طيب و أنت هاتشحن حسابك علطول بدون ما تتعلم كل شيء عن العرض و الطلب ؟
أنت محتاج فترة كبيرة و ما شرحته في الورشة القديمة لا يوفي حق العرض و الطلب
هناك عوامل تقييم أخرى لم أذكرها فلازم تخالي بالك .
كمان أنت في نقطة حلوة ذكرتها أنك بدات تدمج بين الفريمات دي نقطة كويسة بس بردوا خالي بالك
من شكل و إتجاه العام للزوج و حالته في الفترة الاخيرة دي نقطة مهمة اوي و بتفرق جداً في التحليل .
كمان مش أي بن بار بتدخل بعدها , البن بار اللي بدخل بعدها إما هامر و بدخل شراء و بتبقى المنطقة كويسة
مش ضعيفة لهذه الدرجة أو شوتنج ستار و بدخل بعدها بيع و في الحالتين لازم الفوليوم يكون عالي أو مافيش دخول بعدها
دة شرط أنا محدده لنفسي و للطريقة بتاعتي .
ضيف عندك أني مش بدخل بالطريقة وقت الأخبار إلا وقت ما يكون الخبر في صالح التحليل و بتبقى فيها مخاطرة محسوبة
و ببقى عامل حسابي على الخسارة أكثر من الربح .
أخر حاجة تابع كويس قوة المناطق فكل ما كانت المنطقة قوية كل ما كان تحليلك أفضل و أقوى
بص كدة على المنطقة دي على نفس الزوج ...
الملف المرفق 470723
المنطقة حصل منها صعود قوي و عليها فوليوم عالي
بص أول مرة تم زيارتها حصل اية ؟
كمان بص لما السعر هو و رايح يزورها عامل أزاي ؟
الحركة دي كلها سلوك سعري بيدل على ضعف الهبوط و بيقوي الدخول من منطقة الطلب
السلوك السعري مش مجرد شمعة , دة حركة الشموع بشكل عام و هي داخلة على منطقة معينة
بتقدر تتوقع منها أية اللي ممكن يسير بعدها بتستنى شكل معين أو نموذج معين يحصل و بعدها تدخل
اللي هو إما إبتلاعية أو بن بار صاعدة , أو في أسوء الحالات بن بار عاكسة و شمعة صاعدة تؤكد ذلك .
أخر حاجة لا تشحن حسابك غير لما تكون فاهم كويس كل حاجة و كمان بعد ما يكون ليك إسلوب خاص
أنا إستراتيجيتي , طريقة للتعليم أكثر منها لطريقة وضع فرص , أنا بهتم أكثر أني أعرف الناس طريقة شغل كويسة
لمناطق العرض و الطلب المتوسطة و الضعيفة اللي مش بنعلق عليها أوامر لأن في مناطق مش بنستنى سلوك سعري
و بعلق عليها أوامر علطول , أحياناً بذكرها و أحياناً لا , لأن دة مش هدف الموضوع , كمان تحليلي يحتمل الخطأ أكثر من الصواب
حاول إنك لا تعتمد بشكل مباشر و أساسي على تحليل أي شخص مهما كان هذا الشخص , دائماً أجعل تحليل الأخرين داعم
لتحليلك الخاص ليقوي الفرص , و لا تعتمد عليه في الدخول أو الخروج .
الورشة بتاعت العرض و الطلب تعتبر بداية جيدة إنك تفهم بعض الأساسيات و تقدر تستخرج منها المناطق القوية
تابع المناطق بنفسك و أبدأ حلل اللي بيحصل و أفهمه و راجع المناطق السابقة و حلل اللي كان بيحصل عندها .
و بالتوفيق لك :)
طيب و أنت هاتشحن حسابك علطول بدون ما تتعلم كل شيء عن العرض و الطلب ؟
