي ولو خسر 9 مرا متتاليين وده صعب قوي في حالة الرهان نفسة فلسة في فرصة إنه ممكن يكسب ويعمل فلوس.
وأحسن طريقة إنك تتعلم مهارات التريدنج مش إنك تشتري كتب للناس اللي بتحب تتكلم أو الناس اللي بتبيع الوهم، أحسن طرقة إنك تتعلم من الناس اللي كانت في مكانك في يوم من الأيام وعملتها ونجحت Those who already been there وعلشان تعمل كده أنا بنصح الكل بقراءة Market Wizards وبكل أجزاءة لـ Zack D Shwager الكتاب عبارة عن مقابلات مع أنجح التريدرز في العالم وبيلخص خبرة سنين وعقود في التريدنج. وأكيد ليه ترجمة في مكان ما.

خلاصة الكلام علشان تنجح في التريدنج لازم "كشغل" مش "هوايه" وعلشان يبقي شغل لازم "تتعب وتدرس" وعلي قد ما هتتعب علي قد ما هتلاقي شوفوا إنتم درستم كااام سنة علشانتاخدوا مرتبات من وظايفكم اللي إنتم شغاليين فيها. سبحان الله بير فلوس قدامكم وتلاقي واحد متخيل إنه ولمجرد إنه فتح بروكريج أكونت وجاب لابتوب يبقي هيعمل فلوس ويغرف!!!! في شرع مين يعني ........ أعزكم الله ستنا مريم سيدة نساء أهل الجنة وكانت حامل في نبي من أولي العزم ربنا سبحانة وتعالي قالها "وهزي إليك بجزع النخلة" يعني إعملي علشان تاكلي وكان سبحانة وتعالي قادر ينزل عليها مائدة من السماء أو يبعت سبحانة وتعالي ملايكة تخدمها!! ولكن لازم "تعمل" وتجتهد "بأقصي إمكانياتك" إنت مش بقدر النتايج اللي عايزها وبما هو متاح ليك "ما إستطعتم" فحتي وإن مكانش العمل مكافئ للنتائج الي إنت بترجوها - جرب إنت تهز جزع نخلة مش واقعد استني البلح مش واحدة حامل! - فـ "إن الله لا يضيع أجر من أحسن عملا" ..............

---------------------------------
انت كنت فين .؟؟؟؟؟؟؟؟؟؟؟؟؟؟؟؟؟؟
كل الكتب التى ذكرتها معي واكثر من هذا .. لدي مصادر وكورسات بالهبل في مجال الفوركس .. كمية بيانات كبيرة .... وكان لدي نية كبيرة من عام 2009 انني اكون محترف جدا .. في هذا المجال .. لكنى ضعت جدااااااااااااااااااااااااااااااااااااااا جداااااااااااااااااااااااااااااااااااااااااااااااا اااااااااااااااااااااااااااااا الى اليوم
اكرة ان اقول هذا .. انا لم اكن اثق بنفسى جدا في هذا المجال .. ابدا .. لاانة يتطلب ان تدرس وتدرس وتدرس .. ويمكن تنجح ويمكن لا ..
كل حرف تكتبة .. وكانني انا كتبتة بالضبط ... ياعمي شخصيتك قريبة منى هههههههههههه
حرفنة بجد .. ماشاء الله تبارك الله ..
ابكيتنى .. وافرحتنى .. يارجل .. كلامك داخل القلب على طول
مشكلتنى انني لدي ادرنالين عالي جدا .. ومحبش الا الشغل السريع جدا .. اما الشغل بتاع اصبر لحد .. وقت معين . انا لاانفع لة
مش عارف .. لية توقفت عن النظر الى تلك الكتب القيمة التى لدي في مجال اسواق المال والفوركس خصوصا ؟؟؟؟؟؟؟؟؟؟؟؟

[د/مصطفى]

اعتقد مش انا بس و لكن ناس كتير منهم اللي رد و منهم اللي دعالك بظهر الغيب شاكرين جدا جدا ليك استاذنا و جزاك الله كل خير على كل حرف كتبته

[Moh. Osama]

---------------------------------
انت كنت فين .؟؟؟؟؟؟؟؟؟؟؟؟؟؟؟؟؟؟
كل الكتب التى ذكرتها معي واكثر من هذا .. لدي مصادر وكورسات بالهبل في مجال الفوركس .. كمية بيانات كبيرة .... وكان لدي نية كبيرة من عام 2009 انني اكون محترف جدا .. في هذا المجال .. لكنى ضعت جدااااااااااااااااااااااااااااااااااااااا جداااااااااااااااااااااااااااااااااااااااااااااااا اااااااااااااااااااااااااااااا الى اليوم
اكرة ان اقول هذا .. انا لم اكن اثق بنفسى جدا في هذا المجال .. ابدا .. لاانة يتطلب ان تدرس وتدرس وتدرس .. ويمكن تنجح ويمكن لا ..
كل حرف تكتبة .. وكانني انا كتبتة بالضبط ... ياعمي شخصيتك قريبة منى هههههههههههه
حرفنة بجد .. ماشاء الله تبارك الله ..
ابكيتنى .. وافرحتنى .. يارجل .. كلامك داخل القلب على طول
مشكلتنى انني لدي ادرنالين عالي جدا .. ومحبش الا الشغل السريع جدا .. اما الشغل بتاع اصبر لحد .. وقت معين . انا لاانفع لة
مش عارف .. لية توقفت عن النظر الى تلك الكتب القيمة التى لدي في مجال اسواق المال والفوركس خصوصا ؟؟؟؟؟؟؟؟؟؟؟؟

ألف شكر علي رد حضرتك وكلامك، المشكلتين اللي عند حضرتك مشكلتين عند ناس كتير قوي:

1- إنه بيكون عندك ماتيريال - كتب وفيديوهات كتير - فبتوه ومتعرفش تبدء منين وهيخلصوا إمتي فبتحبط وتسكت - زي بالظبك اللي بيفتح نيتفليكس علشان يسمع فيلم أو عنده 800 قناة علي الدش - بيقعد يقلب في ده شويه وده شوية والموضوع بينتهي إنه في النهايه مبيسمعش حاجة خالص!!
وحل الموضوع ده إنك تركز في حاجة معينة و"تنسي" إن عندك أي حاجة تانية.
ونصيحتي: جون ميرفي وMarket Wizards كبداية قوية.

2- مشكلة عايز يبقي معايا فلوس بسرعة، واحد من الفروق العظيمة ما بين المتاجر المحترف في هيدج فند وما بين الهاوي إن المحترف عارف إن فكرة المليون دولار في تريده أو تريتدين وهم يُضل الله به من يشاء .... وإنما تراكم الأرباح الصغيرة وبصورة مستمرة هو اللي بيأكل عيش It is the accumulation of small profits what put bread on the table"
فبدل من إنة يعيش في وهم المليون دولار بعد 6 شهور ولا سنة، بيبقي إعتمادة وهَمه الأول هو إنه يحافظ علي رأس ماله (جنوده) وينميهم براحة وبحذرـ التريك هنا هو إنة بيحاول قدر الإمكان إنه يثبت معدل ربح معين (مجرد 20 بيب في اليوم) بس مع تنمية رأس مالة والحفاظ عليه والبيب أم سنت أو دولار النهاردة بكرة تبقي بخمسن أو حتي خمسمية دولار (!Small wise traders grow big, fool big traders vanish). وفي الحالتين هو بيتبع قواعد إدارة رأس المال اللي وضعها لنفسة أو وضعتها ليه شركتة ومش خايف من أي خسارة لإنة عارف إنة ممكن يتحملها، فلما كان حسابة 500 دولار كانت مثلاً البيب عنده ب خمسن سنت وإنما لما رفع حسابة لـ 10000 دولار رفع البيب لعشرين دولار وبكده بيكبر.
إنما لو أصررت إنك متحترمش قواعد إدارة رأس المال ففي مجالنا وللأسف محدش بيدفع التمن غيرك ومش بس فلوس وإنما إحباط وتشاؤوم ووووووو .....
من 2009 وممشيتش معاك طب متجرب تتبع القواعد الأساسية وتشوف! صدقني 90% من الحلات العيب مش من التريدر وإنما من الأسلوب الخاطئ اللي بيتبعة في التريدنج.
مراحل أي تريدر ناجح تلاتة، وبس لما بيتقن احده بيتنقل للي بعدها:
1- Capital Preservation الحفاظ علي رأس المال
2- Small but constant profits أرباح قليلة ولكن بصوره مستمرة
3- Big Profits إنك "تغرف" واللي عمرك مهتوصلها إلا لو أتقنت الإتنين اللي فاتوا.
أرجو لو حد من الإخوه الكرام تتطوع بترجمة الملف المرفق أو جربو جوجل ترنسليشن في حل لمشاكل ناس كتير جداً. والله الموفق

مش عارف أرفق الملف هبعته في رد تحت إن شاء الله ..............

[Moh. Osama]

10 Trading Rules.pdf

أرجو إن حد من الإخوه الكرام يتطوع بترجمة الملف لأهميتة - أنا أسف ترجمتي مش هتكون كويسة - أو إن حضراتكم تستعملوا جوجل ترنسليشن
translate.google.com

[Moh. Osama]

اعتقد مش انا بس و لكن ناس كتير منهم اللي رد و منهم اللي دعالك بظهر الغيب شاكرين جدا جدا ليك استاذنا و جزاك الله كل خير على كل حرف كتبته

جزك الله خير

[سلمان_العتيبي]

مش عارف .. لية توقفت عن النظر الى تلك الكتب القيمة التى لدي في مجال اسواق المال والفوركس خصوصا ؟؟؟؟؟؟؟؟؟؟؟؟

تخلص منها

[الحالمي]

السلام عليكم ورحمة الله
الف شكر لحضرتك هذا امتع موضوع اطلعت عليه هذا الاسبوع في المنتدى
كلام ينبع عن خبره ودرايه
تم تحميل كتاب جون ميرفي وسوف اطلع عليه بعد انتهائي من كتاب
فن التداول في الاسواق لـ توم وليامز
وكتاب التداول في المنطقه لـ مارك دوغلاس

[Moh. Osama]

تخلص منها

أستاذ سلمان أعزك الله يا أخي انا شوفت البروفيل بتاعك، إنت بتساعد ناس كتير قوي في المنتدي ولكن أسلوب حضرتك في الرد شديد شويه "بنسميها في مصر بترمي طوب " ومن الواضح جداً من ملف حضرتك إنك متقصدش كده ولكن "ولو كنت فظاً غليظ القلب لإنفضوا من حولك"! أول ما جيت أمريكا ربنا أكرمني وعرفت واحد جزايري من الصحرا إسمة "راشي سليم" إنت بترمي طوب، سليم الله يكرمة بيرمي صخر - أنا وفي 11 سنة شوفتوا بيضحك مرتين مثلاً -، وكنا هنروح البوليس أول مره إتقابلنا. سبحان الله يا أخي والله طلع من أحسن وأنضف وأتقي الناس اللي قابلتها في حياتي ولا نزكي علي الله أحداً. الغرض رد بالراحه شويه علشان محدش يفهم حضرتك غلط.
وفرصه سعيدة جداً يا أخي والله بمعرفة حضرتك وسامحني لو ضايقت حضرتك في أي تعلق فات للأسف مينفعش تعدل بعد فتره. محمد

[Moh. Osama]

السلام عليكم ورحمة الله
الف شكر لحضرتك هذا امتع موضوع اطلعت عليه هذا الاسبوع في المنتدى
كلام ينبع عن خبره ودرايه
تم تحميل كتاب جون ميرفي وسوف اطلع عليه بعد انتهائي من كتاب
فن التداول في الاسواق لـ توم وليامز
وكتاب التداول في المنطقه لـ مارك دوغلاس

الله يكرمك، بس من المهم إنك تعرف تصنف الكتب اللي بتقرأها الكتابين اللي حضرتك بتطلع عليهم يندرجوا تحت تعلم "فن إدارة رأس المال" وإنما ميرفي "تعلم التحليل الفني" وده الأكثر أهمية.
إعتبر نفسك لسه لسه تلميذ في الجامعة أو المدرسة إنت مش بتدرس ماده واحدة في التيرم وإنما كذا مادة. وبالتالي وخاصةً في البدايات لازم تدرس أكتر من ماده ومحدش يطغي علي التاني.
بص هي معادلة، فلما مثلاً عايز تبدء صح:
90% تعليم + 10% ممارسة وخبرة = تريدنج ودي المرحلة اللي لازم تدرس فيها أكتر من مادة "تلميذ"
وبتفضل نسبة التعلم تقل وتزيد نسبة الخبرة في المعادلة لغاية متوصل لـ:
10% تعلم + 90% ممارسة وخبرة = تريدر ناجح ودي المرحلة اللي ممكن تركز فيها علي كتاب واحد للي بيسموها To sharpen the tool أو تخلي السكينة حامية لو مش غلطان في الترجمة.

[Comex]

اهلا بك وشكرا على مشاركتنا هذا البحث القيم
لدي سؤالين لو سمحت لي:

1- هل هناك موقع يظهر لي الاسهم التي تشتريها الصناديق الاستثمارية ؟ ... ( المقصد هو ان نحاول الدخول مع الكبار ).
2- هل هناك وسيط ( بروكر ) محترم يقدم خدمة التداول على الاسهم الأوروبية ؟ ... ( فرصة سهم شركة إيرباص الاوروبية وصل 65 وسابقا كان 138 )

[Moh. Osama]

اهلا بك وشكرا على مشاركتنا هذا البحث القيم
لدي سؤالين لو سمحت لي:

1- هل هناك موقع يظهر لي الاسهم التي تشتريها الصناديق الاستثمارية ؟ ... ( المقصد هو ان نحاول الدخول مع الكبار ).

- بأمانة معرفش بس أفضل طريقة هي إنك تتابع الشارت، علامات التجميع أو التوزيع سهل قوي إنك تلاحظها علي الشارت لو دربت نفسك عليها، وحتي علي الإنترا داي قبل الأخبار. إعمل سيرش عليها، ويب سيتس كتير قوي شارحاها بالتفصيل، وهي حاجة مش وحشة إنك "تتعلمها" متستهلش في أكل عيشك وإتعلم "الصنعة" لو عايز تشتغل فيها.

2- هل هناك وسيط ( بروكر ) محترم يقدم خدمة التداول على الاسهم الأوروبية ؟ ... ( فرصة سهم شركة إيرباص الاوروبية وصل 65 وسابقا كان 138 )

- أنا بتعامل مع TD Ameritrade فاتحه لعملائها كل أسواق العالم، مش بس أسهم ولكن كمان Futures, Options, FOREX & Bonds ولكن فيه حاجتين:
a- قوانين المعاملات الماليه هنا من بعد 2008 أكثر صرامة وبكتير من القوانين اللي بتتبعها شركات كتير محترمة برضه في أوربا - زي مثلاً الليفرج هنا أقل -.
b- إنت لما بتفتح حساب وعلي الرغم من إن كل الأسواق متاحة مش هيفتحلك سوق ويسمحلك إنك تتاجر فيه إلا بعد ما تعدي دورة تدريبية - بصفة رئيسية في التكنيكاليتيز بتاعة السوق وإزاي تستخدم البلاتفورم بتاعهم للإستفاده القصوي منه فيما يتعلق بالسوق مش بالتكنيكال أناليسيس ولا فنون إدارة رأس المال - في قسم التعليم - اللينك بعته لـ د. مصطفي في كومنت سابق - خاصة بكل سوق عايز تتاجرة. وبأمانة دورة إحترافيه جداً وهتطلع منها وبالمعني الحرفي "خبير" في السوق اللي درسته ولكنها:
- طويلة شويتين وعايزة وقت،
- وبالإنجليزي وإن كنت ممكن تستخدم جوجل للترجمة. وإنك حتي تترجم الإمتحانات واللي لازم تعديها والا مش هيعتبرك خدت الدورة ومش هيفتحلك السوق علي حسابك.


إجاباتي علي حضرتك فوق تحت الأسئلة.

[د/مصطفى]

[CENTER]

كن دقيقا و حذرا بخصوص الاسهم التي ستقوم بشرائها فكثير من الشركات لن تنجو من هذه الازمة و ستجد انه من الافضل لها اعلان الافلاس و انشاء شركة جديدة تشتري اصول الشركة القديمة ( حتى يتهربوا من دفع الديون التي على الشركة الاولى )

شركة oneweb تعلن اشهار افلاسها

https://www.cnbcarabia.com/news/view...hJBYbQ1Ei959VE

[alskndry]

مشكور اخى الكريم على هذه المعلومات بارك الله فى حضرتك