المضاعفات سلاح ذو حدين تجربة قوية للمضاعفات بطريقة مختلفة

[alskndry]

الاخوة والاخوات الاعزاء اعضاء وزوار المتداول العربى الكرام



فى هذا الموضوع سنتحدث عن المضاعفات عيوبها ومميزاتها

والاهم طريقة احد الاشخاص الفائزين بمسابقة احدى الشركات المعروفة

وهو شخص ليس عربى ولكن بعد حديث طويل معاه ذكر لى طريقته وطبعا ليس ببلاش

ولكن كان عندى فضول ازاى الناس دى بتقدر تفوز فى مثل هذه المسابقات

لانى عمرى ما فزت فى مسابقة وبمعرفش اتعامل معاها لانها تحتاج الى مغامرة ولوت كبير

وصراحة لا اعرف اتعامل بمثل هذا المنطق المهم اتضح لى انه

بصراحة انسان عبقرى بعدها عرفت قد ايه احنا لا نفكر الا تحت ارجلنا كما يقولون

وعلى فكرة مهم جدا مهما وصلت من خبرة او حتى عندك طريقة رابحة

انك تتكلم مع اشخاص اخرين لهم خبرة صدقونى ستستفيدون الكثير والله العظيم

المهم عندما ذكر لى انه كان يستخدم المضاعفات لم اصدقه وقلت هو بيضحك على

ولكن عندما ذكر لى الطريقة وبدا بشرحها بصراحة استمتعت بشرحها وبطريقة تفكيره

وكيفية التعامل مع العقود المفتوحة وادارته لراس المال وكيفية استخدام التعزيز

والاهم من ده كله هو نقطة البداية ( ودى ياجماعة لب الموضوع كله )

المهم ان شاء الله سنتوكل على الله

ونفتح موضوع يتم ذكر فيه الفرص والمضاعفات ونطبق عملى للطريقة

وهيتم شرح طريقة المضاعفات والتعزيز

ولكن سنؤجل نقطة الدخول دلوقتى استسمحونى عذرا

ولكن هيتم ذكرها ان شاء الله

نتابع معا باذن الله

[alskndry]

قبل الخوض فى الطريقة وشرحها وهى تقريبا طريقة رقمية بحتة

المهم ليه معظمنا فشل فى المضاعفات ؟

لانا للاسف لم نراعى ادارة راس المال جيدا

ثانيا نقطة الدخول الاولى او بداية المضاعفات خطأ

ثالثا امتى ابدأ اعمل مضاعفات يعنى متى نضع الصفقة الثانية

دى اهم العيوب اللى خلت المضاعفات فشلت معانا

ولكن هذا الرجل صراحة استطاع التغلب على كل ذلك وقدر يحقق ربح كبير فى وقت قصير

وتقريبا بيعمل على اكثر من زوج بس بيقسم العمل كل زوج لوحده وهنشرحها ان شاء الله

لانى الحمد الله درست الطريقة جيدا جدا ولو تلاحظوا الايام الماضية مشاركاتى كانت قليلة

لانى تقريبا كنت معتكف على هذه الطريقة

[mahmoud0711]

كما هو معتاد موضوع مميز و حتى لو كان من المواضيع التى تم عرضها مرار و تكرارا و لكن

دائما ما نجد اضافة جديدة فى مواضيعك

نعم يا غالى المضاعفات من الطرق الهامة جداا و لكن الأهم و هو طريقة استخدامها و طريقة ادارة الصفقة

و لكنها تحتاج الى حساب بمبلغ معقول ليكون لك القدرة على ادارة الحساب دون ضغط عصبى كبير

البداية الجيدة فى بداية الصفقة تأتى بنتائج جيدة سريعا

الخبرة فى التعامل مع متغيرات السوق مطلوبة لنجاح تلك الطريقة

متابع معك بأمر الله و فى انتظار ما هو جديد و أن شاء الله يكون موضوع مفيد للجميع

دعواتى لك بالتوفيق

[alskndry]

نبدأ الشرح بس نركز شوية فى النقطة دى

اولا نقطة الدخول الاولى قلنا هنأجلها شوية

فان شاء الله هيتم ذكر الزوج ونقطة الدخول الاولى ونبدا من عندها

ثانيا والاهم امتى نعمل مضاعفة لو السعر عكس علينا وبمقدار قد ايه

لان للاسف سبب فشلنا فى المضاعفات هو اننا بنعمل مضاعفات من مناطق ليست صحيحة

ويكون السعر لسه مكمل فى طريقه

طيب امتى نعمل مضاعفة ثانية ؟

نركز فى الحتة اللى جاية لانها اهم نقطة فى الطريقة كلها

لما ندخل بيع مثلا على اليورو دولار من السعر 1.1710

زى الصفقة اللى دخلتها من شوية هنا

https://forum.arabictrader.com/showt...18#post3199118

والحمد الله هى حققت الهدفين 30 نقطة بس دى سكالبنج

نفس النقطة دخلت منها على طريقة المضاعفات ولكن السعر لم يعكس علينا للاسف

ايوة فعلا للاسف لانه لو عكس كان الربح هيكون اكبر باذن الله

المهم لو السعر هبط وحقق الهدف تمام مفيش مشكلة بس ليها طريقة التعزيز

وهنتكلم عنها فى وقتها ان شاء الله

طيب فرضا السعر عكس علينا من 1.1710 هنعمل مضاعفات ازاى

هل بعد 20 او 50 او حتى 100 نقطة كالطرق العادية


لا لا لا لا لا لااااااااااااااااااااااااااااااااااااا

طيب ازاى ؟

نركز شوية فى الحتة دى

هننتظر صعود السعر وابتعاده عن النقطة بتاعتنا على الاقل 20 الى 30 نقطة اقل حاجة

وبعدها نبدا ننتظر ان السعر يكون قمة ويهبط من هذه القمة 30 نقطة بالضبط ونعمل حساب السبريد

هو ده السر فى هذه الطريقة الخطيرة والمربحة جدا

طبعا لسه هناك اساسيات كتيرة هيتم ذكرها فى الطريقة

[alskndry]

كما هو معتاد موضوع مميز و حتى لو كان من المواضيع التى تم عرضها مرار و تكرارا و لكن

دائما ما نجد اضافة جديدة فى مواضيعك

نعم يا غالى المضاعفات من الطرق الهامة جداا و لكن الأهم و هو طريقة استخدامها و طريقة ادارة الصفقة

و لكنها تحتاج الى حساب بمبلغ معقول ليكون لك القدرة على ادارة الحساب دون ضغط عصبى كبير

البداية الجيدة فى بداية الصفقة تأتى بنتائج جيدة سريعا

الخبرة فى التعامل مع متغيرات السوق مطلوبة لنجاح تلك الطريقة

متابع معك بأمر الله و فى انتظار ما هو جديد و أن شاء الله يكون موضوع مفيد للجميع

دعواتى لك بالتوفيق

حبيبى استاذ محمود ياغالى دايما بتشرفنى وتنورنى بوجودك ومشاركاتك ياغالى

فعلا المضاعفات من الطرق الخطيرة جدا واللى لو التاجر اتقنها هتحقق ربح كبير جدا

واشخاص كثير يستخدموها ويربحوا بها بس بطرقهم الخاصة

وهذه الطريقة والله مدفوعة وليس مجانية وتم شراؤها وبمبلغ كبير مع انى ضد ذلك

بس ما دفعنى الى ذلك هوالفضول الى معرفة كيف يربحون هؤلاء الاشخاص فى مثل هذه المسابقات

وبصراحة وجدت انها تستاهل بعد دراستها وبقوة لانك من زوج واحد هتحقق كل اللى انت عايزه وهتستفيد

من حركة الزوج سواء صعود او هبوط بوالعكس هنتمنى السعر يعكس علينا


ان شاء الله الموضوع هيكون مفيد جدا وفى اشياء جديدة ان شاء الله

تحياتى ياغالى وجمعة مباركة

[الزيرو]

تسجيل متابعة يا أستاذ

[alskndry]

تسجيل متابعة يا أستاذ

مرحبا باخى وصديقى الحبيب دايما تنورنا وبتشرفنا بوجودك ياغالى

جمعة مباركة اخى الحبيب عليك وعلى جميع افراد الاسرة ان شاء الله

[ابوإياد]

مميز دائما يا استاذ محمد
بالتوفيق ان شاء الله

[alskndry]

مثال بسيط وشرح بسيط للطريقة الرقمية للمضاعفة الثانية

ده مثال عملى



نقطة الدخول الاولى كانت 1.1610

السعر عكس علينا نتظر صعود السعر حوالى 30 نقطة ونبدأ ننتظر تكون قمة وهبوط السعر منها

30 نقطة + الاسبريد

الافضل عشان نبقى عاملين حسابنا نخليها 35 نقطة

نشوف ايه اللى حصل بعد ان كون السعر قكة جديدة عند النقطة 1.1732

هبط السعر منها 35 نقطة دخلنا بيع عند 1.1696

شايفين ايه اللى حصل هبوط حوالى اكثر من 80 نقطة

تخيل بقا لو دخلنا الاولى ب 1 لوت والثانية ب 2 لوت

كنا هنخرج بربح 2 دولار فى 80 نقطة يعنى 160 دولار والاولى نقطة الدخول

شايفين الربح قد ايه

بس الاهم طبعا الدخول حسب راس المال وهنشرح النقطة دى ونضع لها مونى منجمنت

قوية باذن الله

[alskndry]

مميز دائما يا استاذ محمد
بالتوفيق ان شاء الله

حبيبى يابوحميد منور ياغالى واحشنى والله

على فكرة يابوحميد هذه الطريقة قوية جدا وربحها حلو بدون تعب ووجع دماغ

ان شاء الله تكون مناسبة ومفيدة

[alskndry]

فرصة اخرى كانت قريبة على نفس الزوج اليور دولار

كانت من حوالى 3 ايام يوم 11/ 9



نقطة الدخول الاولى بيع كانت عند النقطة 1.1580

السعر عكس علينا انتظرنا تكون قمة وهبوط السعر منها 35 نقطة

وبالفعل هبط السعر ووصل لنقطة الدخول الاولى وزيادة

خرجنا بربح 30 نقطو مضربة فى 2 لانه مضاعفة

شايفين اغلب الفرص مضاعفة واحدة وبالكتير اتنين لان النقطة الاولى صحيحة

طبعا فى فرص كتير السعر لا يعكس وبيمش مع الصفقة لا نذكرها لانها خلاص حققت ربح

احنا بنذكر الفرص اللى بتعكس بس

يعنى فرصة النهاردة وكانت لايف من 1.1710 لم تعكس وحقققت لحد دلوقتى 50 نقطة ربح

يعنى لم نستخدم مضاعفات فى تعزيز بس مش دلوقتى

هنذكره فى وقته باذن الله

[Mr.Muhamed]

موضوع جديد ومثمر كعادتك اخي
المضاعفات خطيرجدا ولكن أرباحها خياليه
يكمن السر في الادارة الصارمة لرأس المال تحسباً لتقلبات السوق العاتية
وكما تفضلت بالذكر نقطه الدخول الاولى مفتاح الارباح .
متابع
تقبل ودي وتقديري ,,,

[A.AdelFx]

اخي السكندري
نقطه الدخول الأولي هي منطقه اختراق سابقه وأحتمال كبير ان السعر ينزل يعمل ليها اعاده اختبار في نقطه الدخول الثانيه

[DR.HUSSAM]

يعطيك العافية استاذ .. اشتغلت على الطريقة في بداياتي في الفوركس للأسف ماكنت اتقن التحليل لذلك كان مصيري المرجنة !!

الطريقة ناجحة هذا لو كان التحليل صحيح وحصل الانعكاس يبقى طبيعي .. لكنها تحمل مخاطرة طبعاً
انما لو كان التحليل خطأ يبقى مع كل قمة يبيع او مع كل قاع يشتري .. النهاية تبقى فظيعة !!

[ابوإياد]

حبيبى يابوحميد منور ياغالى واحشنى والله

على فكرة يابوحميد هذه الطريقة قوية جدا وربحها حلو بدون تعب ووجع دماغ

ان شاء الله تكون مناسبة ومفيدة

بصراحة يا استاذ محمد انا سلمت الرخص خلاص
حوالي سنتين ولا انا قادر احدد اشتغل سكالبينج ولا سوينج ولا ثابت علي طريقة
والمحصلة خسائر
والله المستعان