توصية شراء

**alattar** · 06-03-2005, 03:56 AM

اسم السهم mot

نقطة الشراء الأمنه هي 14.20 دولار

الهدف الأول 16 دولار

طبعا راح يكون لنا تحليل اذا قرب من الهدف 16 وراح نشوف المؤشرات ونتنبأ هل راح يكسر 16.20

سبب توصيتي للسهم قناة نزول وتشير الى ان هدف السهم من النزول هو 14 وممكن 13.80 تقريبا

يعني الأرتداد وارد من هذ النقاط طبعا الي راح يشتري راح يشتري على اساس ان الهدف راح يكون خلال شهر
فماراح يهمه نزول عن مشتراته 20 سنت

==================================

لاحظو معاي مؤشر ADX

الخط الأساسي بدا يرتفع الى الأعلى وهذا يعني اذا اصاب هدف 14 راح يكون قريب من 30 او فوقها وهذا يعني قوت ارتداد من عند خط الدعم ماراح تكون هينه راح تكون قويه والله اعلم

=================================
مؤشر CCI
الأن تحت 100 اذا أصاب هدفنا اتصوره راح يكون تحت 200 وهذا يعني ان النزول مبالغ فيه

وهذا هو الشارت السهم

**alattar** · 06-03-2005, 04:14 AM

طبعا راح ايي شخص ويقول يالعطار اذا اصاب هدفك من النزول يعني كسر خط الدعم على الويكلي

كلام جميل كلام معقول مأدرش أأول حق عنا

انزين شنو الدبره شنو الحل ؟؟؟؟؟؟

قناة النزول تشير الى هدف 14 وهذا يعني انكسر خط الدعم الي على الويكلي ومثل ما احنا شايفين على الشارت المرفق كلام يحير العقل ويخلينا نخاف

طبعا اذا كسر خط الدعم الي على الويكلي يعني رجوعه الى 10 دولار !!!!!!!!!!!!!!!!!!!!!!!!!

طبعا هذا الكلام للفائده لي ولكم ان شاء الله يشهد اني قاعد اتمخمخ علشان تعم الفايده وممكن اصيب وممكن يخيب تحليلي بس ان شاء الله هذا التمخمخ وراه خير

طبعا انا عارف اغلبيتكم مضاربين يوميين وتمخمخكم على المؤشرات وماتعيرون اهميه للتحليل الفني ولكن من يدري ممكن شخص يحب يتعلم ويستفيد

طبعا الجواب في الحلقه القادمه

هذا هو شارت الويكلي المحير

**alattar** · 06-03-2005, 04:37 AM

حلقه رقم 2

انا راح اتكلم عن نفسي انا راح اصفي المحفظه يوم الأثنين ونتظر موترولا وراح اشتريه من عند نقطة الأرتداد ممكن تكون 14.20 وممكن تكون 13.80

ولو كنت اقدر انتظر لوووووووونق ماراح ابيعه الى على 22 دولار

في حالة كسر 13.80 تقريبا انا بالسيفيتي راح ابيع بدون خساره او خساره ماتنعد بالعين شي وراح انتظره من نقطة شراء جديده السهم ماينتعوض

ادري قاعد تقولون العطار اطلع منها وعطنا الزبده نبي الجواب شكو احنا فيك

===========================

الجواب

لاحظو معاي الشارت احنا مساعه شفنا شارت الويكلي والي يبتدي من عند 8 دولار وينتهي عند 18 دولار

لاحظو الي بالدائره الحمراء راح تختفي خلال شهر يعني خط الي مساعه غير سليم وتحليل سطحي مانعير له اهميه

الخط الجديد يشير من عند 11 الى 18

ولاحظو الملتقا الغرامي بين الخطين خط قناة النزول مع خط الدعم عند 13.80 تقريبا

يعني 13.80 المحك وهي الي راح تحدد لنا مسار السهم خلال الأشهر القادمه هل نزول ام صعود

طبعا ط القناة عند 14.20 تقريبا اتصور ممكن تكون نقطة شراء وهذا راح يبين عند الملامسه الخط ودفع الشراء

وممكن يلامس ويأسون الضعاف ويخوفونهم ويلامس 13.80 ويرتد

طبعا اهني دور المؤشرات وتنبأها راح تبين لنا هل نقطة الدعم قويه ولا لا

تحياتي

**alattar** · 06-03-2005, 05:00 AM

فيني تمخمخ بعد

الحلقه 3

راح ايي شخص يقول يالعطار يالعطار الحق نموذج الراس والكتفين ويعني نزوله الى 12 وكسور

خل نشوف نظرته في الشارت

**alattar** · 06-03-2005, 05:24 AM

جواب حلقه رقم 3

نقول ياسلام وليش ماننظر بشكل ثاني

شوفه الشارت والله روعه بوشنب

الجواب الشافي والي نشوفه معقول مع شركه مثل موتورلا

احنا قلنا الحسبه على الويكلي من 11 الى 18.20 تقريبا

18.20-11 = 7.20

50% = 14.60

62% = 13.74 وهي الوارده يعني 13.80 نقطة امنه في حالة كسرها يعني بيع

استوب لوز 13.70 بشرط كسر يدوم اكثر من ساعه لأن ممكن يرتد بسرعه واذا ما ارتد يعني راح يرتد لها ثاني يوم احنا امنين بمشيئة الله

انا مساعه قلت نقطة الشراء 14.20 من المحتمل ارتداد منها وهي اشارة شراء على الديلي وخل نشوف عند الملامسه هل يستحق الشراء ولا لا

شركة موتورلا ارباحه جيده اتصور ان المستثمرين منتظرين نقطة شراء من نزول وينتظرون 22 دولار والله اعلم

تحياتي ونتهى التمخمخ واذا احد يبي تمخمخ على فريم 60 و10 أقوله انا بالشوفه وحاضر اتمخمخ

اقولكم خل اكمل تمخمخ على السكستي

السهم ممكن يصعد الى 15.40 اذا كسر 15.40 يعني صعوده الى 15.60

بس تعبت

تحياتي

**saif1743** · 06-03-2005, 10:46 AM

الله يقطع ابليسك يا العطار ..... وش هالسوالف جنك تلفزيون ابيض و اسود مال لول .....

تحليل فني رهيب ... ثري دايمنشن ( 3d ) يعني ما خليت لنا شي نقوله

موفق يارب ... تدري ... تصلح تكتب قصص و مسرحيات ...هههههههه

**ebrahim191919** · 06-03-2005, 01:40 PM

والله سهمك حيرنى يالعطار

بس اتوقع والله اعلم انه فى نزول

وبعدين تركه انا اشوف اولى وفى الف سهم غيره محفزاتهم احسن من هالسهم خليتهم و ماخترت الا هالسهم

هذا تحليلى البسيط عن سهمك انا اشوف فيه بريك دون وفى نفس الوقت فيه تربل بوتوم

**ebrahim191919** · 06-03-2005, 02:02 PM

وهذا التربل بوتوم وان اشوف ان السهم راح ينزل

وبعدين مؤشر adx ماعطى بيع او شورت

انا اشوف اذا وصل سعره 14.95 ابتعد عنه احسن

انا قلت لك رايى المتواضع فى سهمك وانت براحتك

والله خليتنا نمخمخ معاك يابومحمد ههههههههههه

**ebrahim191919** · 06-03-2005, 02:03 PM

قصدى مؤشر adx عطى بيع او شورت

**ebrahim191919** · 06-03-2005, 02:11 PM

وبعدين لو فرضنا ان ارتفع بيكون امامه كثير من العقبات(المقاومات)

مثل موفنق افرج 20 وموفنق افرج 50 وموفنق افرج 200

وهو موفنق افرج 10 للحين ماتعداه

**waseem** · 06-03-2005, 03:46 PM

ياخسارتك ياعطار صرت تحلل ثلاث اسهم وتهتم فيها بعد وا عطاراه .

**عياد** · 07-03-2005, 12:41 AM

واوسيماه
الظاهر انك تبي تقول للعطار يالعطار ليش تحلل اسهم ثلاث حروف بس خانك التعبير ولايهمك يالعطار ابغاك تفتح بابا مخصوص لاسهم ثلاث حروف وانا اثبته لك فوق عشان نكيد العزال
ماشاء الله سهمك حلاوة وتحليلك احلى واروع

تحياتي لك يالغالي

**waseem** · 07-03-2005, 12:57 AM

المشاركة الأصلية كتبت بواسطة عياد

واوسيماه
الظاهر انك تبي تقول للعطار يالعطار ليش تحلل اسهم ثلاث حروف بس خانك التعبير ولايهمك يالعطار ابغاك تفتح بابا مخصوص لاسهم ثلاث حروف وانا اثبته لك فوق عشان نكيد العزال
ماشاء الله سهمك حلاوة وتحليلك احلى واروع

تحياتي لك يالغالي

يقطع ابليسك ياعياد والله من ضيقت صدري ان هذا التحليل الروعه على سهم ثلاث حروف لكن ان شاء الله ابودي ابو محمد لشيخ يقرا عليه ويعقل

**alattar** · 07-03-2005, 03:00 AM

حيالله الغالين

saif1743 - ebrahim191919-waseem-عياد

طمنوني عن احوالكم
=================

بوعلي

موبس فلم ابيض واسود الا فلم هندي متروس دهن دابراملا ههههههههههههههه
==============
وسيم

هذا السهم ثلاث حروف بس مو مثل اي سهم موتورلا اذا خيب معاي خلاص اوعدك اطلق هذي الاسهم معاك

ووعد الحــــــــــــــــــــــر دين عليه
==============
عياد

اذا هذا السهم ماخيب الآمال راح اتشوف تحليلات بالهبل مع ثلاث احرف وبعدها نودي وسيم عند شيخ يقرا عليه علشان لايجن

================================================== =======================

اما انت اخي العزيز ابراهيم

اولا اشكرك على هذا التحليل الجميل والمشاركه الفعاله والي من وراها قصد الفائده ان شاء الله

اولا انا ماقلت ان السهم الأن بطور الصعود انا قلت ان السهم في طور النزول وهذا نتفق عليه اثنينا

انا هدفي 13.80 والأن هو 15.10 يعني كل المؤشرات الي انت حطيتها تشير الى ان السهم راح ينزل الى هدف معين ممكن تقولي وين هذا الهدف ؟؟؟ والا قصدك راح ينزل الى 10 دولار هذا فيها كلام ثاني

مؤشر adx

انا ماقلت ان معطي نقطة شراء انا قلت ان معطي نقطة بيع ومؤشر CCI معطي نقطة بيع

كل المؤشرات عزيزي معطيه نقطة بيع

ولكن انا قلت مؤشر adx

الخط الأساسي وهو الأسود قاعد يصعد فوق واذا اصاب هدفنا وكان فوق 30 واعطى اشارة شراء وخترق خط الموجب مع خط السالب هذا يعني ارتداد قوي

الشيء السلبي في السهم ان يتداول تحت متوسط 200 ونتأمل ارتداده فوق ان شاء الله

تحياتي

**saif1743** · 07-03-2005, 08:11 AM

يا بو محمد يا عزيزي .... انت و ابراهيم تقولوا هذا السهم الى نزول ... وانا ما اختلف معاكم بس انت ليش منتظره الى ان ينزل .... يعني ليش ما تحط الليرت عليه في السترايمر و تشوف غيره ... ليش تبقى هالفترة منتظر ... الأسهم في السوق مثل الحريم في السوق ... كثر الحصى ...هههههههههههه

موفق يارب

الموضوع: توصية شراء

أدوات الموضوع