بسم الله الرحمن الرحيم
اليوم باذن الله سنستكمل ما بدئناه في الجزء الزمني وبداية هنتذكر سويا بعض القواعد والمصطلحات من الدرس السابق
ان الزمن يكون يكون من انصاف ومضاعفات الزاوية التي ردت السعر
ان اللي بيحدد انا هحدد الزمن بتاعي اذا كان ضعف او نصف الزاوية او حتي اذا كان مساويا لها باستخدام
نقطة الاختراق او الكسر للزاوية التي ردت السعر
الفرق بين الاطار الزمني والفاصل الزمني
الفرق بين الفاصل الزمني الرئيسي والفرعي
وكان في قاعدة وهي القاعدة الثالثة ودي اخدنا المصطلح لكن بدون شرح وبالتالي هنبدا النهاردا بيهاا ان شاء الله
القاعدة الثالثة
ان مينفعش السعر يوصل زاويتين رئيسيتين في فاصل زمني واحد وعلي طول في الحالة دي باخد نصف الزمن وتعالو نفهم القاعدة دي مع بعض لانها مهمة جدا
ومعني الكلام دا باختصار هنعرفه في الخطوات للي جايه دي
انا معايا قمة (او قاع) ولقيت السعر ارتد من الزاوية 90 (يعني شكل رباعي ) طبقا للقاعدة الاولي الاحتمالات المبدئية للزمن للي هيمشي عيه السعر هو اني ممكن اعمل الزمن 90 شمعة زي الزاوية او 180 شمعةيعني ضعف الزاوية او 45 شمعه يعني نصف الزاوية ولو الشكل سريع
ممكن يوصل 23 شمعة وشفنا الحالات دي المرة اللي فاتت
واللي بيحدد الموضوع دا هو نقطة الاختراق او الكسر للزاوية اللي ردت السعر
ومعني القاعدة بتاعتنا
اني مينفعش انا اكون عامل الزمن 90 والسعر في خلال 90 شمعة دول السعر وصل الزاوية 180
يعني في نطاق زمني واحد 90 شمعة السعر وصل زاويتين رئيسيتين وهم الزاوية 90 والزاوية 180
وفي الحالة دي انا لاااااااااااازم اعمل الزمن 45 مش 90 ودا هيبقي الزمن اللي هيمشي عليه الشكل الهندسي في الرحلة بتاعته
الملف المرفق 481720
وهنا هنخلي بالنا ان الموضوع دا خاص بالنطاق الزمني الاول فقط يعني لو بعد ما السعر عدي النطاق الزمني الاول ووصل للتاني والحركة لكن في باقي النطاقات ممكن السعر يسرع براحته المهم اني هكون حددت الزمن بتاعي
وفي حاجة كمان ان الشرط في القاعدة دي وصول السعر للزاوية الثانية قبل الفاصل الزمني الاول .... انما لو السعر لم يصل للزاوية الثانية يبقي احتمال الزاوية 90 لسه قائم زي ما هو بل اصبح هو الاحتمال الاقوي من ضمن الاحتمالات المتاحة
يعني الشكل دا زي الشكل دا ولا حظو الفرق بين الصورة دي والصورة اللي فاتت ان السعر في الاولي وصل الزاوية 180 وفي الصورة الثانيه
السعر لم يصل الي الزاوية 180
وبرضه خلو بالكم من جزء مهم جدا ان هنا طبقا للقاعدة الثانية السعر اخترق الزاوية 90 في 31 شمعهة وبالتالي اول حاجة هفكر فيها ان هعمل الزمن 45 لان هو الاحتمال الاقرب
ومع ذلك انا عامل الزمن 90 والسبب ان السعر رجع تاني للزاوية 90 وبالتالي انا هعمل الزاوية 90 والزمن برضه 90
وطالما كدا يبقي انا متوقع السعر هيوصل للزاوية 180 بعد 180 شمعة وهعتمد الزمن 90 ودا اللي هيمشي عليه الشكل ومن خلاله ممكن احكم علي حالات الوصول المبكر و فشل الشكل الهندسي
بعض الحالات الخاصة باختيار الزمن
لو انا عندي شكل خماسي كدا المفروض ان الزمن 72 او 144 او 36 لو السعر كسر الزاوية 72 في 72 شمعه بالضبط يبقي الزمن وانا مغض هو 72 ودي الحالة 1:1 ونفس الكلام لو السعر كسر الزاوية 72 في 36 شمعة برضه يبقي الزمن 36 شمعة والموضوع واضح ومفيش اي مشاكل لكن احيانا بيكون في تلاعب من جانب السعر بحيث انه ممكن يكسر الزاوية 72 في 36 شمعة في حين ان الزمن الصحيح هو 72 شمعه
وفي الحالة دي السعر بعد الكسر بيصعد مرة تانيه للزاوية 72 وبتكون نوع من انواع الوصول المبكر
يعني ف الصورة دي ونركز جدا لا الخطا فيها خطير جدا وبيوصل لنتائج قد تهدم الشك ككل زي ما هنشوف في المثال القادم
علي الرغم من ان السعر كسر الزاوية 72 في 36 شمعه (السهم الاصفر) الا ان الزمن الصحيح هو 72 شمعة وليس 36 لان زي ما قلنا لو السعر صعد تاني واحترم الفاصل الزمني فدا معناه ان الزمن مش 36
ولو عملنا الزمن 36 بناء علي ان السعر كسر الزاوية 72 في 36 شمعة هنلاقي ان عندنا حالة فشل زمني وان كدا الشكل في طريقه للانتهاء ودا طبعا غير صحيح يعني هيكون المنظر بالشكل دا
وهنكمل باذن الله باقي الحالات في المشاركة القادمة وهنعرف معني احترام الفواصل الزمنية الرئيسية والفرعية وحالات تسارع السعر وتضعيف الزمن مواعيد الانعكاس
واخير فشل الشكل الهندسي ....انا جهزت مشاركة خاصة بتوضيح المقصود بحالات الوصول المبكر وهرفها بعد هذه المشاركة مباشرة
يعني كدا باقي معانا مشاركتين في الجزء الزمني وبعدها مشاركة خاصة بالمراوح وهنكون انتهينا من الجزء الزمني
