عن اليوت و موجاته

[faissal]

الموجة المتعرجة المنفردة ZZ

النوع: تصحيحية
التركيب الداخلى :5 و 3 و 5
القناه : متوازية

ملاحظات : شائعة الحدوث

طب ايه رايك مثال حي

هل هو صح كده

يا ليت التصحيح اخي احمد

[ahmed hanafy]

طب ايه رايك مثال حي

هل هو صح كده

يا ليت التصحيح اخي احمد

يا عم فيصل احنا مش عايزين تحليل يدوى
هيبقى صعب قوى على الناس و احنا مش قدك
احنا اتفقنا كلنا نستخدم التحليل الألى اتفضل الرابط

https://forum.arabictrader.com/t25714.html

[faissal]

ماشي ياحج احمد

ماشي يا عسل

[ahmed hanafy]

ماشي ياحج احمد

ماشي يا عسل

ربنا يخليك و يبارك فيك

[ahmed hanafy]

اخوانى الاعزاء
انا عارف انى صدعتكم بالموضوع ده ( رجيتكم - دوشتكم)
بس خلاص هانت
اخر شئ فى هذا الموضوع
اقولكم ايه هو ؟





















لا مش قايل !!!!
انتظرونا

[ahmed hanafy]

الاخوة الكرام
اخر ما عندنا فى هذا الجزء النظرى
و بعدها على ورشه العمل جرى
اخر ما عندنا
قواعد و قوانين الموجات

[ahmed hanafy]

قواعد و قوانين الموجات

أولا : الامتداد
و هو لا يحدث الا فى الموجة الحافزة فى احد موجتها الفرعية الدافعة يعنى 1 أو 3 أو 5
و لا يحدث الا فى واحدة
و يستلزم ان تكون الاخرتان متساويتا فى الطول

بس خلاص

[ahmed hanafy]

يا سلام انت مش قلت ان "كلامك بلدى لكن غالى و له ثمرة"
طيب فين الثمرة دى

طيب احنا مش قلنا ان الحافزة بتتكون من 5 موجات 2 فى عكس اتجاهها و 3 فى اتجاهها اللى هما 1 و 3 و 5 هو الامتداد بيحدث فى واحد - وواحدة فقط - من التلاتة دول .
يعنى اذا حدث فى الموجة 3 يبقى 1 و 5 متساويتان فى الطول
وهكذا
طيب شكله ايه الامتداد بتاعك ده؟؟؟؟؟؟؟
يعنى افرض انه حدث فى الموجة التالتة هتبقى التالتة من جواها منقسمة الى 5 موجات اصغر نقوم نقول ان ده امتداد فى التالتة
انظر الرسم

[ahmed hanafy]

مخمخ فى كلامى و تأمل معناه

الخلاصة
ظاهرة الامتداد تحدث فى الموجه الحافزة لكن بشروط
1- تحدث مرة واحدة فقط
2- اذا حدثت فى الخامسة تدل على قوة الترند
3- اذا لم يحدث امتداد فى الاولى و الثالثة (كانا متساويتان فى الطول) فاحتمال قوى ان يحدث فى الخامسة
4- هناك نوع من الامتداد يكون غير محدد يسمى الموجه التساعية
انظر الصورة
5- هناك ظاهرة وهي ظاهرة الإمتداد داخل الإمتداد .!!
انظر الصورة الثانية

[ahmed hanafy]

عفوا
الصورة الثانية

[ahmed hanafy]

قواعد و قوانين الموجات

ثانيا : الانقطاع
نحن نعلم ان الموجة الخامسة يجب ان تتجاوز نهاية الموجة الثالثة
مش كدة ولا ايه ؟؟؟
فى بعض الاحيان لا تستطيع التجاوز
قوم ايه بقى
قوم نسميها موجه خامسة منقطعة
و هى تكون دلالة على ضعف الترند
انظر الصورة

[ahmed hanafy]

قواعد و قوانين الموجات

ثالثا: التبادل

مش احنا قلنا ان الموجه الحافزة بتبقى مكونه من 5 موجات ادق .
ايوة
طيب مش قلنا 3 منهم فى اتجاه الترند و هم 1 و 3 و 5
و بيحدث فيهم ظاهرة الامتداد
و يحدث فى الخامسة ظاهرة الانقطاع
اللهم طولك يا روح .... ايوة
طيب و قلنا ان فى اتنين تصحيحيتين هما 2 و 4
ايوة
طيب مش احنا عرفنا ان الموجات التصحيحية لها 8 نماذج مختلفة
ايوة
طيب فى واحد لاحظ ان الموجتين التصحيحيتن 2 و 4
لا يمكن ان يكونا من نفس النموذج
و احنا مالنا
لا مالنا ازاى ده كلام واعر قوى يا بوى
طيب خلص


يعنى فى الموجه الحافزة الواحدة
اذا كانت الموجه 2 من النوع المتعرج مثلا
لا يمكن للموجة 4 ان تكون متعرجه ابدا
يعنى الموجة 4 هتكون اى شئ غير موجه متعرجة
و يسمى هذا ظاهرة التبادل

[عبد الرؤوف]

استاذ أحمد ، الله يعطيك ألف عافية ، كما قلت سابقاً بأني أجمع كتاب لهذا الشرح المستفيض للموضوع الرائع .
فأرجو من حضرتك بمجرد الانتهاء النهائي لشرح هذا الموضوع أن تذكر ذلك حتى أضع الملف الكامل لكافة الشروحات في نهاية الموضوع للاستفادة الكاملة دون بحث ودون انترنت .
بالتوفيق

[ahmed hanafy]

و انتظروناااااااااااااااااااااااااااا
محدش يحدف طوب
انا بقول اهه
محدش يحدف آآآآآآآآآآآآآآآآآآآآآآآآآآآآآآآآآآآآآآآآآآآآآآآآآآ آآى

[ahmed hanafy]

استاذ أحمد ، الله يعطيك ألف عافية ، كما قلت سابقاً بأني أجمع كتاب لهذا الشرح المستفيض للموضوع الرائع .
فأرجو من حضرتك بمجرد الانتهاء النهائي لشرح هذا الموضوع أن تذكر ذلك حتى أضع الملف الكامل لكافة الشروحات في نهاية الموضوع للاستفادة الكاملة دون بحث ودون انترنت .
بالتوفيق

ربنا يخليك اخويا عبد الرؤوف
ان شاء الله اقول بعد ما ينتهى الشرح