الحل السحري لمعرفة اتجاه السعر

[forexhercules]

اشكرك يا صاحب الموضوع على المجهود الرائع
لكن اتحدى اي واحد من المتابعين انه فهم اي حاجه من طريقة العمل
واتحدى اي واحد انه دخل بناء على هذه المؤشرات وربح سنت واحد
لان الطريقه متناقضه بشروطها واستحاله ان تجتمع الشروط في اي صفقه

مفيش تناقض ولا أي حاجة. بص عشان خاطرك أنت هنزلك مشاركة جميلة هتبسطلك الدنيا

[forexhercules]

استاذنا ،هل ممكن نعتبر على الكندي فرصة شراء قصيرة الامدالملف المرفق 465911

الشراء في الكندي مش هيفيدك دلوقتي.
بس هو هيحاول يستهدف 1.3460 لكن ده مش مبرر للشراء و يفضل تستناه و تبيعه من فوق أو تعمل زي مانا بعمل ببيع علي كذا مرة كل ماهيطلع هبيع.

[forexhercules]

ركز بقي
أنت هتفتح فريم اليومي لأي زوج من الخمسة اللي الموضوع من أوله بيتكلم عنهم و متفتحش غيرهم و تسألني عنهم أرجوك.
بص علي ستوكاستيك 20 - 6 -6 البطئ هيقولك مثلاً شراء في الباوند اللي هنتكلم عنه عشان كلكم بتحبوه و معرفش ليه بتحبوه بس ماعلينا.



تروح تنزل لفريم 4 ساعات اللي فيه اللعب كله



هيقولك إن في فوليوم بيعي في الزوج ده و خليك حذر. ده بقي اللي أنتم بتقولو عليه تناقض. بص هو اليومي بيقولك خلي بالك هتشتري قريب بس لما الفوليوم يخلص.
تعرف منين إن الفوليوم البيعي خلص. لما شموع الماك دي تكون بتتداول فوق الخط يبقي ده معناه إن خلاص الفوليوم بدأ يخلص تقوم تستني اوسما في السالب و تشتري منه الباوند دولار. و ده لسه بدري عليه علي فكرة. الباوند نازل بس أنا مش هدخل فيه.
الموضوع مش تناقض لأ بص الموضوع إن فريم اليومي بطئ بياخد اسبوعين تلاتة علي مايعمل اللي أنت عايزه و طبعاً أنت عجول و صبرك بينفد و بتغير وجهة نظرك.
أنا مستني تعليق علي الكلام عشان هنزل الكندي كمان شوية

[samsommm]

الاوسما اللي نستناه هل تقصد به الاوسما الأربع ساعات ، طيب أحيانا كثيره يحدث فيه تذبذب فوق وتحت الخط فكيف عندها نحدد الفوليوم، وكيف نوازن بينه وبين فريم الساعه

[forexhercules]

الفوليوم بيظهر معاك من خلال الماك دي. هو أساسي علي فكرة و بتبص عليه الأول لأن لو فيه فوليوم في زوج مش هيوقفه أي حاجة ولا دفاع ولا مقاومة ولا عرض و طلب.
الاوسما هو علي فريم 4 ساعات اللي هتستناه.
تقدر توازن الفريمات صح لو عرفت الاتجاه الرئيسي إيه اللي هو بيع في الباوند.
لو في الساعة تفتح الاوسما الكبير هيقولك.
بس في حاجة حلوة عايز أقولها لو فتحت الاوسما الكبير علي فريم اليومي هتتخض. هتلاقي إن اباوند لسه هينزل أصلاً يعني النزول هيكون كبير و أعتقد إن هيبقي فيه مش أقل من 600 نقطة في الباوند للنزول و كزوج أنا مش هدخل فيه مش عشان حاجة لأ عشان محدش يتعور لكن انا عارف انه هينزل بشدة و عنف و لما يهدي النزول هيبانلك بنفس الطريقة اللي قولناها.
انا عايز تفاعل منكم و مستني تحليل يومي و 4 ساعات في الكندي و الاسترالي لأن هما اللي هيبقي فيهم فرص حلوة

[forexhercules]

الاوسما اللي نستناه هل تقصد به الاوسما الأربع ساعات ، طيب أحيانا كثيره يحدث فيه تذبذب فوق وتحت الخط فكيف عندها نحدد الفوليوم، وكيف نوازن بينه وبين فريم الساعه

خلي بالك أنت مازالت عايز تتبع المؤشر مش تقرأه. عايزك تتحرر من الفكرة دي. مثال حلو اوي ساعات اول ماتفتح الشارت تلاقي زوج فيه خضة كبيرة و للوهلة الأولي احساسك يقولك مثلاً بيع. متصدقش احساسك علي فكرة لكن اجلس قليلاً لنناقش و ندخل باحتراف

[forexhercules]

بالمناسبة فريم الساعة تمهيد للي كنت عايز أقولهولك لكن فريم الساعة المفروض متفتحهوش أصلاً لأنه مخادع كبير جداً.

[مجدي المجد]

ربنا يكرمك يا صاحب الموضوع
هو الموضوع كما قلت يحتاج صبر وطول نفس

لو كنت قريب كان جلسنا معك واستفدنا اكثر

[samsommm]

بارك الله بك ، وساراجع كلامك

[samsommm]

بالنسبه لليورو الا يعتبر هبوط الاوسما 4 ساعات بالسالب فرصه للشراء وخاصة مع ستوكاستيك 5-3-3 بالاسفل

[forexhercules]

بالنسبه لليورو الا يعتبر هبوط الاوسما 4 ساعات بالسالب فرصه للشراء وخاصة مع ستوكاستيك 5-3-3 بالاسفل

طبعاً فرصة للشراء لأن أصلاً الستوكاستيك الكبير 20 - 6 -6 بيقولك إن اليورو دولار هتشتري فيه.
عن نفسي لو هدخل في اليورو دولار كمؤشرات هشتري لكن في حاجة غلط هتحصل لليورو يا الشهر ده يا الشهر الجاي هتضيعه. بس عموماً لسه بدري عليها و تقدر تشتري بس استني نقط كويسة متستعجلش و كمان الدولار هيهبط شوية الأسبوع ده فهتبقي فرصة كويسة في الرئيسي لكن أنا أفضل تستني مناطق كويسة تحت 1.0500 و هتعرف ليه بكرة أو بعده إن شاء الله.

[samsommm]

استاذي الكريم نحن الان نشتغل كمؤشرات ،فما هو الشئ اللي حتضيع اليورو حتى نعرف كيف تحلل حضرتك

[forexhercules]

استاذي الكريم نحن الان نشتغل كمؤشرات ،فما هو الشئ اللي حتضيع اليورو حتى نعرف كيف تحلل حضرتك

افتح فريم الشهري هتفهم ان في مشكلة كبيرة قادمة لليورو دولار و الاسترالي دولار و النيوزلندي دولار. بس ده رأي شخصي متعتمدش عليه و ممكن يطلع غلط و الأيام بس هي اللي هتبين ده. لكن كمؤشرات للشراء ان شاء الله من منطقة أسفل 1.0500 زي ماقولنا و لما تيجي هننبه عليها.

[samsommm]

سأحاول ان افهم ، ولا غنى لنا عن مساعدتك في الفهم ،بعرف انه اثقلنا عليك ،بارك الله بك وجعل ما تقدمه في ميزان حسناتك

[samsommm]

بالنسبه للشهري هل سيكون بالاعتماد الاستوكاستيك 20ـ6ـ6 اوعلى الماكد 20ـ26ـ9 ،حيث لليورو يبدو انه على بداية صعود
اما بالنسبه للاسترالي والنيوزيلاندي سيصلان للتشبع على الاتوكاستيك 20ـ6ـ6 بالاعلى ومن ثم قد يحدث هبوط اذا تناسب ذلك مع فريم 4ساعات في ذلك الوقت من الزمان
فارجو التصحيح لي مع الشكر