نقاط تساعدك على اختيار نوع الوسيط المناسب

[دينا]

السلام عليكم ورحمة الله وبركاته

سنتطرق اليوم لمناقشة واحدة من اهم المواضيع الشائكة فى عالم التداول الاونلاين وهو نختار شركة وساطة STP ولا شركة وساطة market maker , كفكرة عامة ان شركات ال stp جيدة وMM سيئة , فتعالو نشوف ليه الفكرة دى منتشرة وليه فى بعض الاوقات بتبقى مش صحيحة ,

فى البداية لازم نعرف نعرف معنى الاتنين ,,

STP ( شبكات التنفيذ المباشر ) :

بمعنى ان كل الاوامر بيتم ارسالها لمزودى السيولة بدون اى تدخل من شركات الوساطة وعشان كده فى النوع ده من شركات الوساطة مفيش تعارض بيحصل بين مصلحة العميل ومصحلة الشركة ,
وبتبقى استفادة الشركة في الأساس من العمولة او الاسبريد .

ECN ( شبكات الاتصال الالكترونية ) :

بتشبه شوية شركات ال STP فى ان الاتنين مفيهمش تضارب مع مصالح العميل ,والاختلاف الرئيسى بين الاتنين بيكمن فى ان شركات ال ECN ليها اكتر من مزودى سيولة وبيكونوا من البنوك العالمية , فبتقوم شركات ال ECN باختيار افضل سعر من الاسعار المتاحة وتزود بيه المتداولين .

MM ( صناع السوق ) :

بتمثل الغالبية العظمى من شركات الوساطة , بتقوم هذه الشركات بشراء العملات من البنوك ومزودى الاسعار من سوق الانتربنك ثم تقوم ببيعها للمتداولين , وعشان كده هى الى بتحدد الاسعار لانها هى الى بتمد المتداولين بالسيولة .

بعد ما عرفنا الفرق بين التلات انواع من الشركات , باقى نعرف ازاى نفرق بين التلات انواع بنفسنا وده بيبقى من خلال العوامل التالية :

1) الرافعة المالية :

بتعتبر مؤشر قوى جداا للتفريق بين الشركات , بمعنى لو كانت الرافعة المالية عالية جداا بيبقى ده غالبا ماركت ميكر MM) ) , عادة لو الوسيط بياخد السيولة من مزود سيولة مباشرة او من مزود لمزود السيولة فى هذه الحالة لا تزيد الرافعة غالبا عن 1 : 100 , وفى الحالة دى بتبقى الشركة ECN اوSTP
وعشان كده بعض شركات الوساطة بتزود الرافعة المالية وبتوصل 1 :400 واحيانا 1 : 500 لعملاء التجزئة بغرض جذبهم لفتح حسابات وتمويلها بمبالغ صغيرة .

2 ) انواع الاوامر :

فى حال تنفيذ الاوامر تنفيذ فورى بالسعر الذى تراه امامك على الميتاتريدر فانت غالبا مع شركة MM , وتعتبر هذه ميزة فى شركات الماركت ميكر حيث انه فى هذه الحالة لا يحدث انزلاق سعرى,
بينما شركات ECN , STP تضع الامر فى السوق ثم يتم التنفيذ على افضل سعر ولهذا قد يكون هناك انزلاق سعري وليس إعادة تسعير في الغالب .

3 ) الارقام بعد العلامة العشرية :

اذا كان لديك اربعة ارقام بعد العلامة العشرية على ازواج العملات ورقمين بعد العلامة العشرية على الين اليابانى فانت مع شركة ماركت ميكر , واذا كان لديك 5 ارقام بعد العلامة على ازواج العملات و3 ارقام فى الين اليابانى فانت مع شركة ECN , وذلك لان شركات MM تقوم بتقريب الاسعار الى اقرب رقم عشرى
اما شركات ال ECN بتكون دقيقة فى السعر المتاح امام المتداول وتقوم بحساب السعر بالسنت حسب تحركات السوق .

4) التغيير فى سياسة التداول :

فى حال قيامك بالتداول والبدء فى الحصول على الارباح ستقوم بملاحظة بعض التغييرات مثل زيادة فى الاسبريد والبطء فى تنفيذ الاوامر ومحاولة تقليل ارباحك كل هذه المؤشرات بتشير الى انك مع وسيط MM .

فى النهاية اتمنى اكون افدتكم فى التفرقة بين انواع الوسطاء حتى لا نتعرض لادعاءات ونصب شركات الوساطة .

[AmiraElMraghy]

موضوع ممتاز اختى الكريمة كنت لسه بسأل نفسي ازاى اقدر اعرف الشركة كلامها صح ولا بتقولى اى كلام عشان فقط اشترك معهم

[ابو.هادي]

هذا تسويق لشركات ecn لذم شركات mm مع ان الواقع العكس والادلة موجودة


http://forum.arabtrader.com/t241293.html


المحترف لا يهمه نوع الشركة = يهمه قوة الترخيص = هو ضمان انه يستطيع اخذ فلوسه من فم الشركة غصب عنها

[Hossam_G]

الله ينور .. فعلاً موضوع مهم جداً لكل من أصابته الحيره فى إختيار شركة وساطه فى الوقت الحالى

[دينا]

موضوع ممتاز اختى الكريمة كنت لسه بسأل نفسي ازاى اقدر اعرف الشركة كلامها صح ولا بتقولى اى كلام عشان فقط اشترك معهم

شكرا لدعمك

[دينا]

الله ينور .. فعلاً موضوع مهم جداً لكل من أصابته الحيره فى إختيار شركة وساطه فى الوقت الحالى

شكرا لمشاركتك اخى حسام .

[دينا]

هذا تسويق لشركات ecn لذم شركات mm مع ان الواقع العكس والادلة موجودة


http://forum.arabtrader.com/t241293.html


المحترف لا يهمه نوع الشركة = يهمه قوة الترخيص = هو ضمان انه يستطيع اخذ فلوسه من فم الشركة غصب عنها

اخى ابو هادى انا شرحت مميزات وعيوب انواع شركات الوساطة من وجهة نظرى مش بقصد تسويق لنوع معين من شركات الوساطة
ووجهة نظرك صحيحة بان المهم هو قوة ترخيص الشركة سواء كانت شركة ECN او MM .

[فيلسوف البادية]

موضوع جميل يبين ارتفاع منسوب الوعي والمعرفة عن السنوات الماضية

[رانيا وجدي]

موضوع مفيد جدا ، وكما تفضل أخي الفاضل فيلسوف البادية ، يعكس ارتفاع الوعي والمعرفة واهتمام المتداولين بالبحث عن أنواع الشركات والفروقات بينها

شكرا دينا موضوعك جميل ومنتظرين منك المزيد من هذه الموضوعات الهامة .

تحياتي

[دينا]

موضوع جميل يبين ارتفاع منسوب الوعي والمعرفة عن السنوات الماضية

شكرا على مشاركتك اخى

[دينا]

موضوع مفيد جدا ، وكما تفضل أخي الفاضل فيلسوف البادية ، يعكس ارتفاع الوعي والمعرفة واهتمام المتداولين بالبحث عن أنواع الشركات والفروقات بينها
شكرا دينا موضوعك جميل ومنتظرين منك المزيد من هذه الموضوعات الهامة .
تحياتي

اشكرك اختى رانيا على دعمك ومشاركتك واتمنى ان اكون افدت الجميع .

[hema007]

موضوع جميل و مفيد فعلاً .

تسلم إيدك يا دينا

[دينا]

موضوع جميل و مفيد فعلاً .

تسلم إيدك يا دينا

تسلم يا هيما وشكرا على دعمك