تمويل حساب في ورلد وايد ماركت من مصر

[AHMED46]

السلام عليكم
بستفسر عن طريقة لتمويل حسابي في شركة ورلد وايد ماركت من مصر انا حاولت اعمل تحويل بنكي و البنك رفض .. حاولت بالبطاقة الائتمانية للبنك التجاري الدولي قالولي عملية مرفوضة و البنك عامل بلوك لموقع الشركة ... فهل في حد هنا عمل تمويل لحسابه من وقت قريب يقولي علي الطريقة اللي اعمل بيها التحويل

[hema007]

بص هاتفتح حساب في بنك نيتلر أو سكريل و يفضل سكريل لأنه أفضل

هاتشوفلك وسيط تبعتله الفلوس بالمصري يبعتلك الحوالة بالدولار على حسابك في البنك الإلكتروني

بعدها تدخل الشركة و تحول الفلوس هناك .

قبل ما تكلم أي وسيط لازم الوسيط دة يكون في موقع كبير و ليه موضوع فيه إثباتات بالدفع لعملاء أخرين تجنباً للنصب .

بالتوفيق

[AHMED46]

مفيش طريقة تاني عن طريق البنك اضمن
يعني اي حد هنا من مصر بيمول حسابه ازاي
عشان الطريقة دي مش مضمونة بتاعت الوسيط

[ابو مهاب]

من فضلك يا اخ احمد كم كان المبلغ الذى رفض البنك تحويله ؟
واجهت نفس المشكله عند الايداع لحسابى ب اف اكس دى دى وبفضل الله فتحت حساب بسكريل كما تفضل الاخ هيما ، ولى شقيق بالخارج قام بالتحويل ببطاقته الائتمانيه لسكريل ومنه قمت بالايداع لحسابى ، لازم الواحد يلف الدائره فى بلد الغباء الذى نعيش فيه
كان مجرد 1000 دولار يتيم وليس مليون او مئات الالاف

[hema007]

التحويل من مصر للخارج عليه قيود كتير بسبب أزمة الدولار

دة غير مشاكل الفوركس في مصر يعني الحكاية عليها مشاكل مع البنوك

فلازم الإيداع يكون من بنك إليكتروني أفضل حل , أما السحب مافيهوش مشاكل .

موضوع الوسيط مضمون لأني جربتها كتير أوي شحن و سحب .

[zamalek]

انا بردوا حاولت بالبنك ورفض وحولت عن طريق وسيط 2000$ مع انهم غاليين بس الوسيط جربته قبل كده في 500$ ما باليد حيلة ..

[First step]

حتى ببطاقة بنك مصر ؟ الليمت لها 15000 .. وايه مشاكل الفوركس بمصر ؟