سهرة على ضفاف الروم ................

[ابوساره]

ابوسارة والله الذي لا اله الا هو الفرد الصمد الواحد الاحد انني اذا مررت على موضوع لي احس بالانشراح وسعة الصدر حتى ولو كانت هموم الدنيا كلها فوق رأسي ...

عسى الله يشرح صدرك ويوسع رزقك , ويعطيك من الخير على قدر ماتحمل في قلبك من النقاء والصفاء وحسن الطويه .
انت اكثر واحد اجمع كل الأعضاء على احترامه ومحبته , وانا اولهم

[ابوساره]

سلامة قلبك من هموم الدنيا ..

انبسط يابو ساره واللي عطاك يعطينا

عاد انت يابو ساره احسن النية
ومهوب تقول من الحين ترى ماندين
والا تستغل ابو فهد وتقول له العشرة باحدش

وبالنسبة لك يابو فهد ياخو قلبي وانت اخبر مني بها الأمور
لاتكشف كل أوراقك يابعد حيي

وخليني أبروح أدور على خوينا ابو فارس ثلاثة وسبعين يجي و يشوف

صبحك الله بالخير طال عمرك ....
كيف الحال ( الفاء تحتها كسره )

[ابوساره]

كل المراحب.. ابو ساره..
شلونك؟

صاحب القصيده.. هو أمير شعراء النبط
محمد الأحمد السديري رحمه الله

بس الله يخليك... اذا فيها مندي... ترى لازم تعزمني..

والمعجزه معنا..

خلاص؟

آخر شاعر كنت اتوقعه السديري
شكلي انا اللي بعزم الرجال , هاه وش رايك تجي معي , نعشي الرجال انا واياك
وبعدين المعجزه اعرفه , اذا الدعوى فيها قطيه مايجي

( تعرف موقع زين عن الشعر , اقصد الشعر اللي يسمى شعر , ماهو خرابيط هاليومين !!)

[ابوساره]

اقترح فتح منتدى جديد للمحاوره

[خالد الفهد]

سلامة قلبك من هموم الدنيا ..

انبسط يابو ساره واللي عطاك يعطينا

عاد انت يابو ساره احسن النية
ومهوب تقول من الحين ترى ماندين
والا تستغل ابو فهد وتقول له العشرة باحدش

وبالنسبة لك يابو فهد ياخو قلبي وانت اخبر مني بها الأمور
لاتكشف كل أوراقك يابعد حيي

وخليني أبروح أدور على خوينا ابو فارس ثلاثة وسبعين يجي و يشوف

سلمك الله يامعجزتنا ...وانت لك معّزة خاصة
.
( هالحين هموم الدنيا بس الفلوس يالمعجزة )
.
اما اوراقي فجميعها مكشوفة ، كتاب مفتوح تقرأه من المقدمة الى الفهرس او من الفهرس الى المقدمة سّيان ...
.
بعد حيي ، نعم انا من بعد حيي .
.
اقول عندي سؤال : ابوسارة كاتب لك (كيف الحال بكسر الفاء) ( وش معناها والله مافهمتها )

[المعجزة القادمة]

سلمك الله يامعجزتنا ...وانت لك معّزة خاصة
.
( هالحين هموم الدنيا بس الفلوس يالمعجزة )
.

الله يسلمك ,,
ومن يقول كذا ؟
الرسول الله صلي وسلم عليه يقول تعس عبد الدينار تعس عبد الدرهم .. الى اخر الحديث
فلا والله ماكان قصدي الدراهم
سامحك الله

.
اما اوراقي فجميعها مكشوفة ، كتاب مفتوح تقرأه من المقدمة الى الفهرس او من الفهرس الى المقدمة سّيان ...
.

شفت قايل لك إنك ذيب وملكع !

الحين بعض الكتب تلقاها مجلدات وتلقى المجلد فيه حول الألف صفحة
وتلقى الفهرس في مقدمة الكتاب والصفحة اللي بعدها على طول تلقى المقدمة !!

يعني قرينا صفحتين منك وباقي المجلد كله غااامض

.
بعد حيي ، نعم انا من بعد حيي .
.

هماك تقول أوراقك مكشوفة
فأنا كاشف الشيء هذا من زمااان

اقول عندي سؤال : ابوسارة كاتب لك (كيف الحال بكسر الفاء) ( وش معناها والله مافهمتها )

والله حتى أنا مافهمتها !
.
.
.
.

[أبو ملاك]

هذي السالفة كلها والرجال ماسح الموضوع ..


وش تسوون لو كان كاتبه ؟!

[غواص]

هذي السالفة كلها والرجال ماسح الموضوع ..


وش تسوون لو كان كاتبه ؟!

الله يحييك.. ويطول عمرك..

يكفينا ندخل على اسمه..

ونشم طيبه..

حتى لو ما كتب..!!