العرض و الطلب بشكلها الإحترافي | التداول مع صناع السوق | شرح و تحليلات و فرص دخول ~

[muhammadbeyazdi]

أخي هيما، ياريت تسرع الشرح، مافينا ننتظر اكتر من هيك، يعني ماتخاف علينا عم نجرب ونختبر لحالنا حتى لو ما أرسلنا رد باللي اشتغلناه، بليز اسرع شوية

[hema007]

ماهو رايك بهذه الشخبطة للمجنون على فريم الديلي
الملف المرفق 478158

اها تمام

المنطقة اللي تحت خالص بتاعت الطلب دي قوية جداً لانها أصل الموجة كلها بتاعت الصعود بس خد كمان الشمعة اللي جمبها

المنطقة الطلب اللي فوقها قوية جداً بس خد رسم الذيل كمان معاك

المنطقة اللي فوق بتاعت العرض دي خلاص بقت ميتة السعر قريب ممكن يخترقها

لو نزل تحت ممكن ياخد العزم منها و يطلع يكمل طريقة

الباوندات كلها تقريباً في ترند عام صاعد فأنت أستنى فرص الشراء من المناطق القوية

بس خليك على الأربع ساعات علشان تاخد منطقة أدق و تقلل الأستوب كمان .

[Forex2017]

اها تمام

المنطقة اللي تحت خالص بتاعت الطلب دي قوية جداً لانها أصل الموجة كلها بتاعت الصعود بس خد كمان الشمعة اللي جمبها

المنطقة الطلب اللي فوقها قوية جداً بس خد رسم الذيل كمان معاك

المنطقة اللي فوق بتاعت العرض دي خلاص بقت ميتة السعر قريب ممكن يخترقها

لو نزل تحت ممكن ياخد العزم منها و يطلع يكمل طريقة

الباوندات كلها تقريباً في ترند عام صاعد فأنت أستنى فرص الشراء من المناطق القوية

بس خليك على الأربع ساعات علشان تاخد منطقة أدق و تقلل الأستوب كمان .

جزاك الله خير على التوضيح هل تقصد هكذا ؟

بالنسبة لي اعتقد بدري تكلم عن الشراء والبيع لهذا شي بحاول رسم مناطق على اي فريم بشوفه حتى تعود على الرسم
فعلا منطقه بالاعلى تم كسرها بهاي يوم 1 شهر 11 لكن الرسم للتدريب فقط
بتصور يلزمني اقل شيئ شهر للتدريب لرسم المستويات بعدها انتقل لموضوع الدخول والخروج
بشكرك على المتابعه

[Forex2017]

ماهو رايك ايضاً بهذا الرسم ؟

وضعت ايضا بالرسم خطوط حمراء بوضح فيها شكل D-B-D حتى بوضح شكل الرسم
ماهي الاخطاء لدي بارك الله فيك

[hema007]

جزاك الله خير على التوضيح هل تقصد هكذا ؟

بالنسبة لي اعتقد بدري تكلم عن الشراء والبيع لهذا شي بحاول رسم مناطق على اي فريم بشوفه حتى تعود على الرسم
فعلا منطقه بالاعلى تم كسرها بهاي يوم 1 شهر 11 لكن الرسم للتدريب فقط
بتصور يلزمني اقل شيئ شهر للتدريب لرسم المستويات بعدها انتقل لموضوع الدخول والخروج
بشكرك على المتابعه

بص على الصورة أنا وضحتلك رسم المناطق

[Forex2017]

بص على الصورة أنا وضحتلك رسم المناطق

شكر للتوضيح
ماهو رايك بالشارت الثاني

[hema007]

طيب نبدأ على بركة الله في كيفية تقييم المناطق ...



1_ قوة الحركة / الإنطلاقة السعرية :
=====================

من أهم عوامل التقييم وهو قوة الحركة ...

لازم لما نختار منطقة تكون فيها حركة و عملت أكشن قوي و واضح أمامنا في الشارت سواء صعود قوي أو هبوط قوي ...

مثال من الشارت :





لازم حركة الشموع يبقى فيها إنطلاقة قوية , هنا ببساطة بتعرف أن كان في صناع سوق متواجدون في المنطقة

و دة اللي يهمنا أننا نعرف أماكن اللي كان فيها صناع السوق متواجدون .



=========



2_ شكل الإنطلاقة السعرية / شكل الشموع :
=========================

أحنا أتفقنا ان لازم يكون في إنطلاقة قوية بمعنى ان في موجة قوية سواء صعود أو هبوط

هنا بقى أحنا هانتكلم عن الموجة نفسها ...

شكل الموجة لازم تبقى قوية و حادة و دة نقدر نعرفه ببساطة عن طريق شكل الشموع و أحجامها

الموجة علشان تبقى قوية لازم تبقى فيها شموع متوسطة إلى كبيرة + إغلاقات قرب الهاي أو اللو حسب الحركة

و مايبقاش فيها ذيول كثيرة و شموع صغيرة وراء بعضها و إغلاقات بعيدة عن الهاي أو اللو و قرب المنتصف .

كل ما كان عدد الشموع الصغيرة كتير كل ما كانت الحركة مش قوية و كل ما كان في شموع معاكسة للحركة كتير

كل ما كانت الحركة ضعيفة و كل ما كان في ذيول كتيرة كانت الحركة ضعيفة ...

الكلام دة بيقولك أن السيطرة ضعيفة مافيش إحكام قوي للمشترين أو البائعين حسب الحركة .


مثال من الشارت على الحركات الضعيفة :






لازم المنطقة أثناء الصعود أو الهبوط تكون حركة قوية و حادة مش صعيفة , الشموع متوسطة على الأقل

و الحركة كبيرة , و كل ما السعر قطع مسافة كبيرة في عدد شموع أقل كان أفضل ...

يعني 3 شموع عملوا 200 نقطة أفضل من 7 شموع عملوا 200 نقطة .



=========



3_ عدد الشموع بالمنطقة :
================

هنا لازم نخالي بالنا أثناء تحديد المنطقة , فالمنطقة التي تحتوي على عدد كبير من شموع الـ Base

يتجاوز الـ 6 شموع فهنا تعتبر المنطقة ضعيفة ...

أقصى عدد هو 6 شموع و لكن كل ما كان عدد الشموع قليل كان أفضل و من وجهة نظري يفضل

أن تحتوي المنطقة على شمعتان و بعدها تكون هناك الإنطلاقة السعرية القوية .

مثال من الشارت :



أحنا مش عايزين المنطقة يكون صانع السوق ظل بها فترة كبيرة أوي و كان في صراع بين المشترين و البائعين

أحنا بنحاول نشوف المنطقة اللي كان فيها سيطرة واضحة و قوية لتواجد قوي للمشترين أو البائعين

أما المناطق اللي فيها أتزان و صراع دي بتبقى مناطق ضعيفة و العمل عليها بيبقى خطر جداً ...

هو ممكن تنجح المنطقة و ترد السعر بس بتبقى فيها مخاطرة عالية لأنها بتبقى ضعيفة أصلاً .



=========



4_ عدد مرات الإختبار :
==============


دي نقطة مهمة جداً و لازم الناس تهتم بيها جدااااااااااااااا دي أساس الكثير من الإستراتيجيات الناجحة

المنطقة اللي يتم إختيارها و الدخول منها علشان يبقى الدخول أمن و قوي جداً لازم تبقى منطقة Fresh

يعني منطقة لم يتم للمسها أو إختبارها من قبل بحيث أنك تدخل مع أو إختبار للمنطقة و تقدر تاخد رده الفعل للمنطقة .

الفكرة أن لما صناع السوق بيصعدوا من المنطقة أو يهبطوا منها بيبقى في أوردرات متبقية لم يتم تنفيذها

و عند العودة للمنطقة أول مرة يقوموا بتنفيذها علشان كدة أول مرة دي بتبقى أهم فرصة في الدخول مع المنطقة .

أحياناً المنطقة بتتحرك بعد أول مرة تحرك ضعيف جداً و يرجع بسرعة يختبرها تاني و دي عملية إختبار بيعملها صناع السوق

علشان يتأكدوا أن مافيش عائق أمامهم لما يحركوا الأسعار و دي نقطة هابقى أتكلم عليها مع الفوليوم .


دة مثال من الشارت :




أهم حاجة لازم تعرفوها أن المنطقة بتضعف مع كل إختبار لها لذلك أقصى عدد تعتمد عليها هو مرتان .

في بعض الحالات بتبقى أكثر من ذلك مثل عندما نكون في ترند عرضي كبير هنا الموضوع بيختلف شوية

و دي هانبقى نتكلم عليها في موضوع الترندات .


=========


إلى هنا هاكتفي بهذه العوامل , الباقي المرة القادمة علشان يبقى في فرصة للناس أنها تطبق الكلام دة

و علشان لو في حد حابب يستفسر عن شيء .

هنا بقى لازم الناس تبدأ تربط كل اللي أتشرح مع بعض ...

تستخرج منطقة حققت الشروط كسرت ترند أو منطقة معاكسة و تكون اتحركت بقوة و بشكل حاد و الشموع فيها كبيرة

و منطقة الـ Base مافيهاش شموع كثيرة و كمان تكون منطقة Fresh لم يتم للمسها من قبل .

الناس لازم تدرب على الكلام دة كله , أنا لغاية دلوقت بشرح العرض و الطلب التقليدي لسة مابدأناش نستخرج مناطق متداخلة

و نربط فريمات و نطور طريقة الرسم و حاجات تانية كتير

أي حد عنده أي إستفسار ياريت يضعه و أي حد متلخبط أو مش فاهم نقطة معينة ياريت يتكلم عنها .

و بالتوفيق

[mohamed salama 5]

جميل جدا هيما
استمر . متابع من بدرى

[Ahmed.slaama]

تحياتي استاذ ابراهيم
اسمحلي بداية اني اسجل اعجابي الشديد باسلوب حضرتك فى الشرح و تفانيك في توصيل مفهوم العرض والطلب لغيرك من المضاربين
انا من المهتمين بالعرض و الطلب و بحاول اتعلمه الايام دي و ان شاء الله اوصل لمرحلة متقدمة فيه عن طريق ارشادات حضرتك

بس في نقطة حضرتك لم تتطرق اليها حتى الان و انا سمعتها فى شروحات بعيدة عن هنا

وهي ان شمعة العرض او الطلب لازم ان جسمها لا يقل عن 80 % من اجمالي الشمعة

هل الكلام ده صحيح ؟ يعني شمعة زى دي مثلا ايه تقديرك لها ؟ و تقبل و دي و تقديري

[hema007]

تحياتي استاذ ابراهيم
اسمحلي بداية اني اسجل اعجابي الشديد باسلوب حضرتك فى الشرح و تفانيك في توصيل مفهوم العرض والطلب لغيرك من المضاربين
انا من المهتمين بالعرض و الطلب و بحاول اتعلمه الايام دي و ان شاء الله اوصل لمرحلة متقدمة فيه عن طريق ارشادات حضرتك

بس في نقطة حضرتك لم تتطرق اليها حتى الان و انا سمعتها فى شروحات بعيدة عن هنا

وهي ان شمعة العرض او الطلب لازم ان جسمها لا يقل عن 80 % من اجمالي الشمعة

هل الكلام ده صحيح ؟ يعني شمعة زى دي مثلا ايه تقديرك لها ؟ و تقبل و دي و تقديري

أهلاً أستاذ أحمد

شكراً على كلامك يا باشا و إن شاء الله الورشد تفيدك

الكلام صحيح و النقطة دي كنت هاتكلم عنها بشكل جانبي أثناء التقييمات بس بما أنك ذكرتها

هاتكلم عنها دلوقت و خلاص ...

======

شموع العرض و الطلب بتتكون من نوعان :

1_ شموع تسمى بالـ ERC

وهي عبارة عن شمعة جسمها يمثل حوالي 80 % أو أكثر من حجم الشمعة بالكامل

وهي تكون شموع الرالي و الدروب .


2_ شموع الـ Base

وهي شمعة جسمها يمثل حوالي 50 % أو أقل من حجم الشمعة بالكامل .


طيب ما هي الفائدة أني اعرف دي شمعة ERC أو شمعة Base ؟!

الفائدة في تقييم قوة الحركة اللي أنا شرحتها فوق , فكلما كانت عدد الشموع الـ ERC كثيرة كان هذا جيد جداً

و كلما كانت شموع الـ Base قليلة كان هذا جيد ... و العكس صحيح .

يعني نفس الكلام اللي أتكلمت عليه في نقاط تقييم المناطق في شكل الشموع .

[alskndry]

الله ينور ياهيما بصراحة مبدع فى الصرح

متابع معاك ياغالى وانا من عشاق العرض والطلب

تحياتى لك ياغالى

[hema007]

أخي هيما، ياريت تسرع الشرح، مافينا ننتظر اكتر من هيك، يعني ماتخاف علينا عم نجرب ونختبر لحالنا حتى لو ما أرسلنا رد باللي اشتغلناه، بليز اسرع شوية

اهلا يا غالي
معلش مش شفت ردك...
حاضر هحاول اسرع شوية بس بردوا لازم اراعي الناس الباقية
لان في ناس طلبت مني مش اسرع في الشرح.
ان شاء الله هحاول اوفق بينكوا .

[Ahmed.slaama]

أهلاً أستاذ أحمد

شكراً على كلامك يا باشا و إن شاء الله الورشد تفيدك

الكلام صحيح و النقطة دي كنت هاتكلم عنها بشكل جانبي أثناء التقييمات بس بما أنك ذكرتها

هاتكلم عنها دلوقت و خلاص ...

======

شموع العرض و الطلب بتتكون من نوعان :

1_ شموع تسمى بالـ ERC

وهي عبارة عن شمعة جسمها يمثل حوالي 80 % أو أكثر من حجم الشمعة بالكامل

وهي تكون شموع الرالي و الدروب .


2_ شموع الـ Base

وهي شمعة جسمها يمثل حوالي 50 % أو أقل من حجم الشمعة بالكامل .


طيب ما هي الفائدة أني اعرف دي شمعة ERC أو شمعة Base ؟!

الفائدة في تقييم قوة الحركة اللي أنا شرحتها فوق , فكلما كانت عدد الشموع الـ ERC كثيرة كان هذا جيد جداً

و كلما كانت شموع الـ Base قليلة كان هذا جيد ... و العكس صحيح .

يعني نفس الكلام اللي أتكلمت عليه في نقاط تقييم المناطق في شكل الشموع .

شكرا يا فندم لاهتمام حضرتك
طيب بعد هذا التوضيح لو نظرنا للشمعة اللى في الصورة هلاقي جسم الشمعة اقل من 70 % يعني دي تعتبر شمعة بيز و لا ايه ؟
اتمني اعرف رأي حضرتك فى الشمعة المظللة على سبيل المثال
و تقبل و دي و تقديري

[hema007]

شكرا يا فندم لاهتمام حضرتك
طيب بعد هذا التوضيح لو نظرنا للشمعة اللى في الصورة هلاقي جسم الشمعة اقل من 70 % يعني دي تعتبر شمعة بيز و لا ايه ؟
اتمني اعرف رأي حضرتك فى الشمعة المظللة على سبيل المثال
و تقبل و دي و تقديري

اها تعتبر شمعة مش بيس لان اصلا جسمها كبير مش صغير...
الفكرة مش بالنسبة زي ما انت متخيل هو بس بيوضحلك
ان كل ما كانت الشموع كبيرة كل ما كان افضل
كمان الشمعة دي اغلاقها اعلي بكتير من شمعة
البيس اللي قبلها.

[hema007]

موضوع مميز كالعادة اخى هيما

وطبعا العرض والطلب من الموضوعات المهمة جدا ولا غنى عنها لاى متاجر

تحياتى ياغالى ومتابع معاك

اهلا بالسكندري باشا
اخبارك يا كبير ؟
شكرا علي مرورك الطيب يا باشا
و كلامك صحيح العرض و الطلب يعتبر شيء أساسي
و مهم لأي متاجر بس اللي يعرف يستغله صح
شكرا مرة تانية علي مرورك و شرف ليا متابعتك للورشة