نداء للسادة الافاضل المبرمجين او اللي فاهم في البرمجة
السلام عليكم ورحمه الله وبركاته
كنت عايز اقول كلمتين كدا وياريت محدش يزعل لأن دا اللي حصل وبيحصل ولا زال هيحصل
المنتدي كان كويس في ايامه واللي فهموا وعملوا مبالغ .. وليهم بعض الاثر في المنتدي ( ربنا يباركلهم ويديهم علي قد نيتهم ) شكرا اختفوا وباي باي علي بره محدش بيعد هنا في مصر غير اللي زي حالاتنا ..
و علي ما يبدوا ان مستر دولار مشغول جدا والحمل كله عليه ..
والمنتدي بقي فيه تكدس من طلبات علي الجاهز بدون اي مجهود
كل واحد بيروح علي مواقع تانيه و موقع MQL يشوفله اكسبيرت ولا مؤشر دخل دماغه يجي هنا ومن غير اي تجارب يجذب السادة الاعضاء انتباهم بكلام ليس له اي داعي وعلي اي اساس مش عارف ويقول ان الاكسبيرت او المؤشر دا رائع وخطير و و و إلخ و بعد ما الاخوة يجربوا الاكسبيرت يطلع سئ للغاية وفي عيوب .. يعني بالعقل كدا اللي عمل الاكسبيرت وكسبه للملايين تخيل كدا هيدهولك لله في لله
اكيد الاكسبيرت شكرا اخد مدته وبح في الزباله مهما عملت الاكسبيرت بقي Expire ولا يينفع اعادة اصلاحه او استخدامه لأن لو نفع مكانش رفعه تاني علي الموقع .. ابسط مافيها كان مسحه وعمل واحد تاني جديد ..
عموما يكفي كلام لحد كدا .. فا ياريت لو يتكرم احد من السادة اللي فاهمين في البرمجة كويس جدا
يساعدني و يشرحلي البرمجة بطريقة مبسطة وعلي قد ما يقدر وربنا يجازيه كل خير
لأن كل ما ادخل الجروب علي امل اني هفهم شئ وهسعي لحاجه
للأسف مش بلاقي اللي داخل عشانه بوصل لحاله احباط و يأس واخرج تاني ومرجعش غير بعد فترة
ياريت ملاقيش حد يجي ويقولي مقابل مادي وبالدولار في الشهر ( ريح ومتتعبش نفسك عشان العملية مش ناقصه )
الواحد حالته وظروفه المادية والنفسية سيئة واللي عايش في مصر اكيد فاهم وحاسس بكلامي
وشكرا