حالة التوظيف employment situation report المؤشرات الاقتصادية

[hazem321]

حالة التوظيف employment situation report

من اول و اهم المؤشرات الاقتصادية الي ممكن تهم المستثمرين في سوق العملات هي بينات سوق العمالة و هبتدي اليوم باهمهم وهو employment situation report وقته,مكوناته,تاثيرة علي العملات و المعادن النفيسة
تقرير حالة التوظيف employment situation report :-
• هو عبارة عن تقرير مكون من استطلاعين راي هم household survey استطلاع راي الراعين و Establishment survey استطلاع راي المؤسسات , و مش ضروري نعرف التكوين اهم حاجة التاثير
• يصدر كل اول جمعة من كل شهر الساعة 2:30ص بتوقيت مصر
• تاثيرة قوي جدا
• اهم مكوناته:-
o التغيير في التوظيف في القطاع الغير زرعي non-farm employment change
o معدل البطالة employment rate
• تاثيرة المبدئي يكون الاقوي عند مفاجاة المستثمرين ببيانات غير متوقعة مثال :-
متوقع ان التغير في التوظيف في القطاع الغير زراعي يقل من 191000 ل 174000 يعني بنسبة 8.9% و لاكن الحقيقي 161000 يعني بنسبة 15.7% فالنسبة الاخيرة تشير بتسريح عدد كبير من الموظفين مما يشير الي بوادر ضعف في الاقتصاد و ضعف العملة و من ثم هروب الاموال للملاز الامن و هي المعادن النفيسة
• يكون اقوي تاثير له في قمة السوق و قمة قوة الاقتصاد عندما يبدا بمؤشرات تراجع في التغير في التوظيف الغير زراعي non-farm employment change او ارتفاع في معدل البطالة employment rate يعني من الاخر في نهاية الدورة الاقتصادية (للتعرف اكثر علي الدورات الاقتصادية اضغط علي هذا الرابط
https://forum.arabictrader.com/t239243.html
• هو مؤشر قيادي في بعض الاحيان و مؤشر تابع في اخر لماذا؟؟؟؟؟؟؟؟؟
o مؤشر قيادي :-
في نهاية الدورة الاقتصادية اي القمة و قل الزخم في الاسواق المالية و تضخم اسعار الاسهم في ذلك الوقت تكون الاسعار بصفة عامة مرتفعة و يتجه ارباب العمل لتخفيض اكبر تكلفة عنده و هي تكلفة العمالة مما يقلل من القدرة الشرائية للعمال و من ثم قلة انتاج نيجة لقلة الطلب لذلك يميل المستثمرين بالنظر الي تقرير حالة التوظيف لتوقع انكماش الاسواق
o مؤشر تابع :-
مؤشر تابع و ذلك في بداية تعافي و ازدهار الاقتصاد بما ان العمالة هي الاكثر تكلفة فالشركات تميل لتخفيض علي قدر المستطاع لموكبة الازدهار و ممكن يكون في ارتفاع في مؤشر متوسط ساعات العمل الاسبوعية بارتفاع نتيجة لزيادة الانتاج average weekly working hours

لمعرفة المزيد عن المؤشرات القيادية و التابعة و المتزامنة الرجاء الضغط عل هذا الرابط
https://forum.arabictrader.com/t239243.html
تلخيص سريع :-
في حالات الازدهار ملناش دعوة بالمؤشر دة مش هيفيد في حاجة
لاكن مع ارتفاع ال S&P 500 او NASDAQ الي مستوايات تضخمية لم يصل اليها من قبل نبتدي نبص علي مؤشرات العمالة توقع لانخفاض و بالتالي ضعف الاقتصاد و ضعف الدولار امام العملات
الفائدة و بيانات التوظيف:-
مع ارتفاع التوظيف في القطاع الغير زراعي الذي يمثل 80% من اجمالي الناتج المحلي الامريكى و انخفاض معدل البطالة تكون المرتبات و الدخول في اعلي المستويات لذلك تتجه السياسة المالية الي رفع سعر الفائدة للحد من التضخم او زيادة الانفاق الحكومي للحد من زيادة الاسعار و مع زيادة الفائدة يزيد الطلب علي العملة و ذلك بسبب مستثمري السندات فتصبح العملة اقوي في السوق للمزيد عن سعر الفائدة تابع المواضيع

[hema007]

موضوع في قمة الروعة يا باشا

فعلاً موضوع مفيد جداً هو و الموضوع السابق له .

تسلم أيدك يا غالي على الموضوع و أتمنى الناس تستفيد منه

بالتوفيق لك إن شاء الله

[hazem321]

موضوع في قمة الروعة يا باشا

فعلاً موضوع مفيد جداً هو و الموضوع السابق له .

تسلم أيدك يا غالي على الموضوع و أتمنى الناس تستفيد منه

بالتوفيق لك إن شاء الله

اصل انا لسة مش وصلت ا 50 مشاركة ف مليش رد علي الخاص

[hazem321]

بس الف شكر فعلا للتقدير الواحد عايز حاجة زي كدة عشان يكمل

[hema007]

اصل انا لسة مش وصلت ا 50 مشاركة ف مليش رد علي الخاص

بس الف شكر فعلا للتقدير الواحد عايز حاجة زي كدة عشان يكمل

يا باشا ولا يهمك

بس أنا كدة أتأكدت من اللي قولتلك عليه على الخاص

خلاص بقى ماتقولش علشان محدش يعرف ( أكيد بهزر معاك )

على العموم دة أقل حاجة ممكن الواحد يعملها أنه يشجع الناس اللي بتحب الخير

برد بسيط , و بجد فعلاً ياريت تكمل النوعية دي من التقارير لأنها بجد فعلاً مفيدة جداً

للكل سواء محترفين أو مبتدئين , انا كنت بفكر أعمل تقارير بردوا عن حاجات زي دي

بس ماليش في الشرح أوي زيك كدة فهاسيبلك بقى المهمة دي ( بدبسك ) هههههه

بالتوفيق إن شاء الله .

[zoza]

شكرا لك اخي اول مرة افهم هذه المؤشرات بهذا الشكل الواضح
اكمل بارك الله فيك

[hazem321]

شكرا لك اخي اول مرة افهم هذه المؤشرات بهذا الشكل الواضح
اكمل بارك الله فيك

مشكور و الله اخي الكريم ربنا يخليك

[Ahmedz]

موضوعك رائع جدا واستفدت منه كتير