البنوك فى مصر

[Gann]

لو سمحتم انا كنت بتعامل مع بنك كريدى اجريكول
الميزة اللى كانت فيه ان التحويل البنكى كانت بتيحول فى نفس اليوم ( الايداع )
وكمان لما جيت اعمل فيزا اتعملت فى نفس اليوم
للاسف دلوقتى اتمنع انى احول اى فلوس لشركات الفوركس وخاصة fxdd لان دى اللى انا جربتها
وقالولى ان النظام اتحدث ومش هينفع تبعت خالص للموقع ده
اعمل ايه ؟
وشكرا مقدما

[kaloeg]

انا كمان بتعامل مع نفس البنك و همه واضح انهم بطلوا التحويل لشركات الفوركس
مش عارف هل ده مع بتوك تانيه كمان

[amiro]

كل البنوك دلوقت فى مصر لا تسمح بالتحويل لشركات الفوركس
الحل للاسف انك تبحث عن شزكات تتعامل مع البنوك الالكترونيه والكروت المدفوعه مقدما

[mohamed salama 5]

مش كل البنوك

انا بتعامل مع بنك بلوم مصر ممتاز جدا

تحول زى ما انت عاوز وتشتغل ولو عاوز تسحب تسحب علية عادى جدا

[amiro]

السحب مافيش مشكله المشكله فى الايداع الان

[hanimkmh]

إخواني الكرام .. لا يمكن أن تمتنع البنوك عن إجراء تحويل لجهة معينة إلا إذا كان هذا يندرج تحت غسيل الأموال ، لأن قانون البنك المركزي و الجهاز المصرفي و النقد رقم 88 لسنة 2003 ينص:

"مادة 111 لكل شخص طبيعى أو اعتبارى أن يحتفظ بكل ما يؤول إليه أو يملكه أو يحوزه من نقد أجنبى ، وله الحق فى القيام بأية عملية من عمليات النقد الأجنبى بما فى ذلك التحويل للداخل والخارج والتعامل داخلياً على أن تتم هذه العمليات عن طريق البنوك المعتمدة للتعامل فى النقد الأجنبى . وللشخص الطبيعى أو الاعتبارى أيضاً التعامل فى النقد الأجنبى عن طريق الجهات المرخص لها بهذا التعامل طبقاً لأحكام هذا القانون وفقاً لما تبينه اللائحة التنفيذية له"
و بالتالي فلا يجوز للبنك رفض التحويل إلا في حالة غسيل الأموال و هذه يكون الشك فيها في حالة عدم إثبات وجود علاقة بين طرفي التحويل و أن يكون النشاط مجرماً في مصر و أيضاً في البلد التي يتم فيها النشاط

ما يحدث الآن هو ببساطة محاولة منع العملة الصعبة من الخروج من البلد .. يعني لو واحد رايح و معاه الدولارات بتاعته مستحيل البنك يمنعه من التحويل لو قدر يثبت العلاقة بينه و بين وسيط الفوركس

الكلام ده على التحويل البنكي لكن بالنسبة لبطاقات الائتمان .. دي فلوس البنك و من حقه يمنعك من التعامل بيها في أي موقع مش عاجبه

أنا مش محامي لكن ده كلام المحامين

[Mohamed.Abdlwahed]

يعنى ان شاء الله فى حل للمشكلة دي للاخوة فى مصر ولا لاء
المشكلة دي واجهتنى من حوالى 3 سنين تقريبا وكانت سبب فى اني اسيب الفوركس تماما
انا بقالى فترة كبيرة بعيد عن الفوركس و تقريبا هبدأ من الصفر فى كل شيئ .. الاهم الان قبل ما اخد قرار البدء انا محتاج اعرف هل فى حل للمشكلة دي ولا لاء؟

[m.adel]

مش كل البنوك

انا بتعامل مع بنك بلوم مصر ممتاز جدا

تحول زى ما انت عاوز وتشتغل ولو عاوز تسحب تسحب علية عادى جدا

حضرتك متاكد انا بجد مش قادر اقولك ان نفسيتى تعبت كل ام اروح بنك يقولولى مفيش تحويل دولار للخارج
ياريت تاكدلى الموضوع ده
وجزاكم الله خيرا