شرح مبسط للهارمونيك خطوة بخطوة مع الفرص

[mohammedgaber]

صباح الفل اخي وصديقي الغالي يحيى

اولا احب اشكرك على ذكر اسمي وصدقني انا استفدت منك زي مانت استفدت مني ودي حلاوة المنتديات

ثانيا بجد مش مدح شرحك ولا اروع ولا اسهل وبجد باين انه شغل متعوب عليه وكله دقة واسلوب متميز

كل التوفيق يا صديقي ان شاء الله

[yshawky100]

اليوم ان شاء الله هنشرح نموذج الكراب Crab Pattern

نموذج متوسط الظهور علي الشارت
لكنه نموذج قوي




نسب النموذج بتقول ان النقطة b من الضلع XA تساوي 38.2 أو 50 أو 61.8
والنقطة C من الضلع AB تساوي 38.2 أو 50 أو 61.8 أو 88.6
والنقطة D عند 161.8 من الضلع XA

(اللي مركز ومذاكر النماذج اللي قبل كده هيقول النسب دي خدناها مرة قبل كده ... احب اقوله اصبر وكله هيوضح كمان شوية)


لو تلاحظ ان الخفاش والكراب بيشتركوا في نسب 38.6 و 50
والجارتلي والكراب بيشتركوا في نسبة 61.8
وعلشان كده لازم نسأل نفسنا ... وانا ليه هرسمه كراب من خفاش ولا جارتلي

متي نرسم نموذج الكراب ؟
نموذج الكراب بيترسم في الحالات دي
1- يكون عند نموذج خفاش ... وفشل والسعر عدي المنطقة ومحصلش اي احترام ليها
2- يكون عندك نموذج جارتلي ... وفشل والسعر عدي المنطقة
3- ان فتحت الشارت لقيت السعر معدي اصلا من قبل ما ترسم الخفاش او الجارتلي


عرفنا دلوقتي امته نفكر في الكراب

تعالوا ناخد مثال علي الكراب بقي

رسمنا علي الضلع XA طلعت النقطة B عند 61.8
المفروض اننا نرسم جارتلي زي ما تعلمنا
نعتبر نفسنا رسمنا جارتلي وفشل
هنفكر دلوقتي في الكراب
بس تعالوا نتأكد من النقطة C من الضلع AB


طلعت 88.6 يبقي تمام

نحدد النقطة D بالرسم علي الضلع XA وناخد النسبة 161.8 (النسبة الرئيسية)


نحدد النسبة الفرعية بالرسم علي الضلع BC


بس هنا لقينا ان النسبة اللي المفروض ناخدها 3.618 بس دي بعيدة قوي وبالتالي الاستوب هيكون كبير
هنحاول ندور علي مستوي ناخده استوب ... لو السعر عداه نطلع من الصفقة
هنرجع لورا شوية وندور


رجعنا لقينا قمة قديمة ناخدها بدل النسبة الفرعية البعيدة وبكده الاستوب بتاعنا بقي اصغر بكتير

هنحدد الاهداف عادي خالص زي ما احنا متعوديين


زي ما احنا شايفين مجرد من السعر لمس المستوي هبط حوالي 120 نقطة ... مقابل 20 نقطة استوب

يبقي خلاصة الكراب :
بيترسم سهل خالص زي اي نموذج بس الفكرة ترسمه امته
لو فشل الخفاش او الجارتلي

لو الموضوع لسه مش واضح ... هيوضح ان شاء الله بامثلة تانية لما الاقيها
يعني رحلتنا مع الكراب لسه شغالة

بالتوفيق

[yshawky100]

Gbp-AUD
خفاش
الدخول من الان

[mohammedgaber]

Gbp-AUD
خفاش
الدخول من الان

متفق معاك تماما يا غالي وان شاء الله يهبط الزوج الي الاهداف

[alskndry]

تم اعلان النتائج حتى الان

https://forum.arabictrader.com/t245293-8.html

[yshawky100]

معانا انهارده نموذج القرش Shark
من اكثر النماذج تكراراً ومن اقواهم وانا شخصيا بحبه جدا
نسب نموذج القرش


لقينا حرف M علي الشارت


هيجي في بالنا احتمالات كتير
بس لو تلاحظوا فيه حاجة في الـ M اللي انا حاططها دي
ان النقطة C اعلي من النقطة A
أول ما تلاقي ان النقطة C اعلي من النقطة A فكر في القرش علي طول

يبقي امته نفكر في نموذج القرش ؟؟
لما النقطة C تكون اعلي من النقطة A

الباقي كله سهل بقي وعادي زي اي نموذج

هنرسم فايبو علي الضلع XA ونشوف النقطة B مصححة كام ونطابقها بالنسبة اللي في الجدول


طلع ان النقطة B وصلت لمستوي 38.2 ودي من نسب القرش فعلا ... يبقي اول نقطة تمام

نكمل .....
نرسم فايبو علي الضلع AB


طلع ان النقطة C عند 113 ودي من نسب القرش ... يبقي تاني نقطة تمام

نطلع النقطة D بالرسم علي الضلعXA (النسبة الرئيسية)



نحدد النسبة الفرعية بقي


كده احنا حددنا منطقة الاعنكاس المحتملة وهنتاجر عليها بالشراء زي ما شرحنا قبل كده

نحدد الاهداف بالرسم علي الضلع CD


ملاحظة مهمة جداً :
الاهداف في نموذج القرش لحد النسبة 50 فقط
والسبب هنعرف بعدين في شرح نموذج 0-5

اظن الموضوع بقي سهل
واي استفسار مرحب بيه

[yshawky100]

مثال تاني لنموذج القرش لانه مهم جدا

[slhiv1404]

بارك الله فيك استمر