السلام عليكم ورحمة الله وبركاته
أخوتي الكرام أرحب بكم
حبيت أوضح نقطة من وجهة نظري المتواضعة
رأيت الكثير من الناس تحذر من الفوركس وتنصح المبتدئين أمثالي بالابتعاد عن هذا المجال وتنهال التحذيرات كأن الواحد هيدخل النار والمشكلة الأكبر لقيت بعض الناس بتستجيب لهذه التحذيرات وتبتعد عن المجال لمجرد الكلام اللي بتسمعه ( ومش معنى كلامي إن الفوركس جنة ) ولكن أخوتي المبتدئين وذوي الخبرة هوضح وجهة نظري في الفوركس :
1- الفوركس زيه زي أي تجارة
فمثلا لو واحد معاه ( 20 ألف جنيه يعني حوالي 1000 دولار ) وحابب يفتح مشروع تجاري ( هنقول مشروع فول وطعمية ) فيبدأ المجازفة ويفتح المشروع وممكن يكسب وممكن يخسر فلو خسر مينفعش يطلع يقول كل محلات الفول والطعمية بتخسر وهكذا لو مشروع ملابس فلو خسر يقول كل المشاريع فاشلة
أحبتي الكرام في ناس مبتنفعش في المشاريع التجارية ( بالبلدي معندهاش المجازفة وتقبل الهزيمة وتكرار المحاولة )
وعشان كده أي واحد عاوز ينجح في الفوركس لازم :
1- يتجار بمال مش عاوزه ( فائض عن حاجته )
2- يتوقع ضياعه ( يعني نتاجر ب 10000 جنيه ( حوالي 500 $ ) واعتبرهم روحت بيهم مصيف ( المهم مال متزعلش عليه من الأخر أنساهم ) عشان تريح نفسيتك أثناء المتاجرة
مش تتاجر بمبلغ سلف أو محتاجه وتقولي تجارة ( ده تهور )
3- تتعلم وتسأل وتتقن طريقة متاجرتك
4- تعمل هدف ليك ( يعني أنت داخل الفوركس ليه )
في ناس بتبقي عاوزه ربح شهري ( كأنه وظيفة وناس عاوزه أضعاف رأس المال ) بس أنا بقول :
" ادخل الفوركس هدفك الأول ضعفين رأس مالك يعني لو داخل ب 500$ هدفك الأول تكسب 1000 $ فتسحب الألف دولار يعني ( رأس مالك والربح منه )
الهدف التاني تسيب ال 500$ تكبر رصيدك لتكوين مبلغ محترم تأمن بيهم مستقبلك
( وكله في الأخر رزق بس أنت اسع وتوكل على الله )
وفي النهاية دي وجهة نظري المتواضعة أكيد هناك من يتفق معي وهناك من لا يتفق في النهاية كل إنسان ربنا كتبله رزقه في مجال معين )
أخيرًا وليس بأخر أسأل نفسك 5 أسئلة : في أي مجال أو مشروع عاوز تعمله :
1- أنا هغامر بكام في مجال ده ؟
2- أيه اللي هيحصل لو خسرت المبلغ كله ؟
3- أيه اللي هيحصل لو كسبت في المجال ده ؟
4- أيه اللي أعمله عشان أبدأ في المجال ده ؟
5- ايه الأهداف المالية اللي هحطها بداية من الدخول في المجال للوصول إلى قمته ؟
وأسف على الإطالة
مع تمنياتي بالتوفيق للجميع والمزيد من الأرباح والمكاسب