3 مرفق
باختصار - كيف تربح عن طريق الاندكسات
السلام عليكم ورحمة الله وبركاته
اندكسات العملات :
معظمنا بيتجاهل اندكس العملة ومش بيشوفه ابدا ولا بيحلله ولا بيعيره اي انتباه مع انه في نظري اقوى واهم من شارت الزوج اللي هنحلله ونتداول عليه
ان شاء الله في الموضوع دة هشرح بكل بساطة مع الشارتات ازاي تتداول على العملة بعد ما تاخد القرار من الاندكسات
أول خطوة :
انت وبتقلب في الاندكسات وبتحلل كل اندكس لوحده ( طبقا لاستراتيجيتك في التحليل )
لقيت ان فيه اندكس معين هيعكس او لقيت اشارة اتجاه معين للاندكس
وليكن مثلا ( الدولار )
تاني خطوة :
تفتح زوج متعلق بالاندكس اللي انت حللته وتحلله بطريقتك برضو
وتلاقي انه عليه اشارة انعكاس او لقيت اشارة اتجاه معين للزوج
وليكن مثلا ( الدولار ين )
تالت خطوة :
تشوف العملة التانية للزوج وهنا كما وضحنا في الخطوتين هيكون الين هو الطرف الثاني
تفتح اندكس الين وتحلله وتشوف الاتجاه بتاع الاندكس متوافق مع اول خطوتين ولا لا
تخيل يا صديقي انه في حالة توافقت الثلاث خطوات مع بعض ايه هيكون مصير صفقتك ؟؟
اترك لك التخيل والرد
ـــــــــــــــــــــــــــــــــــــــــ
تطبيق على الشارت
في تاريخ 7 - 9 - 2017
1- كنت قد حللت اندكس النيوزيلاندي واتضح ليا انه على موعد مع انعكاس للعملة وقوة للنيوزيلاندي
الملف المرفق 472388
2- فتحت شارت اليورو نيوزيلاندي لانه اكتر زوج بحب اتداول عليه من ازواج النيوز لحركته السريعة ولقيته قريب من منطقة عرض على فريم الاسبوعي
الملف المرفق 472389
3- فتحت شارت اندكس اليورو لقيت برضو الاندكس عند نقطة مقاومة قوية جدا على فريم اليومي ودي كانت النتيجة
هبوط 340 نقطة :asvc:
الملف المرفق 472390
الفكرة والمفاد من الموضوع دة هو انك تحط عينك على اندكسات العملات وتخليها في الحسبان لانها بجد من اهم ادوات المساعدة في التحليل واتخاذ القرار
اتمنى يكون حد استفاد من الموضوع
والسلام عليكم ورحمة الله وبركاته
