██▓▒░░ ناوى اخسر فلوسى الاسبوع دا مين موافقنى فى الرآي ██▓▒░░

[ayman_tamim]

السلام عليكم ورحمه الله و بركاته

طبعا اسم الموضوع غريب و يتعارض تماما مع ادارة راس المال.

الحقيقة الى بياخد صفقة على الباوند وقف الخسارة المتعارف علية 35 نقطة لو اكتر من كدة يبقى انت واخد صفقة خطء جدا و عكس اتجاة العملة .

طيب اى صفقة للباوند بتفتح فى الاف اكس سى ام ب -5 نقط

طيب انا قعدت احسبها بالورقة و القلم

حسابى فية 340$

لو اخدت صفقة عادية 10ك و وقف الخسارة 35 نقطة عند دعم او مقاومة قوية

يا اما بكسب ما شاء الله لى او اخسر 35 بس الى انا حاتطها فى وقف الخسارة

طيب فكرة فكرة جنونية انا الرافعة عندى 1 الى 200

يعنى كل 50$ اقدر افتح بيهم صفقة

يعنى ال 340$ يعملوا 60ك +40 نقطة قابلة للخسارة

اذا ال 40 نقطة قريبة جدا من ال 35 فلا فرق بينهم

وقررت المخاطرة يا اما مكسب كبير جدا او خسارة متعارف عليها.

قررت ادخل فى خبرى الفائدة و التوظيف الخاص بالدولار هذا الاسبوع

يوجد 3 سيناريوهات للاحداث

اولا ان اخسر 42 نقطة فقط ساعة الخبر مع دخولى وسط موجة الاندفاع 6*7=42
ثانيا ان اكسب ما شاء الله لى ان يكون بعد وضع ترنلج ستوب 10 نقط فيكون اقل مكسب 30 لوالاتجاة عكس
ثالثا ان لا تقوم اصلا الصفقة بالتفعيل لارتفاع كبير فى فرق السبريد فلا تفتح او تفتح و تغلق بخسارة

فمن معى فى هذا الرءى؟ وقف خسارة طبيعة احولة اى (مكسب كبير او خسارة قليلة)

ام اكتفى بالصفقات اليومية فى حالة هدوء السوق؟

[Lion]

يعنى ال 340$ يعملوا 60ك +40 نقطة قابلة للخسارة

اذا ال 40 نقطة قريبة جدا من ال 35 فلا فرق بينهم

وعليكم السلام اولا
ال340 نعم تفتح 6 عقود 10k ولكن حينها كل نقطة ستساوي 6$ !
اذا ال40 المتبقية تكفي اقل من 7 نقاط (6*7=42)
ولاتنسى عند فتح الصفقة عليك 5- نقاط سبريد !
اذا المتبقى قبل المارجن كول هو 2 نقطتين فقط باحسن الأحوال !!
نصيحتي ابتعد عن الاخبار فهي لعبة الكبار (لعبة قذرة!!) ..
تحياتي .....

[ayman_tamim]

وعليكم السلام اولا
ال340 نعم تفتح 6 عقود 10k ولكن حينها كل نقطة ستساوي 6$ !
اذا ال40 المتبقية تكفي اقل من 7 نقاط (6*7=42)
ولاتنسى عند فتح الصفقة عليك 5- نقاط سبريد !
اذا المتبقى قبل المارجن كول هو 2 نقطتين فقط باحسن الأحوال !!
نصيحتي ابتعد عن الاخبار فهي لعبة الكبار (لعبة قذرة!!) ..
تحياتي .....

دا صح و انا بتكلم على عملية خطف صفقة وقتها جزء من الثانية بمعنى يا تفتح صح و تجرى فى مجرى النهر مع اتجاة التدفق و التريلنج ستوب يقوم بوضع اول مكسب اتوماتيكيا.

او كما قلت تغلق مع اول تحرك

و لكنى احببت ان اسئلك كم وقف الخسارة الطبيعى فى صفقات الباوند؟

[FX5]

...
طيب فكرة فكرة جنونية انا الرافعة عندى 1 الى 200

يعنى كل 50$ اقدر افتح بيهم صفقة

يعنى ال 340$ يعملوا 60ك +40 نقطة قابلة للخسارة
...

أخي أيمن حساباتك غير دقيقة...

أنت تنوي فتح ست عقود صغيرة برافعة 1:200، معنى هذا أنه سوف يتم حجز 50 دولار لكل عقد كمارجن.

إذا 6 * 50 = 300 دولار

وبعد ذلك سوف يتم خصم السبريد من المارجن الحر المتبقي وهو 40 دولار، فإذا كان السبريد 5 نقاط على هذا الزوج كما هي الحال في شركة FXCM:

5 * 6 = 30 دولار

فلا يبقي من المارجن الحر سوى 20 دولار، لكي نحسب عدد النقاط التي يستطيع هذا المارجن أن يتحملها يجب قسمتها على عدد العقود:

20 / 6 = 3 نقاط

أي أنه بعد الإقدام على هذه العملية الانتحارية، إذا تراجع السعر 3 نقاط فقط سوف تحصل على مارجن كول، ويتم إغلاق جميع العقود.

أهم عنصر للنجاح في هذه التجارة هو الالتزام التام بقواعد إدارة رأس المال.

تمنياتي لك بالتوفيق..

[Tarek egy fx]

ناوى اخسر فلوسى الاسبوع دا مين موافقنى

انا رايى تدهوملى وتعتبر نفسك خسرتهم

وانا برضه اولى من شركة الوساطة

ياريت تدخل الاختيار ده فى الاستفتاء ويبقى شكرا ليك اوى
.................................................. ...........................

اوصيك بادارة راس المال والبعد عن الفهلوة
والله اعلم لكن الفهلوية نجاحتهم مؤقتة
ونحن نبحث عن الاستمرارية

ياريت تحول حسابك ميكرو النقطة ب 10 سنت علشان تقدر تدخل ب 5% من حسابك وكمان توزعهم بين الصفقات

الاكثر قدرة على الاستمرارية هو الاكثر ربحا باذن الله
الموضوع مش موضوع صفقة
.................................................. .......................

لو فى حد يحب يدخل فى العرض اللى مقدمه لاخونا ايمن اهلا بيه
واللى يفوته العرض هو اللى كسبان

تحياتى

[ayman_tamim]

لو فى حد يحب يدخل فى العرض اللى مقدمه لاخونا ايمن اهلا بيه
واللى يفوته العرض هو اللى كسبان

تحياتى

هاهاها

اخى طارق

الموضوع ان مفيش مضارب فى البورصة صفقاته 100%

لازم يكون هناك بعض الصفقات الخاسرة و البعض بمكسب لكن يجب ان تكون المحصلة العامة مكسب

وجدت ان اى صفقة للباوند يجب ان يكون وقف الخسارة لا يقل عن 30 نقطة للاطمئنان التام فى حالات التصحيح اما فى حالة صفقة خاطئة فال 30 نقطة طارت خلاص


المهم نحسب تانى بجميع الحسابات الممكنه سواء للمكسب او للخسارة

التوقيت :السوق الامريكى
الخبر: قوى جدا و غاية فى الخطورة و يجعل السوق متحرك لفترة قبلة و بعدة

340$ راس المال تتحمل 6 عقود و يتبقى 40$ منها 30$ محجوزة اساسة فرق سبريد

يتبقى 10$ اى نقطتين خسارة بعد فرق السريد =12$

اذا

عند فتح صفقة لحظة الفتح الخسارة المبدئية 30$ ولا زالت الصفقة مفتوحة

السيناريو الاول

تحرك الدولار عكس الصفقة نقطة (-1) المحصلة خسارة 36$ لكن لازالت الصفقة مفتوحة
تحرك الدولار عكس الصفقة نقطة (-2) المحصلة خسارة 42$ و تغلق الصفقة تماما

السيناريو الثانى يحدث بعد السيناريو الاول

تحرك الدولار مع اتجاة الصفقة نقطة (1) المحصلة خسارة 24$ لازالت الصفقة مفتوحة
تحرك الدولار مع اتجاة الصفقة نقطتين (2) المحصلة خسارة 18$ لازالت الصفقة مفتوحة
تحرك الدولار مع اتجاة الصفقة 3نقط (3) المحصلة خسارة 12$ لازالت الصفقة مفتوحة
تحرك الدولار مع اتجاة الصفقة 4نقط (4) المحصلة خسارة 6$ لازالت الصفقة مفتوحة
تحرك الدولار مع اتجاة الصفقة 5نقط (5) المحصلة 0$ لازالت الصفقة مفتوحة
تحرك الدولار مع اتجاة الصفقة 6نقط (6) المحصلة مكسب 6$ لازالت الصفقة مفتوحة
تحرك الدولار مع اتجاة الصفقة 7نقط (7) المحصلة مكسب 12$ لازالت الصفقة مفتوحة
تحرك الدولار مع اتجاة الصفقة 8نقط (8) المحصلة مكسب 18$ لازالت الصفقة مفتوحة
تحرك الدولار مع اتجاة الصفقة 9نقط (9) المحصلة مكسب 24$ لازالت الصفقة مفتوحة
تحرك الدولار مع اتجاة الصفقة 10نقط (10) المحصلة مكسب 30$ تم تحريك وقف الخسارة هنا

السيناريو الثالث يحدث بعد السيناريو الثانى

اصبح وقف الخسارة هوة نقطة المكسب اذا فى حالة تحرك الصفقة فى الاتجاة المطلوب يكون مكسب

فى حالة تحرك الصفقة نقطة واحدة بعد ذالك تغلق الصفقة بمكسب 5 نقط من الترلنج ستوب

[وليد الامور]

والله يا صاحبى اللى انت بتتكلم فية دة كل المبتدأين فكروا فية المخاطرة هى الطريق السريييييع للثرة
و يفوز باللذة كل مغامر و الكلام اياة دة بس انصحك نصيحة اخوية جدا حافظ على المبلغ اللى معاك و توكل على الله و امشى على قدك و ربنا هيعوضك خير عشان انت شكلك خسران خسارة كبير و دى توابع الخسارة صح و لا لاء تمنياتى بالمكسب الدائم لك و لجميع الاخوة

[s+s]

حاول تكسب نقط بسيطه كل يوم احسن من الهجمه الانتحاريه دى و تضيع الى اتبقى من فلوسك

[حسن السيد]

لاأوافقك اخى الكريم
أنصحك بالعمل بطريقه عاديه كأنك أول مره تعمل على الحساب ..,وفق معايير ادارة المخاطر
والاعتماد فى دخولك على المستويات القويه جدا وبدايات الترند
والله يعوضك خير ان شاء الله
Be an active looser as well as an active winner ..........
بالتوفيق يارب
مودتى

[haithamgolden]

السلام عليكم ورحمة الله وبركاته
ملاحظات هامة جدا جدا جدا
بعد خبرة طويلة فى الموضوع دة (تصفير 3 حسابات )احب اوضح لك حجات غايبة عنك تماما
اولا :فى مثل هذا النوع من الاخبار من الممكن ان يتفعل الاوردر بعد (30-50)نقطة من النقطة المحددة من قبلك
ثانيا :لايتفعل الوقف قبل (30-50)نقطة اخرى
ثالثا :لا تتعشم فى ان المارجن كول سوف يغلق الحساب (كان زمان ممكن)لكن حاليا يتركون الخسارة تدخل على المارجن كول حتى يصبح الحساب بالسالب
رابعا :ممكن تبقى ضربة حظ لو مشى السعر فى اتجاه واحد وهتكون النتايج هايلة لكن لو تم تفعيل الاوردر وعكس السوق هتكون النتايج مؤلمة
خامسا: خصوصا اخبار الدولار والفايدة بالتحديد دايما بتكون خاينة
سادسا :كل هذا الكلام عن خبرة وتجربة شخصية على حسابات حقيقية (بعيدا عن الديمو)
ملحوظة اخرى اصعب ما يمكن ان تغلق صفقة اثناء وقت الاخبار (هذا ان فكرت ان تغلقها يدويا)
لذلك وجب على التنبيه حرصا على كل من يفكر فى هذا الموضوع

[ayman_tamim]

والله يا صاحبى اللى انت بتتكلم فية دة كل المبتدأين فكروا فية المخاطرة هى الطريق السريييييع للثرة
و يفوز باللذة كل مغامر و الكلام اياة دة بس انصحك نصيحة اخوية جدا حافظ على المبلغ اللى معاك و توكل على الله و امشى على قدك و ربنا هيعوضك خير عشان انت شكلك خسران خسارة كبير و دى توابع الخسارة صح و لا لاء تمنياتى بالمكسب الدائم لك و لجميع الاخوة

اخى وليد
نعم هذا الموضوع وضعته لمناقشة ادارة راس المال
و الحقيقة انى بعمل صفقات رائة على الدمو (الدموووووووووو)

و فعلا لية استراتيجية خاصة بى و تعطى نتائج طيبة

لكن فكرت ان فى بعض الاحيان يكون لديك خطة اما النجاح او الفشل

و تحسب لها من كل جهة ما اقصى فشل قد يصيبك و ما اكبر تجاح قد تحققة

هنا وجدت نسبة الفشل هية نفس القيمة التى تضعها ستوب لاى صفقة
و نسبة النجاح تقارن بنسب الخسارة بمقدار 3 الى 4 و هية نسبة جميلة جدا فى هذا السوق

[وليد الامور]

فى جميع الاحوال انت ادرى الناس بمصلحتك وفقك الله فى اى خطوة تخطوها و لك منى و من الجميع الدعاء

[ayman_tamim]

السلام عليكم ورحمة الله وبركاته

ملاحظات هامة جدا جدا جدا
بعد خبرة طويلة فى الموضوع دة (تصفير 3 حسابات )احب اوضح لك حجات غايبة عنك تماما
اولا :فى مثل هذا النوع من الاخبار من الممكن ان يتفعل الاوردر بعد (30-50)نقطة من النقطة المحددة من قبلك
ثانيا :لايتفعل الوقف قبل (30-50)نقطة اخرى
ثالثا :لا تتعشم فى ان المارجن كول سوف يغلق الحساب (كان زمان ممكن)لكن حاليا يتركون الخسارة تدخل على المارجن كول حتى يصبح الحساب بالسالب
رابعا :ممكن تبقى ضربة حظ لو مشى السعر فى اتجاه واحد وهتكون النتايج هايلة لكن لو تم تفعيل الاوردر وعكس السوق هتكون النتايج مؤلمة
خامسا: خصوصا اخبار الدولار والفايدة بالتحديد دايما بتكون خاينة
سادسا :كل هذا الكلام عن خبرة وتجربة شخصية على حسابات حقيقية (بعيدا عن الديمو)
ملحوظة اخرى اصعب ما يمكن ان تغلق صفقة اثناء وقت الاخبار (هذا ان فكرت ان تغلقها يدويا)
لذلك وجب على التنبيه حرصا على كل من يفكر فى هذا الموضوع

تحية طيبة الى الاخ هيثم

فعلا فى موضوعك العديد من النقط

على فكرة انا بقالى فى السوق سنه كاملة عملت فيهاا فوق ال 100 صفقة و جربت فيها موضوع الاخبار

نعم يحدث الكثير فى ساعة الاخبار ولا تدرى ماذا سيحدث لكنى جربتها قبل ذالك

كتبت انه لو قدرت اغلق الصفقة و من شرحى قلت اننى سوف اتركلها اتوماتك يعنى الترلنج ستوب يقف عند اول مكسب بهذا احتفظ بمكسبى غير كدة انتهت الصفقة

لكن لم اتكلم ابدا عن تصفير الحساب لان هذا فقط يحدث فى الجاب الفجوات السعرية و انا تكلمت فى الدخول مع الموجة و ليس فتح صفقة قبل التحرك

نعم هناك خطورة كبيرة لكن محسوبة

اتمنى للجميع التوفيق

[ayman_tamim]

فى جميع الاحوال انت ادرى الناس بمصلحتك وفقك الله فى اى خطوة تخطوها و لك منى و من الجميع الدعاء

جزالك الله خيرا كثيرا

[ayman_tamim]

حاول تكسب نقط بسيطه كل يوم احسن من الهجمه الانتحاريه دى و تضيع الى اتبقى من فلوسك

شكلك يا اخ شغال دمو لحد دلوقتى