الأسترالي دولار ...
الملف المرفق 462618
Printable View
الأسترالي دولار ...
الملف المرفق 462618
الأسترالي كندي ...
يسير في قناة هابطة على الترند العام الصاعد
يفضل شرائه أكثر من بيعه رغم ذلك الصعود الضعيف اللي هو فيه
بيشير أنه ممكن يهبط قريب لعدم وجود قوة شرائية قوية في الوقت الحالي .
الملف المرفق 462621
في كل الأحوال هاننتظر برايس أكشن عند المناطق المحددة إن شاء الله .
المناطق اللي بتبقى 60 نقطة و أكتر أوقات كتير بتبقى مناطق متفرعة من مناطق أخرى
يعني لو رجعت لورا ممكن تلاقيها مرتدة من منطقة تانية فهنا أنت بتاخد المنطقة الأصلية أفضل
كمان المناطق اللي بتبقى كبيرة ناس بتستخدمها بكذا طريقة , ممكن تستخدمها و تضع أستوب كبير
و الأهداف بتبقى كبيرة و غالباً المناطق دي بتبقى على اليومي , و في ناس بتاخد أفضل منطقة
بداخل المناطق الكبيرة و تنتظر السعر بداخلها أو تعلق أوردرات هناك .
ممكن تبعتلي الصور للمناطق دي و أنا هاقولك تعمل أية .
بالنسبة للمناطق المتكدسة ورا بعض , لو قصدك أنك بتلاقي مناطق تحت بعض بالظبط
مافيش فارق بينهم بتاخد الأفضل المنطقة الأصلية أما لو في فارق مثلاً 15 نقطة أو 20 نقطة
بينهم و بين بعض عادي ممكن تاخد أي منطقة فيهم و تستنى برايس أكشن يؤكد قوتها و بعدها تدخل .
حاول تبقى تركز على المنطقة اللي حصل منها حركة قوية و بتبقى أصل الحركة زي مثلاً اليورو دولار
هاتلاقي الشارت اللي واضعه موضح فيه الكلام دة كويس .
لو في حاجة مش واضحة أو مش فاهمها أطرحها و إن شاء الله هاساعدك .
بالتوفيق .
ايه رايك في المنطقه دي بالنسبه للباوند استرالي ..... وهل الشمعه المتكونه دي تعتبر برايس اكشن كويس للدخول
أبعد عن أزواج الباوند حالياً لغاية ما يتعافى
كمان أبعد عن فريم الساعة , أنت ممكن تستخدمه أنك لما تلاقي
برايس أكشن على الأربع ساعات تدخل على الساعة علشان تختار أفضل نقطة
بس الإعتماد الأفضل على الأربع ساعات .
كمان البرايس أكشن دة مش يعتبر برايس , أفضل برايس أكشن تعتمد عليه
( الإبتلاعية - الهامر - الشهاب ) بعدهم ( الرجل المشنوق - الهامر المقلوب )
أول ثلاثة هم يعتبروا أفضل برايس أكشن مع العرض و الطلب .
روح تابع الأسترالي كندي لو الشمعة الحالية أغلقت هابطة بعيدة عن المنتصف و قرب اللو
ممكن تدخل بيع بس دة لما يتوافق مع تحليلك الخاص :)
و نصيحة مرة تانية : أبعد عن أزواج الباوند الفترة دي عندك أزواج الدولار و اليورو كويسة للتداول
كمان بعض أزواج النيوزلاندي .
بالتوفيق .
أولا جزاك الله خيرا علي المجهود
ثانيا انا قرأت أول صفحتين من الموضوع و بصراحة عجبني جدا
ان شاء الله هكمل قراءة الموضوع و بعدها ليا أسئلة
بالفعل السعر هبط فور ملامسته للمنطقة حوالي 70 نقطة تقريباً
بالإعتماد على الإستراتيجية فالسعر هبط 30 نقطة تقريباً بس أعتقد دة أفضل لتأكيد الدخول .
الملف المرفق 462641
عدم وجود قوة شرائية كبيرة بالرغم من أن الترند العام اليومي صاعد تسبب في هبوط جيد من منطقة العرض
ذكرت من قبل و هاعيدها مرة أخرى :
من المهم جداً جداً مراقبة حركة الشموع , الشموع مش قادرة تصعد بقوة , في البداية الفوليوم كان ضعيف
و دة كان بيدل على عدم وجود قوة شرائية كبيرة و عدم وجود صناع سوق , و حتى لما الفوليوم بدأ يعلى
بشكل جيد و يتصاعد مازالت الشموع تصعد بشكل ضعيف مكونة ذيول و أخيراً كون الرجل المشنوق
لم تكن مثالية بس الأهم الدلالة وهي وجود ضعف كبير في الصعود , كلها عوامل بتدل على ضعف القوة الشرائية
مافيش قوة كبيرة تدفع السعر بقوة ... حركة بسيطة زي دي تقدر تفيد الناس بشكل عام في أي إستراتيجية تداول .
الدولار فرانك
السعر في إتجاه عرضي و حالياً يسير داخل قناة صاعدة
المناطق اللي هايتم التركيز عليها محددة بالدوائر الحمراء
الملف المرفق 462650
في منطقة محددة بدائرة زرقاء , نراقب السعر عندها :)
الدولار كندي ...
فرصة كانت كويسة النهاردة ...
الملف المرفق 462651
السعر بعد الإغلاق اللي بننتظرة للدخول هبط حوالي 50 نقطة ...
طبعاً أنا أخذت جزء منهم مش كلهم :)
ضعف الإتجاه بدأ يظهر فعلياً عند وجود شمعتى " الهانجينج مان و الشوتينج ستار "
بعدها السعر هبط أغلق بعيد شوية عن اللو بس كمل هبوط بعدها عادي و نزل 50 نقطة .
طبعاً اللي ساعد على الدخول الفوليوم + التشبع + اختراق الموفينج ...
دي النقطة اللي ذكرتها قبل كدة وهي عند أختراق الموفينج الدخول هايبقى نسبته أقوى
و فعلاً دة اللي حصل , لما بيتم أختراق الموفينج و في تشبع و الفوليوم بيأكد الدخول مع النموذج
الفرصة بتبقى أفضل و أفضل .
للأسف منطقة العرض تم إستهلاكها تماماً و أصبحت ضعيفة و لكن يبدوا أن صناع السوق
شايفين أن السعر مش لازم يتجه لأعلى في الوقت الحالي لذا يجب الحرص جداً في الدخول بيع من هناك .
تقريباً مافيش مناطق طلب بردوا كويسة ممكن نعتمد بقوة عليها , مافيش غير منطقة و ضعيفة نوعاً ما .
الدولار ين ...
الأفضل التركيز على شرائه في الأوقات الحالية ...
الملف المرفق 462660
تم تحديد مناطق الطلب بدائرة حمراء .
بالتوفيق :)
الأسترالي كندي للمرة الثانية ...
الملف المرفق 462813
السعر وصل مرة تانية لمنطقة العرض و قرب جداً من مستوى 1.00700
كمان عمل أختراق كاذب للقناة الهابطة و رجع أغلق تاني بداخلها
دة غير النموذج اللي عمله عند المنطقة ...
على ما أعتقد الصورة بألف كلمة زي ما بيقولوا :)
السعر وصل لمنطقة العرض بس النموذج كان ضعيف و السعر نزل من بعده
حوالي 35 نقطة بس الفضل الأساسي لها منطقة المقاومة في الأعلى
المنطقة واضح أنه تم إستهلاكلها خلاص يعني ماينفعش يتم الإعتماد عليها .
الملف المرفق 462814