افضل شركات الوساطة المصرية

[eg_falcon]

هل من مرشد عن افضل شركات الوساطة المصرية

[mobtd2_msry]

تصدق أنا عمرى ماسمعت حتى عن شركة وساطة عربية ...!!!

[Peace4all]

هل من مرشد عن افضل شركات الوساطة المصرية

اكيد انت تقصد شركة وساطة لشركة مثلا امريكية او سويسرية او اي شركة خارج مصر , لو دا سؤالك فهو في كتير جدا جدا بس خدها مني نصيحة للاسف مش امناء او بمعني اصح بيخدوا منك عمولة ازيد من الشركة الام وانا ليه صديق عنده شركة زي دي في مصر وبياخد علي العقد 40$ بدون اي عمولات مع ان الشركة الاصلية لا تاخد هذه العمولة اصلا فانصحك ابتعد عنها , اما لو تقصد شركة وساطة مصرية فلا يوجد اطلاقا الا في البنوك ومش لاي شخص وحتي لو عرفت تتعامل مع بنك فبرضة انصحك بلاش لان التداول عن طريقهم بالتليفون ( منغير بلاتفورم ) دا غير العمولة الزائدة دا غير الخدمة السيئة جدا جدا من الاخر حاجه عاملة زي شركات الوساطة بتاعت الاسهم كدا
اتمني اكون افدتك

[eg_falcon]

شكرا اخي peace4all لكن هل سمعت عن شركة emoney-poWer او شركة fxegypt

[Tarek egy fx]

الاخوة اللى اخدوا قرصات فى emoney power بيشتكوا منها فى موضوع عن كده ممكن تعمل عنه بحث والله اعلم لكن انا ما جربتش

من كام يوم كنت بقرأ الوسيط ولقيت اعلانات عن تجارة العملة ....اعلانات غريبة

تعلم كيف تحقق 800% شهريا وحاجات زى كده
واعلان اخر كيف تحقق كام...من كام مش فاكر الارقام لكن نسب عالية مبالغ فيها
اللى يقولك كده متصدقوش
لانه لو كان يقدر يجيبهم ما كانش حيحتاجك علشان تدفعلو فلوس قرص او عمولة
(هذه النسب ليست مستحيلة فى الفوركس لكن لا تصدق الدعايات لان تحقيقها يتطلب مخاطرة عالية تعملها فى مسابقة على الديمو لكن مش فى حساب حقيقى)
يظل الفوركس صاحب اكبر نسبة ارباح للناس اللى فاهمين ومتعلمين صح باذن الله نبقى منهم واكبر نسبة خسارة للفهلوية والنص تعليم

عليك بالتعليم والمنتديات مليئة ولو احتجت اى كتب انا فى الخدمة باذن الله

[Tarek egy fx]

احب اضيف فى شركات محترمة ومضمونة باذن الله سويسرية وكندية وامريكية ومعترف بيها من الجهات الرسمية فى بلادها
وابعد عن الفهلوة المصرية فى الفوركس

تحياتى

[أسامة سيد]

احب اضيف فى شركات محترمة ومضمونة باذن الله سويسرية وكندية وامريكية ومعترف بيها من الجهات الرسمية فى بلادها
وابعد عن الفهلوة المصرية فى الفوركس

تحياتى

أيوا أنا بأتفق مع طارق

للأسف فيه ناس كتير في مصر متفوقين في النصب والاحتيال بطرق شيك و قانونية !!!!!!

[ahmed hanafy]

هل من مرشد عن افضل شركات الوساطة المصرية

اليك المرشد و المنقذ

https://forum.arabictrader.com/showt...ht=money+power

تحياتى يا غالى

[Peace4all]

شكرا اخي peace4all لكن هل سمعت عن شركة emoney-poWer او شركة fxegypt

اولا انا طبعا بسمع عنها لكن المهم المصدقية وبخصوص الموضوع دا اتكلمت مع الاستاذ احمد حنفي بالتليفون لانه هو جربها تجربة شخصية لكن للاسف هما حتي كلامهم غير منطقي ومنهم الشركة اللي باعت كتاب forex4arab اتصلوا بيه لاني كنت شاري الكتاب منهم وعرضوا عليه استراتيجية ب300$ وانا قلتله ما هي ادوات الاستراتيجية قالي مش هينفع اقولك فاستغربت من كدا ورديت باني مش عايز اعرف الطريقة انا عايز بس اعرف الادوات وهل انت عامل مثلا حاجه جديدة كتحليل او مؤشرات قالي لا هيه تركيبة مع بعض فقلتله يعني ببساطة لو قلتلي هي بتعتمد علي ايه اكيد مش هعرف اشتغل بدون الطريقة في الاستعمال المهم علشان مطولش عليك رفض انه يقولي المؤشرات ولكن النكتة القوية بقي هي ان قالي ان نسبة الربح من 10% الي 60% (من قيمة الحساب ) واكد عليه ان انا ممكن بكل بساطة وبدون تعب اكسب 10% شهريا , طيب بزمتك دا كلام منطقي يعني اكبر بيوت الاستثمار والمضاربين بيقولك من 5% الي 20 او 30 % , فمعلش يا اخي اسمحلي اقولك ان لازم الواحد يوزن الكلام في عقلة الاول وبعدين هقولك حاجه اهم احنا كبلد ونظام عام فيها نفتقد للمصداقية في كل شيء فطبيعي لازم اكون محرص من حتي اخوية , ولعلمك بقي انه لما حس اني فاهم شوية متصلش بيه تاني والكلام دا من حوالي شهرين او اقل تقريبا لان للاسف هما بيعتمدوا علي الناس اللي معندهاش فكرة , وعموما يا اخي لو حبيت اي مساعده انا ممكن اساعدك ومنغير اي فلوس خالص واضمنلك اني هعلمك اكتر من كل النصابين دول بس كتحليل فني مش استراتيجية وان شاء الله بعدها تقدر تكمل لوحدك

[eg_falcon]

مشكورين اخواني هي الفكرة ان الواحد كان عايز شركة في مصر و ذلك لسهولة التعامل بدلا من الدخول في متاهات التحويلات و الـ E-GOLD وما شابه و لا ايه الراي

[Peace4all]

مشكورين اخواني هي الفكرة ان الواحد كان عايز شركة في مصر و ذلك لسهولة التعامل بدلا من الدخول في متاهات التحويلات و الـ E-GOLD وما شابه و لا ايه الراي

عندك حلين يا اما تعرف تتداول عن طريق بنك بس بدون بلاتفورم ومش اي بنك ولازم تبقي عميل كبير عندهم دا غير العمولة الكبيرة ( بتوصل ل20 نقطة ) ولو تحب حتي تستفسر عن الموضوع دا يمكن يكون النظام اتغير لان الكلام دا من حوالي 7 او 8 سنين ( مع العلم ان الوضع كل مدا بيصعب ) روح المصرف العربي لان دا المصرف الوحيد اللي ملوش رقابة جامده من البنك المركزي ( بصراحة معرفش اليه تعاملة مع البنك المركزي بالظبط لكن هو كان بيعمل عمليات مشابة كثيرة ايام ازمة الدولار ومحدش كان عارف يوقفة ) ويفضل الفرع بتاع التحرير خلف فندق النيل هيلتون تقريبا او مركز التجارة العالمي , والحل التاني هو اسوء بكثير جدا جدا وهو ان في شركات هنا في مصر(بس معرفهاس بالاسم) بتاخد منك فلوس مثلا 1000$ ويمكن اقل وبتسمحلك تتاجر بيها (برضة بدون بلات فورم يعني بالتليفون ) وهما بيتاجروا بحسابات مع شركات وساطة ولكن للاسف حرامية 100% يعني مثلا من حوالي 5 سنين كنت اعرف واحد بيشتغل معاهم واشتري عقد يورو والسعر طلع واتصل قلهم بيعوا فقالوا له ان السعر غير صحيح وانا وقتها طبعت له الشاشة من رويترز واخدها معاه لكن مقتنعوش بيها رغم ان عندهم رويترز ايضا ولكن معرفش الاليه ايضا من ناحية العملة وقيمة العقد والكلام دا كله لاني وقتها كنت بشتغل كاش مش بالمارجن ومع بنك زي المصرف العربي اتمني اكون افدتك

ملحوظة
متنساش المصرف العربي مش البنك العربي خد بالك مصرف مش بنك
ولهم فرع في الميرغني قدام فرع موبينيل وماكد دونالد علي الرصيف التاني بس زي ما قلتلك يفضل فرع التحرير

[EGY-MAN]

نصيحه لوجه الله ابعد عن الشركات اللى فى مصر مع انى متعاملتش معاها

بس عندك كل الشركات ممكن تتعاقد معاها بدون وسيط ولا عمولات اضافيه ورسوم زياده
يعنى عايز تسيب الاصل و تمسك فى الفروع

و بعدين موضوع الويلات والعاقد فى البدايه انا كنت حاسس زيك انه فيلم بس بعد اول مره اسهل من السهوله

و لو المبلغ كبير و خايف عليه قوانين مصر مش هتساعدك ببصله لو حصل حاجه

فى شركة مان فاينينشال كندا عامله تامين للارصده حتى مليون دولار ولو اكتر من كده افتح حسابين و هكذا

المهم متنساش تدعيلى

[عبده المصرى]

اخى الكريم ضيفنى على ماسنجر الياهوو لنتشاور ما هى المشكلة عندك ونحلها باذن الله تعالى،،،،