النتائج 1 إلى 15 من 74
- 25-01-2015, 07:19 AM #1
استرتيجية هيدج مع تبريد مع تعزيز بطريقة مختلفة تحتاج اكسبرت دقيق من الاساتذه الكرام
السلام عليكم جميعا
بعد البحث والدراسة فى عالم الفوركس وصلت لاسترتيجية مختلفة كتير عن كل الاستراتيجيات اللى درستها ورأيتها قبل كده
ولكن مثل كل استرتيجية بها اعدادات كثيرة فمتابعتها يدويا تكاد تكون مستحيلة خصوصا عند تحرك السوق السريع وهذا كثيرا ما يحدث
بصراحة انا تعبت علشان استطيع أضع تخطيط شرح هذه الاسترتيجية بالرسم والتحليل هنا نظرا لأنها فكرة رقمية ولا ترتبط بسعر العملة أو مسار اتجاهها. علشان كده ارجو الاهتمام بها من السادة المبرمجين وايضا ارحب جدا بأى أفكار جديدة من السادة الأعضاء تضيف للفكرة وتجعلها أقوى فى التطبيق فكلنا هنا اخوة وسوق الفوركس يساع الكل ويفيض وربنا يكرم الجميع ان شاء الله.
الفكرة اساسها الهيدج مع التبريد ومع التعزيز
أنا قمت برسم مخطط لشارت عملات وشرحت فيه الفكرة الاساسية وهى كالتالى:
* نقوم بفتح صفقتين فى اتجاهين مختلفين ( بيع وشراء ) ولكن بلوت مختلف
لقد وضعت فى الرسم التوضيحى ان يكون لوت الشراء 0.10 ( أعلم انه المفروض احذف الصفر بعد الواحد ولكن تركته ليكون الفرق واضح فى شرح قيمة اللوت ليس أكثر )
فى نفس الوقت نفتح لوت بيع بقيمة 0.01 . ولنختار step بقيمة 20 نقطه على سبيل المثال.
كما هو مبين بالرسم اذا اتجهت العملة فى نفس اتجاه لوت الشراء الأكبر فى القيمة هنا فسوف تأخذ لوت بنفس القيمة عند الوصول للاستيب
* ملحوظة يمكن تغيير هذا المعامل من اعدادات الاكسبرت لاحقا ان شاء الله فمثلا فى هذه الحالة تكون اعدادات المعامل بقيمة ( صفر ) أى يضع نفس القيمة الأولى للوت وهو ( 0.10) بدون زيادة أو نقص.
ولكن يمكن تغيرها بحيث تكون ( 0.01 ) مثلا يعنى اللوتات التالية تكون ( 0.11 & 0.12 & 0.013 & 0.14 وهكذا )
أو تكون مثلا (0.02 ) يعنى اللوت التالى يكون ( 0.12 & 0.14 & 0.16 & 0.18 وهكذا )
وبشكل عام نحافظ على اعدادات واحدة بالنسبة للبيع والشراء حتى يتم الحفاظ على توازن الحساب.
وعلى العموم ستغلق الصفقة على الربح المحدد اذا اتجهت فى اتجاه الشراء لأنه هيكون فيه فرق بين صفقات التعزيز ( الشراء ) وصفقات التبريد وهى ( البيع ) لأن البيع سوف يسير فى التبريد بمعدل أقل وهو 0.01 فقط لكل صفقة.
ملحوظة: عند الربح تغلق جميع الصفقات البيع والشراء ونبدأ صفقات جديدة.
أنا وضعت فى المرفقات مخطط لشارت مع الاستيب ومسار الصفقات وقيمتها موضحة مع الشرح على المخطط
يبقى الآن اذا سارت الصفقة فى اتجاه البيع.. سوف اشرحه فى الصفحة القادمة علشان ترتيب الأفكار فى الاسترتيجيةآخر تعديل بواسطة egyptian37 ، 25-01-2015 الساعة 07:32 AM
- 25-01-2015, 08:44 AM #2
الآن لو سارت العملة فى اتجاه صفقة البيع كما فى الشرح الموضح.
سيكون هناك ثلاث سيناريوهات للصفقة تسير فيها.
* الأول وهو أن يسير فى اتجاه البيع لعدد نقاط محدد ولتكن مثلا 100 نقطة فى اتجاه البيع واحنا وضعنا الاستيب 20 نقطة فسوف نقوم بفتح عدد من صفقات التبريد فى الشراء كما هو موضح بالرسم ( مثلا اربع صفقات مع الصفقة الأولى فتكون 0.10 + 0.09 + 0.08 + 0.07 + 0.06 )
وبالتالى هيكون فى صفقات تعزيز بيع ولكن بقيمة أقل ( 0.01 + 0.02 + 0.03 + 0.04 + 0.05 )
واذا ارتد السعر هنا فى اتجاه الشراء فسوف تغلق الصفقات جميعها على الربح المحدد. ولا ننسى غلق جميع الصفقات مع تحقيق الربح المحدد فى أى اتجاه ( شراء أو بيع ) ونفتح صفقات جديدة .
* الثانى وهو ان يسير السعر لمسافة كبيرة فى اتجاه البيع حتى تصبح النتيجة بالموجب نظرا لترتيب وضع صفقات التعزيز فى البيع كما هو موضح بالرسم وهنا سوف تغلق الصفقة على الربح المحدد.
* الثالث وهو ان يسير السعر فى اتجاه البيع حتى يصل الى نتيجة تساوى (صفر) فى المكاسب أى ( تعادل ) ويعاود التصحيح فى اتجاه الشراء ويحدث هذا فى حالة عدم استقرار ترند العملة على اتجاه تسير فيه. فسوف ننتظر حتى يتغلب اتجاه البيع أو الشراء على الآخر وتغلق الصفقة على ربح.
والله فى الحالة التالتة لو فى امكانية غلق جميع الصفقات على مجموع صفر مكاسب أو تحديد مثلا نقطة ( الزيرو مكسب ) فى هذه الحالة ووضع حد بشكل ما لها كأوامر اغلاق مثل:
( beak even,stop loss, take profit ) بحيث لو استمرت الصفقات فى اتجاه المكسب فتكمل الاتجاه وتغلق الصفقات على مكسب أو لو رجعت فى الاتجاه العاكس فتغلق جميع الصفقات على مجموع صفر مكسب ونقوم بفتح صفقات جديدة وهى باردو فكرة كويسة جدا.
هناك ميزتان واضحتان لهذه الاسترتيجية
الأولى هى محاولة الحفاظ على توازن الحساب بصفقات التبريد والتعزيز فى نفس الوقت
الثانية هى انها تصلح تماما فى حالة الرالى والذى يزعج معظم اللى بيشتغلوا على صفقات التبريد بالمضاعفات العادية
أنا مع حضراتكم فى أى استفسارات أو اقتراحات حتى نقوم بانجاز هذا الاكسبرت وشكرا للجميعآخر تعديل بواسطة egyptian37 ، 25-01-2015 الساعة 08:50 AM
- 25-01-2015, 08:45 AM #3
فكرة تستحق المتابعة ............. يبقى شرح مستويات جني الارباح ولاتنسى
السبريد الدي قد ياخد كتيرا من الارباح
- 25-01-2015, 08:56 AM #4
شكرا لمرورك الكريم... أما بالنسبة للاسبريد مش هيكون مشكلة لأننا سنحدد قيمة الربح من البداية واللى افضل يكون بالدولار وبالنقاط حتى يكون هناك اختيارات للربح ولن تغلق الصفقات الا على الربح اللى نحدده من البداية.
- 25-01-2015, 11:08 AM #5بالنسبة لاعداداات الاكسبرت فهذه بعض الاقتراحات لها
أمر فتح صفقة الشراء: ( Order Buy ( True, False
حجم عقد الشراء : Buy lot size
عامل النقص لعقد الشراء : Buy decrease factor
عامل الزيادة لعقد الشراء : Buy increase factor
أمر فتح صفقة بيع : ( Order Sell ( True, False
حجم عقد البيع : Sell lot size
عامل النقص لعقد البيع: Sell decrease factor
عامل الزيادة لعقد البيع: Sell increase factor
فرق النقاط : Step
جنى الربح بالنقاط: Profit in pips
جنى الأرباح بالدولار: Profit in USD
وقف الخسارةبالنقاط: Stop loss in pips
وقف الخسارة بالدولار: Stop loss in USD
غلق كل الصفقات على الربح أو الخسارة: Close all orders
استخدام وقت محدد لعمل الاكسبرت: use time filter ) true, false )
تحديد ساعات العمل:
Trailing Step
Trailing Stop
Break even
لو أمكن ايضا وضع أمر لغلق الصفقات لو وصلت لمجموع صفر مكسب كما ذكرت فى المشاركة السابقة.
أيضا كما ذكرت فى المشاركة السابقة بخصوص عامل الزياده والنقص فى اللوت الذى نحدده.
عالعموم أنا بأحاول بس أوضح الفكرة اكتر بكتابة بعض الاعدادات فى الاكسبرت ولكن طبعا حضراتكم لكم وجهة نظر وخبرة أفضل بكثير فى طرق تنظيم أوامر البرمجة وانواعها.
وأنا فى انتظار الرد على أى استفسار وآراء السادة الأعضاء الكرامآخر تعديل بواسطة egyptian37 ، 25-01-2015 الساعة 11:36 AM
- 26-01-2015, 11:56 PM #6
هل ممكن ان تضع حسابات رياضيه لتحرك السعر في إتجاه البيع وفي إتجاه الشراء لقدار معين من النقاط مثلا 70 ، 130 ، 270 و 1200 لنرى كيف سيتعامل مع الترند
- 27-01-2015, 02:56 AM #7
أنا كنت بأحسب الحسابات اللى طلبتها بس لقيت إنى لو وضحتلك الفكرة اكتر هتتفهم اكتر ان الطريقة ديه جميلة وخصوصا فى الرالى لأن على حسب ترتيب الصفقات لو سارت العملة فى رالى فى اتجاه الصفقة اللى بدأت بلوت أكبر ( 0.10 مثلا ) يبقى هتفتح وتقفل الصفقات على ربح وراء بعض لغاية ميخلص الرالى.
ولو تحركت الصفقة فى الاتجاه المعاكس وهو اتجاه الصفقة التى تبدأ بلوت أقل ( 0.01 مثلا ) يبقى هيتم فتح صفقات بيع وشراء حتى يصل السعر للموجب ومن ثم تغلق الصفقة. بجد الفكرة مختلفة تماما وكمان يا سيدى ممكن تحط الاكسبرت مرتين على نفس العملة بس بالاعدادات العكسية. علشان حتى لو تحركت العملة فى أى اتجاه يكون فى مكاسب تضاف للحساب طوووول الوقت.
وممكن نعمل الخاصية ديه فى نفس الاكسبرت .. يعنى من سيتكرم ويتفضل بمساعدتنا على تنفيذ الاكسبرت من السادة الكرام الخبراء هنا فمن الممكن عمل أمر فى الاكسبرت لاختيار فتح صفقات لنفس العملة ولكن بعكس الاعدادات ( Open reverse orders ) (True / False) وكمثال:
بدأنا اول صفتين شراء بلوت 0.10 وصفقة البيع بلوت 0.01 ويسيروا فى الشغل عالحساب كصفقات مستقلة ولهم ربح منفصل عن الصفقات الأخرى.
ويقوم بفتح صفقتين تانى فى نفس الوقت يتعامل معهم الاكسبرت كصفقات منفصلة بمعنى يفتح صفقة شراء بلوت 0.01 وصفقة بيع بلوت 0.10 يعنى العكس ويشتغلوا كصفقات منفصلة كما أشرت.
اتمنى تكون الفكرة وصلت واكيد فى افكار تانى ممكن تضاف هنا بس نبتدى فى عمل الاكسبرت ان شاء الله. وأنا كمان شايف المشاهدات هنا كتير جدا فى وقت قصير وده دليل على الاهتمام بالفكرة ويبقى كويس لو اشوف تعليقاتكم وافكاركم معنا يا جماعة.
- 27-01-2015, 04:26 AM #8
هي فعلا فكره ممتازه جدا جدا جدا .......................خاصة إدا كان الاكسبيرت يعمل كالمنشار في صفقات بيع مع تبريد و تعزيز
توازيها صفقات شراء مع تبريد و تعزيز
لن يكون هناك ضغط على الحساب ويمكن العمل على الكثير من الازواج دفعة واحده
في إنتضار المساعده
- 27-01-2015, 06:00 AM #9
تماااااااااااام يبقى حضرتك كده فهمت الفكرة وقدرت تعرف مميزاتها فى الحفاظ على توازن الحساب كمان..
وان شاء الله يقوم السادة المبرمجين بالمساعدة خاصة انى قمت بشرح الاستراتيجية باستفاضه.
وبالنسبة لحفظ عدد التريدات متساوى فى القيمة بالنسبة للمضاعفة أو النقص فى قيمة اللوت فيمكن نضع اختيار لعدد الصفقات المتغيرة فى الاكسبرت ( Max. Lot. Level ) وأنا شفت المثال ده موجود فى اكسبيرتات أخرى.
كده أنا عملت اللى عليا وطرحت الأفكار وتطبيقها ويبقى أن اتشرف بأحد المبرمجين الخبراء فى المنتدى للمساعدة وأنا بأحاول أن لا أسمى أحد المبرمجين المحترمين بعينه للحفاظ على قواعد المنتدى ولكنى متأكد أن بالمنتدى نخبة من أقوى المبرمجين على مستوى جميع المنتديات المشابهة وهذا من اسباب قوة هذا المنتدى بشكل عام وتفوقه على كثير من المنتديات الأخرى. وشكرا للجميع
- 27-01-2015, 02:32 PM #10
فى انتظار تفاعل الأعضاء
- 27-01-2015, 04:38 PM #11
عشان أستوعب معاك حنبتدي بأسئلة للتوضيح .
- الأوامر حتكون معلقة ولا ماركت ؟
- هل حنعمل هدف ووقف خسارة وتريلنج وستوب لوس لكل عقد أم سيكون الأغلاق بالربح الجماعي بالدولار لكل صفقات للزوج الواحد ثم نبتدي من جديد ؟
- 27-01-2015, 09:24 PM #12
أهلا بيك أستاذ جميل.. شكرا لاهتمامك بالموضوع وعندك حق فى سؤالك لأنى باردو كنت متردد فى نوعية الأوردر لأنه من وجهة نظرى ألأفضل تكون أوامر معلقة بس مشكلة الأوامر المعلقة أنها سوف تقيدنا بعدد عقود محدده من بداية الصفقة وكمان ممكن تخلى تنفيذ الأوامر بطئ شوية بالذات فى أول أمر! علشان كده بأقول تكون الأوامر ماركت بس طبعا فى اتجاه واحد يعنى الصفقة ( سواء كانت تبريد أو تعزيز ) متتاخدش غير مرة واحدة وتفضل موجودة لغاية متقفل جميع الصفقات ويتم تحديد اللوت ومعامل التغير للصفقات من الاكسبرت. وياريت باردو لو نضع متغير للصفقات اذا كانت تنزل فى الحال أو على مسافة معينة من سعر فتح الصفقة.
بالنسبة للهدف ووقف الخسارة والاستوب للعقود كلها التبريد والتعزيز فى جميع الاتجاهات فيكون الاغلاق بالربح الجماعى سواء بالدولار او بمتوسط النقاط ثم نبتدىمن جديد.
مع الشكر لتعبك معانا استاذ جميل
- 27-01-2015, 11:56 PM #13
ميزة الأوردرات المعلقة انك بتضمنها في الحركة السريعة وهي الأفضل برغم صعوبة التعامل معها برمجياً في مثل هذه الحالة .
- 28-01-2015, 04:28 AM #14
ألف شكر استاذ جميل على ردك بالشكل المبدئى للاكسبرت اللى هيكون ان شاء الله حجر الاساس لاكسبرت متميز مع الاضافات والتطوير..
أنا جربت الاكسبرت ولقيته بيفتح عقد الباى ليمت والسيل ليمت بعقد 0.10 ثابت بدون تغيير ولا يقوم بفتح عقود باى استوب. وبالنسبة للسيل استوب فيقوم بزيادة الصفقة ب 0.01 على حسب الاعدادات الرئسية ولكن تستمر الزيادة بعدد الصفقات المعلقة بدون توقف. عالعموم مش مشكلة لأنه بالاعدادات ديه هو اكسبرت مبدئى للتجربة وبداية لتشكيل الفكرة الاساسية للاكسبرت وعلشان كده أنا قلت انى الأول أوصل لحضرتك فكرتى فى جملتين من غير أرقام وحسابات..
الفكرة ترتكز على مسايرة اتجاه السوق فى حجم الصفقات مع الحفاظ على توازن الحساب بتوازن احجام عقود الصفقات المختلفة.. وفى حالتنا الباى والسل استوب هتكون هى صفقات اتجاه السوق.. وبالتالى هى الصفقات الأكبر..
أما بالنسبة للباى والسل ليمت هى عكس اتجاه السوق فتكون الصفقات الأقل.
هى ديه الفكرة باختصار مستر جميل.
وعلشان نحقق الفكرة ديه يبقى أهم حاجة هى التحكم فى حجم الصفقات واتجاهها وعددها علشان نحافظ على توازن الحساب.
وعليه فكما اوضحت لحضرتك من قبل فوجود اعدادات منفردة لكل صفقة ( Buy stop, sell stop, buy limit, sell limit ) فى الاكسبرت هى من أهم شروط عمل الاكسبرت بالطريقة الصحيحة.
وعلى العموم طالما هنشتغل أوامر معلقة وهى افضل كما ذكرت حضرتك. يبقى ممكن اوصل لحضرتك الفكرة تانى عن طريق الاعدادات المقترحة فى الاكسبرت.
وسنقسمها لأربع خانات لكل اتجاه صفقة ( الباى ستوب & السيل استوب & الباى ليمت & السيل ليمتد ) وتشتمل على أهم الاعدادات لكل منها والتى نحددها فى الاكسبرت وهى ( ملحوظة سنكرر نفس الأوامر لكل اتجاه فى الأربع اتجاهات للصفقات ) :
-------------------------------------------------------------------------------------------------------------------------------------
* أمر فتح صفقة: ( Order ( True, False
* عدد الأوامر المعلقة:
* أمر وضع أول امر للصفقة مباشرة بسعر السوق: ( true/false) وطبعا فى الحالة دية هينزل اول امر بسعر السوق مع أمر تشغيل الاكسبرت على المنصة. وتوضع باقى الأوامر المعلقة لنفس الصفقة بالاستيب اللى نحدده.
* حجم العقد : lot size
* فرق النقاط : Step
* عامل النقص: Order decrease factor .. ونحدد هنا القيمة اللى نختارها لنقص العقد ولو تركناها بقيمة صفر يبقى هيفضل بنفس القيمة لا يتغير.
* عامل الزيادة: Order increase factor .. ونحدد هنا القيمة اللى نختارها لزيادة العقد ولو تركناها بقيمة صفر يبقى هيفضل بنفس القيمة لا يتغير.
* عدد الصفقات التى تعمل بعامل الزيادة أو النقص: Max. lot level ..
- والمقصود بال ( Maximum lot size ) هنا هو عند وضع عدد معين فى هذا الأمر وليكن ( 20 مثلا ) فيتم تشغيل معامل النقص والزيادة لعدد العشرين صفقة الأولى فى عدد الصفقات المعلقة المفتوحة من البداية. بمعنى لو عندنا 30 صفقة معلقة من البداية فيتم حساب النقص والزيادة فى العشرين عقد معلق الأولى. أما العشرة عقود المعلقة الأخيرة فتنزل بنفس قيمة العقد رقم عشرين الذى انتهى اليه.
----------------------------------------------------------------------------------------------------------------------------------------
وبالنسبة لباقى الأوامر فهى أوامر مجمعة لكل الصفقات
جنى الأرباح بالدولار: Profit in USD
أمر جنى الربح بالنقاط : Profit in pips ( لو كان امكانية وضعه صعبة مش مشكلة ممكن الاستغناء عنه)
وقف الخسارةبالنقاط: Stop loss in pips ( لو كان امكانية وضعه صعبة مش مشكلة ممكن الاستغناء عنه)
وقف الخسارة بالدولار: Stop loss in USD
غلق كل الصفقات على الربح أو الخسارة: Close all orders
استخدام وقت محدد لعمل الاكسبرت: use time filter ) true, false )
تحديد ساعات العمل:
Trailing Step
Trailing Stop
Break even
* ملحوظة ممكن حضرتك للاستفادة القصوى من الاكسبرت أن تقوم ببرمجة أمر ( reserve orders ) وتجعلها ( true / false ) وده لو اخترنا ( true ) يقوم بفتح فى نفس الوقت نفس الصفقات بس بالعكس لكل الاتجاهات والاعدادات اللى وضعناها فى الاكسبرت. وهذا سيعمل بشكل منفرد ويعلق العقودات منفردا بس بالعكس عن الاعدادات والعقودات الأصلية بالنسبة لحجم العقود والاتجاهات الأصلية ويتفق فقط فى الاعدادات المجمعة للاكسبرت كجنى الارباح ويغلق عقوداته منفردا كاسبرت منفصل .وبهذا نقتنص فرص البيع والشراء طول الوقت وايضا نكون قد حافظنا بشكل يكاد يكون كامل على توازن الحساب.
بكدة يبقى أنا أوضحت لحضرتك أهم الاعدادات فى الاكسبرت وهنواصل مع بعض حتى الوصول لشكله الأمثل ان شاء الله.
ألف ألف شكر لأن بمساعدة حضرتك ممكن للفكرة الغير عادية لهذا الاكسبرت ان ترى النور واتمنى أن تكون سبب لمنفعة الآخرين بمساعدة واشراف حضرتك ان شاء اللهآخر تعديل بواسطة egyptian37 ، 28-01-2015 الساعة 04:57 AM
- 28-01-2015, 05:08 AM #15
معذرة الاكسبرت المبدئى بيفتح باى استوب بعقد 0.10 بزيادة 0.01 فى الصفات