اقتباس:
المشاركة الأصلية كتبت بواسطة herohok
علي فكره يظهر ان كلنا فعلا متزاولين واحنا مش حاسين
نفس الظروف بتحصل معايا بس علي اخف شويه:wub:
فيه مثل صينى بيقول
أعرف نفسك تخدم بلدك
المثل ده معناه كبير جداً .. وأكبر دليل إن الصين من النمور الأسياوية .. ومعناه إنك لآزم تعرف أمكانياتك كويس وتواجه نفسك بعيوبك قبل ما حد يواجهك بيها .. وتكون مرآة صادقة لنفسك .. يعنى مثلاً .. أنا لىّ عم رحمه الله توفى .. كان معوق فى يده اليمنى .. وكان يحب الأعمال اليدوية على الرغم من ذلك .. كنوع من تحدى الإعاقة .. كان دايماً يتريقوا عليه عشان الموضوع ده .. من هواياته صيد السمك والكتابة على الآلة الكاتبة حتى أنه ارتزق منها فى فترة من حياته وكان اسرع من ناس كتير سليمة فى الكتابة .. كان وهو صغير يلعب كرة قدم وكان أفضل جون بيد واحدة .. شخصية مثيرة للدهشة فعلاً .. هو عرف نفسه وواجه نفسه بعيوبه الجسمانية .. وتغلب عليها .. من هنا بدأت أتعرف على نفسى وواجهت حقيقة إنى متزاول
وتخدم بلدك لأن لو كل واحد حسن من نفسه ستكون البلد راقية لأن البلد بشعبها أولاً .. والصين أهى قدامكم مش بعيدة .. كانت فقيرة .. بس نتيجة تحسين كل فرد صينى لنفسه والكل يعمل حسب امكانياته أصبحت قوية جداً اقتصادياً وغزت الأسواق العالمية بمنتجاتها حتى أنهم يصدرون فانوس رمضان للشعوب المسلمة .. عايز إيه تانى بقى
مش ده بس المثل الوحيد اللى بقتدى بيه الصين عندهم أمثلة منها
من أعطانى سمكة أشبعنى يوم ومن علمنى الصيد فقد أشبعنى كل يوم
طبعاً ده مشهور جداً ومعناه واضح
مثل تانى بيقول
لا تقلل من مصروفاتك ولكن زد من مواردك
يعنى انت متبخلش على نفسك وتضغط مصروفك .. انت اصرف اللى يقضيك ولكن ابحث دائماً على مصادر دخل تساعدك على تغطية هذا المصروف .. ايه الفائدة من ضغط المصروف غير ضغط أكثر على حالتك النفسية وحرمانك من الكثير .. زد من دخلك وأفعل ما تشاء
