همسات فوركسية

[زهر الرمان]

سبحان مغير الأحوال ..
من اسبوعين بس بعض اساطين التحليل الفني كان يوصي ببيع كل العملات امام الدولار ويصر على هالشي
واكتر من هيك حدد مناطق بيع باعتبارها مراكز على المدى البعيد
الزلمة كان يحكي بثقة مفرطة كتير .. حقه اله اسمه وسمعته
بس انه بين ليلة وضحاها يتغير الحال وتصير التوصيات شراء بدل البيع هاد شي لازم الواحد يوقف عنده
القصد مو تقليل من الاحترام معاذ الله .. مين نحنا ومين انت ياباشا
القصد تذكيرك بس انه الكلمة أمانة
كلنا منغلط والغلط مو عيب .. بس ااقلها منعتذر منوضح .. منقول حقكم علينا ياناس خربنا بيوتكم وخسرناكم بلاوي
على كل مالح وقف عند المحللين الكبار كتير لانه غايتي مو هون
غايتي الناس البسطاء اللي متلي اللي عقلهم وتفكيرهم وعلمهم على قده واللي ناطرين قرش من السما
يفرج هم من همومهم
لحبايبي وشلتي هدول لح قول أول وأهم قاعدة بالفوركس
إذا كان اكبر المحللين بيفشلوا وإنت بتفشل .. وبينجحوا وكمان انت بتنجح
معناها ثق بنفسك لح كررها ثق بنفسك
ولا تتبع على العمياني اي محلل مهما كان كبير وتذكر أن رايه فقط للاستئناس.. للاستئناس مو أكتر
قالوها من زمان مابحك جلدك غير ضفرك ..
وتذكر وقت بتخسر بتخسر انت .. ووقت بتنجح بتنجح انت
من هيك اذا مقدر عليك توقع مو مشكلة بس لاتخلي حدا يدفشك
واذا مقدر عليك تبقى واقف ياسلام بس لاتخلي حدا يسندك
( للدفش عنوان )

[iyad_abed]

بسم الله الرحمن الرحيم
معلش اخ زهر الرمان
حط في بالك ياغالي انه هاد سوق مرن كل فترة صغيرة في تغير اتجاه
ومرن جدا وكل سناريو اله عكس ومحدش عارف اشي ومحدش بقدر يقول وين السعر رايح
ربنا يعوضك خير
انا تعليقي ع حسب مابشوف تفكيرة الاخوة ونظراتهم للعملات
انو اهدافهم كبيرة وبحللو العملة حابين انها تمشي متل ماهم بدهم
والسوق طالع نازل بمزمز

الحمد لله بالنسبة الي بحب التذبذب اكتر من الاتجاه
الاتجاه لو مشي السوق عرضي وعمل فلاق انا بدخل عكسه على امل انه تذبذب هههههه

سوق غير متوقع بفوت بصفقات غير متوقعة والحمد لله

[زهر الرمان]

أخي اياد:
عن نفسي اموري بخير والحمد لله ..
كلامك عن مرونة السوق وعدم استطاعة أحد الجزم باتجاهه هو الكلام الصحيح ويعتبر من المسلمات .
أما موضوع الإتجاه فسيكون لي وقفة مطولة عنده ..
شكرا لمرورك ياطيب