ورشة كيمو فوركس لاعادة احياء استراتيجية الترند المكسور بمكاسب اكبر 2020

[كيمو.فوركس]

اهلا وسهلا بحضراتكم وسيتم الرد علي الجميع
ولكني حاليا

[كيمو.فوركس]

باذن الله هيتم وضع طريقة لادارة راس المال هنمشي عليها وهي مقتبسة من طريقة استاذ محمد صلاح هحط لينك موضوعه وهيتم وضع الفرص المتاحة اللي جاية في السوق والرد علي جميع الاعضاء باذن الله واسف جدا جدا لانشغالي اليومين دول

[alskndry]

باذن الله هيتم وضع طريقة لادارة راس المال هنمشي عليها وهي مقتبسة من طريقة استاذ محمد صلاح هحط لينك موضوعه وهيتم وضع الفرص المتاحة اللي جاية في السوق والرد علي جميع الاعضاء باذن الله واسف جدا جدا لانشغالي اليومين دول

حبيبى ياغالى ان شاء الله ورشة موفقة خاصة انها تحليل كلاسيكى وترند مكسور وانا اعشقهم

حتى الرحلة عندى ماشية على الترند المكسور بس مطورة شوية

وطريقة تفكيرك لادارة راس المال ممتازة ياغالى

متابع معاك ان شاء الله وانصح بمتابعة الورشة لانك ماشاء الله هتنجح بهذا التفكير السليم والمتميز

[كيمو.فوركس]

حبيبى ياغالى ان شاء الله ورشة موفقة خاصة انها تحليل كلاسيكى وترند مكسور وانا اعشقهم

حتى الرحلة عندى ماشية على الترند المكسور بس مطورة شوية

وطريقة تفكيرك لادارة راس المال ممتازة ياغالى

متابع معاك ان شاء الله وانصح بمتابعة الورشة لانك ماشاء الله هتنجح بهذا التفكير السليم والمتميز

تسلم
ويكفيني تشريفك ليا في الورشة
حضرتك افادتنا بعلمك جدا ويجعله في ميزان حسناتك ان شاء الله

[كيمو.فوركس]

اتمنى لك التوفيق

شكرا يا فندم تشرفنا دايما

شكرا لك وماذا عن التوصي الثانيه هل مستمرين فيها ام ضربت الستوب؟

تم ضرب الستوب والاهم نبقي عارفين السبب وهو ان ساعتها لم يتم الخروج وقت الخبر علي الباوند
وهيتم وضع مشاركة كمان شوية توضح تعاملنا وقت الاخبار وادارة راس المال اللي هنمشي عليها وكل حاجة

ربح اكثر

شكرااا لحضرتك

ما شاء الله موفق

شكرا لحضرتك

تتوقع الدولار كندي الصعود

هنحلله في المشاركات القادمة باذن الله

بالتوفيق .

شكرا لحضرتك

السلام عليكم ورحمة الله

يعطيك العافية اخي موضوع جميل وشيق

بس عندي استفسار اتمنى انك توضحه لي

انت ذكرت ان


1/ترند ثلاثي الارتكاز مش ثنائي لضمان قوة الفرصة

لاكن الفرصتين الموضوعتين مرتكزين على ارتكازين وليس ثلاثة

موفقين اخي

الفرص كانت بارتكازين ولكن عند الاقتراب عمل ارتكاز ونزل هبوط منه وده يدل علي قوة الترند المرسوم
وعامة في المشاركة القدامة سيتم توضيح النقطة دي
شكرا لحضرتك

[كيمو.فوركس]

السلام عليكم
المشاركة دي تعتبر خريطة الطريق للعمل في الورشة
اللي شعارها( البساطة سر النجاح)
اولا الورشة زي ما وضحنا في اول الموضوع هتكون ببساطة عبارة عن خمس حاجات
+طريقة ادارة راس مال (حساب حقيقي خاص بيا بمبلغ صغير لتجربة تدبيل الحساب وهيتم شرح ده حالا)

اولا الخمس عناصر


1/ترند مكسور قوي( فريم ديلي او اربع ساعات ويكون مع الاتجاه العام )
يعني تلت ارتكازات علي الاقل يعني ارتكازين لا يجوز
لانه اهم شرط ده لو متحققش مش هنعرف ندخل الفرصة وهتبقي فرصة ضعيفة

2/ تقاطع موفنجاته الخاصة 9 و 30 اكسبوننشال كلوز قبل الكسر مش بعده وده بيدي قوة للفرصة وانعكاس فعلا للاتجاه بتاع الترند
دول اهم وابسط شرطين لازم يتحققوا واللي جاي مكمل لفرصتنا وبيديه قوة اكتر

3/ كل ما يكون السعر كاسر الموفنجات المهمة 200 و 100 و 50 سيمبل كلوز
بمعني مفيش حاجة منهم قدامه تعوق تكملة السعر بيدي قوة للصفقة مع العلم انه مش شرط
ممكن يكون قدام السعر والسعر يكمل في اتجاه الكسر لان اول شرطين متحققين وهو الترند القوي والتقاطع قبل الكسر

4/ سحابة الايشموكو لانها بتكون دعم ومقاومة قوي
واحنا يهمنا بس السحابة نفسها بدون الدخول في علم الايشموكو
وبرضه بنرجع نقول انه الاهم هو اول شرطين وباقي الشروط مقوية للفرصة


5/الدعوم والمقاومات الشهرية والاسبوعية واليومية
ودي تعتبر مكمل مهم جدا جدا عن رقم 3 و4
ولازم نحطه في اعتبارنا لانه يندرج في اهميته بعد الترند وتقاطع الموفنجات ومع كل تقارب اي فرصة هيتم شرح كل ده تفصيلا واحنا بنحلل الفرصة باذن الله


ملحوظة مهمة جدا ( عند وجود خبر علي زوج معين واحنا معانا صفقة خاصة بيه هيتم الخروج فورا قبل الخبر بربع ساعة ايا كان الربح او الخسارة والدخول بعد الخبر بفترة مثلا ساعة او اتنين بحيث السوق يرجع لهدوءه وده للمحافظة علي راس مال الصفقة )


ثانيا طريقة ادارة راس المال
وهي اللي شرحها لينا استاذنا محمد صلاح (السكندري)
في الموضوع ده وياريت اللي مشافش الموضوع ده يشوفه
لانه غيرلي طريقة تفكيري جدا
https://forum.arabictrader.com/t243617.html

ودي مشاركتي في الموضوع هناك اللي هتشرح لينا طريقة ادارة راس المال
وتدبيل الحساب باسرع طريقة ممكنة وباقل مجازفة ممكنة للرصيد
والسر هو المجازفة بالارباح فقط
والريتشيو 3:1
https://forum.arabictrader.com/t2436...ml#post3272585
يعني الحساب اللي هنشتغل عليه حساب حقيقي قيمته 40$
هيتم تقسيمه الي 40 جزء يعني كل جزء بدولار (2.5% من راس المال)
وبعد تحقيق اي مكسب في اي محاولة من 40 محاولة
هيبقي بدانا رحلة التدبيل للحساب بصفقتين ناجحين بالارباح ورا بعض واي صفقة خسارة هنرجع خطوة لورا وكل ده بعيد عن راس المال نفسه
ارجو قراءة المشاركة الخاصة بيا واللينك فوق ثم ارجع شوف اول خمس صفحات لمعرفة
الطريقة الاولي الخرافية لادارة راس المال ومضاعفة الحساب الخاصة باستاذ محمد صلاح(السكندري ) لانه ذكر اكتر من طريقة في الموضوع المهم جدا واللي غيرلي فكرتي تماما

المشاركة القادمة سيتم توضيح اول فرصة دخلنا عليها وبداية التحليل من الاول خالص تفصيلا

[كيمو.فوركس]

نبدا بسم الرحمن اول فرصة في رحلة التدبيل للحساب الحقيقي
قيمة الحساب 40 دولار هنقسمهم 40 جزء كل جزء بدولار
يعني اقصي خسارة للصفقة دولار وطبعا كله اكيد عارف يحسب قيمه اللوت
في حالة الخسارة هناخد محاولة اخري من ال40 وطبعا ده قمة ادارة راس المال
لان الصفقة ب2.5% من راس المال
في حالة المكسب
هيتم الدخول الصفقة التالية يعني ترند اخر حين توفر الفرصة بارباح الصفقة السابقة وهنشرح كل ده في وقته
المهم اول صفقة في الرحلة بتاريخ امس 6/2/2020
(كسر ترند صاعد اليورو ين فريم الديلي)

هنبدا بالفريم الشهري
لمعرفة اتجاه العام للزوج
الزوج مكون نموذج مثلث تم كسره لاسفل واعادة اختباره مما يدعم الهبوط والسعر كاسر موفنجات 200 (لون بنفسجي)
100 (لون اخضر)
50 (لون احمر )
يعني السعر تحتهم مما يدعم ايضا الهبوط


بالنسبة للدعوم والمقاومات الشهرية بنرسمها مش بطريقة الخطوط
لانها مش بتكون دقيقة انما بنرسمها بطريقة المناطق يعني منطقة دعم ومقاومة شاملة منطقة سعرية ردت السعر اسفل او اعلي
عايزكم تركزوا المستطيل البنفسجي ده حده السفلي والعلوي بيمثل اماكن ردت السعر
ودي هتكون طريقة شغلنا في رسم الدعوم والمقاومات لانها كده ادق




الفريم الاسبوعي
برضه مازال السعر اسفل الموفنجات وده بيدي قوة لفرص البيع والترند هابط ومكمل للشهري
ولكن مفيش ترندات تترسم او دعوم ومقاومات والسبب انه اللي رسمناه علي الشهري
بالنسبة للدعوم والمقاومات يعتبر كافي بالنسبة للاسبوعي لعدم كثرة الرسوم والالوان انما في الديلي هنرسم عليه وهنشوف حالا




الفريم اليومي
الاتجاه العام هابط ايضا مكمل للشهري والاسبوعي
وتم كسر ترند صاعد تلت ارتكازات قوي
معني كده صفقة البيع مع الاتجاه العام
والمعطيات في الدخول كالتالي
1/ترند صاعد تلت ارتكازات قوي تم الدخول من اعادة اختباره
2/تقاطع موفنجات 9 و 30 اكسبوننشال قبل الكسر
3/نقطة الدخول تحتوي ايضا علي حدود سحابة الايشموكو لانها تمثل مقاومة بعد كسرها لاسفل
4/ وتحتوي مقاومة يومية قوية جدا
5/ وتحتوي فوق موفنج 50 الاحمر
ولكن قدام السعر موفنج 200 و 100 ولكن المعطيات كتير وبتدي قوة للفرصة

تم الدخول من سعر 120.91 وكان السعر ساعتها صعد لاعادة الاختبار وعمل برايس اكشن شمعه هابطة
ستوب لوز فوق المقاومة اليومية يعني 80 نقطة
والهدف تلت اضعاف يعني 240 نقطة ولكن حين الوصول للمنطقة السعرية الصفرا القوية واللي بتمثل دعم قوي للسعر هيتم وضع الستوب علي الدخول لتامين الصفقة وفي حالة وجود خبر مهم سيتم وضع الستوب علي الدخول ده في حالة لو هي محققة ربح لكن لو محققة خساير سيتم الخروج فورا والدخول بعد هدوء السوق من الخبر لعدم ضرب الستوب





بالتوفيق للجميع

[كيمو.فوركس]

نبدا بسم الرحمن اول فرصة في رحلة التدبيل للحساب الحقيقي
قيمة الحساب 40 دولار هنقسمهم 40 جزء كل جزء بدولار
يعني اقصي خسارة للصفقة دولار وطبعا كله اكيد عارف يحسب قيمه اللوت
في حالة الخسارة هناخد محاولة اخري من ال40 وطبعا ده قمة ادارة راس المال
لان الصفقة ب2.5% من راس المال
في حالة المكسب
هيتم الدخول الصفقة التالية يعني ترند اخر حين توفر الفرصة بارباح الصفقة السابقة وهنشرح كل ده في وقته
المهم اول صفقة في الرحلة بتاريخ امس 6/2/2020
(كسر ترند صاعد اليورو ين فريم الديلي)

هنبدا بالفريم الشهري
لمعرفة اتجاه العام للزوج
الزوج مكون نموذج مثلث تم كسره لاسفل واعادة اختباره مما يدعم الهبوط والسعر كاسر موفنجات 200 (لون بنفسجي)
100 (لون اخضر)
50 (لون احمر )
يعني السعر تحتهم مما يدعم ايضا الهبوط


بالنسبة للدعوم والمقاومات الشهرية بنرسمها مش بطريقة الخطوط
لانها مش بتكون دقيقة انما بنرسمها بطريقة المناطق يعني منطقة دعم ومقاومة شاملة منطقة سعرية ردت السعر اسفل او اعلي
عايزكم تركزوا المستطيل البنفسجي ده حده السفلي والعلوي بيمثل اماكن ردت السعر
ودي هتكون طريقة شغلنا في رسم الدعوم والمقاومات لانها كده ادق




الفريم الاسبوعي
برضه مازال السعر اسفل الموفنجات وده بيدي قوة لفرص البيع والترند هابط ومكمل للشهري
ولكن مفيش ترندات تترسم او دعوم ومقاومات والسبب انه اللي رسمناه علي الشهري
بالنسبة للدعوم والمقاومات يعتبر كافي بالنسبة للاسبوعي لعدم كثرة الرسوم والالوان انما في الديلي هنرسم عليه وهنشوف حالا




الفريم اليومي
الاتجاه العام هابط ايضا مكمل للشهري والاسبوعي
وتم كسر ترند صاعد تلت ارتكازات قوي
معني كده صفقة البيع مع الاتجاه العام
والمعطيات في الدخول كالتالي
1/ترند صاعد تلت ارتكازات قوي تم الدخول من اعادة اختباره
2/تقاطع موفنجات 9 و 30 اكسبوننشال قبل الكسر
3/نقطة الدخول تحتوي ايضا علي حدود سحابة الايشموكو لانها تمثل مقاومة بعد كسرها لاسفل
4/ وتحتوي مقاومة يومية قوية جدا
5/ وتحتوي فوق موفنج 50 الاحمر
ولكن قدام السعر موفنج 200 و 100 ولكن المعطيات كتير وبتدي قوة للفرصة

تم الدخول من سعر 120.91 وكان السعر ساعتها صعد لاعادة الاختبار وعمل برايس اكشن شمعه هابطة
ستوب لوز فوق المقاومة اليومية يعني 80 نقطة
والهدف تلت اضعاف يعني 240 نقطة ولكن حين الوصول للمنطقة السعرية الصفرا القوية واللي بتمثل دعم قوي للسعر هيتم وضع الستوب علي الدخول لتامين الصفقة وفي حالة وجود خبر مهم سيتم وضع الستوب علي الدخول ده في حالة لو هي محققة ربح لكن لو محققة خساير سيتم الخروج فورا والدخول بعد هدوء السوق من الخبر لعدم ضرب الستوب





بالتوفيق للجميع

تم الوصول الي منطقة الدعم الصفراء
والاغلاق تحتها بشمعه يوم امس (10/2/2020)
يتم تقديم الستوب لوس للدخول عند 120.91
وبكده ياما يكمل في اتجاه الكسر بعد كسر المنطقة السعرية اللي تعتبر دعم قوي سواء اتذبذب او لا
ياما يطلع يضرب ستوب عند الدخول
وبالنسبة لاي خبر مهم يعتبر احنا امنا الصفقة خلاص
بالتوفيق للجميع

[alskndry]

ممتاز ياغالى والله تحليلات متميزة

وبالاخص التركيز على زوج واحدعند الدخول مع وضع ادارة راس مال

وكما ذكرت مش محتاجين غير فرصتين بس

[كيمو.فوركس]

ممتاز ياغالى والله تحليلات متميزة

وبالاخص التركيز على زوج واحدعند الدخول مع وضع ادارة راس مال

وكما ذكرت مش محتاجين غير فرصتين بس

هو الفرص تعتبر قليلة لاني بشتغل علي ترندات تلت ارتكازات علي الاقل علي فريم يومي فقط ويكون كسر الترند والدخول مع الاتجاه العام وبشتغل علي (28 زوج )
حتي الاربع ساعات كنسلته لان رايي الشخصي اقل من فريم اليومي ممكن يحصل فيه تذبذب اذا كان اليومي بيحصل فيه تذبذب مبالك الفريمات الاقل
مشكلة الطريقة قلة الفرص ولكن بتكون فرص قوية جدا جدا باذن الله

[كيمو.فوركس]

تم الوصول الي منطقة الدعم الصفراء
والاغلاق تحتها بشمعه يوم امس (10/2/2020)
يتم تقديم الستوب لوس للدخول عند 120.91
وبكده ياما يكمل في اتجاه الكسر بعد كسر المنطقة السعرية اللي تعتبر دعم قوي سواء اتذبذب او لا
ياما يطلع يضرب ستوب عند الدخول
وبالنسبة لاي خبر مهم يعتبر احنا امنا الصفقة خلاص
بالتوفيق للجميع

تم كسر المنطقة الصفرا لاسفل بعد تذبذب كبير كان طول الفترة اللي فاتت
الملحوظة اللي عايز اقولها هي ان بالنسبة ليا يعني رأي شخصي
انا بنقل الستوب لوز للدخول بعد كسر مناطق الدعوم والمقومات
لو السعر كمل في الاتجاه المتوقع يعني ساعتها بيكون حقق مثلا ضعف ونص الستوب
يعني نص الهدف الاجمال 3:1
زي ما عملنا في المشاركة السابقة
و حاليا فاضل حوالي 50 نقطة من ال240 الاصليين
فنا مبحركش الستوب لحجز ارباح والسبب ان اوقات كتير وشوفتها بعيني يطلع يتذبذب
وتربح الحاجة البسيطة اللي انت حركت الستوب عليها ويرجع يكمل لهدفك
فنا بتجنب الحتة دي وتاميني للصفقة بيكون الدخول فقط حفاظا علي راس المال واسيبه يا اما يجيب الهدف يااما يخرجني علي الستوب نقطة الدخول
دي بقي النفسية اللي بيقولوا عليها انك تبقي بتتفرج علي الصفقة من اولها لاخرها في كل المراحل اللي بقالها اسبوع وممكن تكمل للاسبوع الجاي

اولا لما بتحلل وتعمل اللي عليك وتتوكل علي الله وتدخل الصفقة
ثانيا بتتفرج علي صفقتك هل هتضرب ولا تحقق الهدف
ثالثا ودي مرحلة صعبة جدا علي اللي متعودش عليها وهي وانت في النص يعني محقق نص هدفك هل اقفل وكفاية كده ولا اكمل واللي بيقفل الصفقة في النص بيبوظ ادارة راس المال تماما وهيخسر في الاجمالي مهما كسب لان اول مراحل الفشل هي قفل الصفقة بدري وعدم الصبر علي الربح وتبعيد الستوب والصبر علي الخسارة احسبها بالعقل علي المدي البعيد لازم هتخسر
رابعا بعد ما قربت من هدفك وخليت الستوب علي الدخول
وفاضل شوية علي الهدف وبرضه مع ان نفسيتك متطمنة علي الراس مال الاساسي
بتخلي الشيطان يقولك كفاية

والحمد لله الواحد عدي بكل ده وبيخلي نفسيته ياما هدف يا اما ستوب
لانك بتتقبل الخسارة قبل الربح ومع ادارة راس المال بتطلع كسبان في الاخر باذن الله
من الاخر اعتبر نفسك بتدير محفظة لحد بيقولك اعمل كده وهيحاسبك علي الكلام ده
اتعامل بالطريقة دي هترتاح
قريب جدا باذن الله هعمل جزء لادارة راس المال
وجزء للنفسية
وهيبقوا في المشاركة الاولي مع طريقة الدخول وتقييم الصفقات الشهري
اسف للاطالة وبالتوفيق للجميع

[كيمو.فوركس]

ايمانا بمبدأنا الدائم والمستمر
بالوصول لافضل ادارة راس مال والتطوير فيها
ادارة راس المال اللي هتبعها بداية من اول الاسبوع كالتالي باذن الله
(وقريبا سيتم تعديل المشاركة الاولي بالشروط الاستراتيجية مكتملة وتظبيط الشرح اكتر +ادارة راس مال اللي هيتم شرحها دلوقتي +موضوع عن نفسية المتداول قريبا برضه)

ورجاء تنفيذ ادارة راس مال سواء اللي هيتم ذكرها او حسب الطريقة اللي تقتنع بيها ونصيحة اقروا البوست ده الخاص باستراتيجات ادارة راس المال وتدبيل الحساب الخاصة باستاذ محمد صلاح(السكندري) هتفيدكم جدا وفيها طرق كتير ربنا يباركله ويجازيه كل خير
https://forum.arabictrader.com/t243617.html

اول حاجة هنعتبر نفسنا في مسابقة مع السوق مكونة من صفقتين
والطريقة مقتبسة طبعا من البوست بتاع استاذ محمد اللي فوق
مبدائيا احنا دخولنا هيكون في الصفقة 4% من الحساب يعني كل 100$
اجمالي قيمة الستوب بتاعك 4$ يعني لو ميت نقطة ستوب يبقي النقطة ب 4 سنت وهكذا وطبعا الهدف الي الستوب 3:1 زي ما احنا شغالين في ورشة الترند المكسور هنا
وهنقول ليه نسبة 4% دي

عايزك بقي تشوف اللي ممكن يحصل
مع كل صفقتين قويتين انت بتختارهم بعناية ومن غير استعجال



صفقة رقم 1
لو خسارة نبقي خسرنا 4% من الحساب
لو مكسب هنبقي كسبنا 12% من الحساب


صفقة رقم 2
ودي الصفقة المهمة وهتكون بمجازفة ارباح الصفقة الاولي في حالة ربحها بدون الاقتراب
من راس المال الاصلي
يعني الصفقة هتكون ب 12% المكسب

لو خسارة نبقي خسرنا 12% المكسب وراس مالنا زي ما هو
لو مكسب هنبقي كسبنا 36%
هنا الاجمالي 12% ربح الاولي + 36% ربح التانية = 48% (نصف الحساب) مكاسب
خلصت المسابقة مع السوق كده شكرا
ونرجع نحسب 4% من اول وجديد علي الرصيد الجديد
وبرضه نبدا مسابقة مكونة من صفقتين جداد

يعني من الاخرعندك اربع احتمالات
1/ يا اما تكسب نص حسابك (زي المثال السابق)

2/يا اما تطلع تعادل (مكسب الاولي وخسارة التانية اللي هي بالارباح فقط)

3/يا اما تطلع كسبان 8% (خسارة الاولي ثم الدخول عادي جدا التانية ب4% برضه
لكن علي الرصيد الجديد بعد الخسارة طبعاوتكسب والمحصلة تبقي ربح 8%)

4/يا اما تخسر 8% خسارة الصفقتين كل واحدة 4% زي اي حد ما بيدخل بادارة راس مال ثابتة وعادية يعني ما اخليناش باي مبدا من مبادئ الادارة السليمة

وفي التلت احتمالات الاولانيين يعتبر في صالحنا
احنا بنطمح في هدف كبيييييييييير جدا مقابل مخاطرة
ال 4% اول صفقة زي ما اي حد بيدخل صفقة بتتراوح من 2 الي 5%




مميزات وشروط الطريقة دي كادارة راس مال

1/ مكاسب اسرع وممكن توصل لمكسب 50% من راس مالك في صفقتين بدون الاقتراب من راس مالك نهائيا ولا الوصول للمارجن كول لسبب بسيط
ان كل اللي بيعوز يحقق مكساب ويدبل حسابه بيدخل بلوت عالي جدا في جميع صفقاته
ونحط تحت جميع صفقاته الفين خط

وبكده حسابه الاصلي هو اللي هيتمرجن انما احنا هنا مجازفتنا في صفقة واحدة بس وبالارباح فقط وباقي صفقاتك عادي ب 4%
ودي اقل عدد من الصفقات للوصول الي ربح عالي بدون ما نيجي جنب الراس المال الاصلي
وترجع تعيد من الاول تاني المسابقة


2/ شرط الطريقة دي انك تكون كسبان اول صفقة في المسابقة عشان تقدر تدخل بالارباح فقط
لانك لو خسران اول صفقة 4% عادي جدا هتشوف راس مالك بقي كام بعد خسارة اول صفقة
وتحسب 4% عليه وتدخل صفقتك التانية عادي جدا لان في حالة مكسبك للصفقة التانية
انت هتعوض طبعا خسارة الاولي وعليها 8% ربح
لكن هنا بقي مينفعش الصفقة اللي بعدها نجازف بالارباح والسبب بسيط انت المسابقة مكونة من صفقتين لازم تكسب الاولي والتانية وده شرط اساسي يجب الالتزام بيه انما لو دخلت التالتة بالارباح وخسرتها هتلاحظ انك فيه خسارة 4% موجودة في حسابك
انما هدف المسابقة دي انك تطلع بعد كل مسابقة بمكسب او تعادل وترجع تبدا من جديد

3/ كنت في الاول انا قلت لاستاذ محمد صلاح رايي في موضوع تدبيل الحساب وهو التدبيل ب 3 صفقات وكتبت كده في موضوعه وهنا في موضوعي
لكن انا بحاول دايما اقلل عدد الصفقات عشان تقدر تبدا بعدها من جديد مع السوق
ويكون في رصيد ارباح متراكم ولسبب تاني وان النفسية هتبقي افضل لما
تدخل صفقة بارباحك مرة واحدة فقط وباقي صفقاتك بنسبة 4 %
غير لما تعمل العملية دي كذا مرة تبقي ما صدقت كسب الصفقة التانية ويكون لسه قدامك مشوار طوييييل بدخول صفقات بالارباح انما انت هنا مجرد ما كسبت مرة المسابقة بقي معاك مكسب نص حسابك بحاله ونفسيتك تبقي افضل في الصفقات التالية

4/ الطريقة دي مش بس سريعة ومربحة
لا دنتا لو نسبة صفقاتك الربحانة 20% يعني صفقتين مكسب(ورا بعض )
و 8 خسارة اللي هو انت اكيد شغال غلط او عشوائي

هتطلع كسبان برضه 8 صفقات خسروا 32%
وصفقتين بس كسبوا 48%
المحصلة مكسب 16%

علي عكس الحالة العادية حتي لو انت ملتزم برضه بهدف تلت اضعاف زي ما بنقول وكسبت 2 من 10 برضه
هتطلع خسران مع ان نفس نسبة الهدف للستوب ونفس عدد الصفقات الربحانة (خسارة 8 صفقات 32% ومكسب صفقتين 24%)
المحصلة خسارة 8%
لكن مجازفتك مرة واحدة بربح الصفقة الاولي فرق كتيييييييييير




اسف جدا للاطالة ولكن بحب كل ما اوصل لحاجة اشاركم معايا فيها
بالتوفيق للجميع
وبالنسبة لصفقاتنا المفتوحة معانا صفقة واحدة بس وهي اليورو ين
كانت ستوب 80 نقطة
وهدف 240 نقطة
وفاضل علي الهدف حوالي 40 نقطة والستوب عاملينه علي الدخول
الفكرة طبعا مش بعدد الصفقات ولكن حين توفر شروطها واحتمال الاسبوع ده يكون في
فرص كسر ترندات صاعدة علي الباوندات وهتكون بيع مع الاتجاه العام علي الشهري والاسبوعي ولما نقرب علي كسرها
هنحللها هنا باذن الله زي قبل كده من اول الفريم الشهري زي ما عملنا
في اليورو ين
بالتوفيق للجميع

[hassan5041]

موفق ياغالي في الورشه ومزيد من الأرباح بإذن الله

[كيمو.فوركس]

موفق ياغالي في الورشه ومزيد من الأرباح بإذن الله

شكرا جزيلا لحضرتك
وربنا يوفقنا جميعا ان شاء الله

[vron2005]

يعطيك العافية اخي

دائما طبعا افضل الطرق هي الربح بنسبة 1/2 او اكثر

واذا توفرت هذه الطريقة بنسبة نجاح معقوله

فبالتاكيد راح تكون دائما ربحان وبعيدا عن الخساره والمارجن

واصل اخي فانا وغيري متابعين معك