تداول الفوركس في سوريا

[agm.bz]

تحية طيبة إلى جميع الأعضاء الكرام

سؤالي ماهي طريقة تداول الفوركس في سوريا مثل فتح حساب والإيداع السحب؟
خاصة أن جميع عمليات التحويل الخارجية ممنوعة

وسمعت عن وجود أشخاص في سوريا يعملون كوسيط مالي للشركات العالمية ولكن لا أعرف مدى صحة ومصداقية هذا الموضوع

فالرجاء من الأخوة وخاصة السوريين إذا أحد يدلني على طريقة فتح حساب حقيقي من سوريا وتفاصيل الإيداع والسحب

ولكم جزيل الشكر

[agm.bz]

عفواً....

بسبب عدم وجود ردود أو مشاركات
إما أنه لا توجد إمكانية لتداول الفوركس في سوريا

أو أني فتحت الموضوع في القسم الخطأ

كان يجب أن أفتح الموضوع في منتدى شركات الوساطة

لكن لا يظهر عندي زر إضافة موضوع في منتدى شركات الوساطة

أرجو المساعدة من الأخوة الآكارم

وشكراً

[صاحب هدف]

السلام عليكم ورحمة الله تعالى وبركاته
تحياتي أخي
بدك تريح راسك شفلك حدا موثوق بدولة تانية مصر مثلا وخلي الشغل كله عن طريقو
الناس إلي عم تحكي عنهن هن عبارة عن تجار دهب ومابنصحك تتعامل معاهن لان الحساب رح يكون بإسمهن ورح ياخدو منك عمولة على كل صفقة بتفتحها عدا سبريد البروكر طبعا
أو إذا ماعليك شي أمني وبتقدر تتحرك روح على لبنان وإفتح حساب بنكي هونيك وبعدين إفتح حساب عند wwm وخلي السحب والإيداع عن طريق حسابك اللبناني بس مابنصحك
فريح راسك وخلي الشغل كلو بره سوريا
او أقلك الأحسن ,, لاقيلك غير شغلة من اولها نحنا السوريين مابيلبقلنا هيك شغل ,, إذا بتكون ساكن بالمريخ لو شمو ريحة سوري رح ينكشولك مية قصة وقصة مو نحنا دولة ممانعة ومقاومة
تحياتي

[agm.bz]

تحياتي أخي الكريم صاحب هدف

الله يجزيك كل خير ع نصائحك والحمد لله ع كل حال

الظاهر نحن السوريين مالنا حظ بهالدنيا شو مامنشتغل بتتسكر بوجهنا

رضينا نشتغل بالفوركس من دون كهربا وانترنت بس هنن مارضيوا فينا

والله المستعان ع تمضية هالكام يوم اللي بقيوا بحياتنا

ومشكور كثير مرة أخرى