عملى على طريقة ميزان الهيدج

[Metzawel]

سوف نبدأ بإذن الله تطبيق ميزان الهيدج أو هيدج المحطات والسكة الحديد هنا إن شاء الله مع فتح الأسبوع الساعة 10 بتوقيت السعودية و9 بتوقيت مصر والمتابعة الفورية وقت الحدث .. لمعرفة الطريقة أدخل هنا

https://forum.arabictrader.com/showthread.php?t=20814

المحطات هذا الأسبوع كما بالرسم المرفق

[ابوتركي الثبيتي]

بالتوفيق اخي متزاول

وفقك الله

[عبد المهيمن]

بالتوفيق يا متزاااااااول

[Metzawel]

شكراً على مروركم أخى مجاهد وأخى عبد المهيمن .. وأتمنى أن أكون عند حسن ظنكم بى
وأنا لا يهمنى النجاح أو الفشل قدر أهتمامى بتجمعنا فى المنتدى وتكاتفنا

[خيرالدين مهدي]

السلام عليكم
نحن متابعين معك اخي المتزاول
وان شاء الله نستفيد
تحياتي لكم والسلام عليكم

[Metzawel]

يسعدنى حضورك بروس لى
وإن شاء الله الأسبوع ده حيكون فيه أكشن أكتر من أى فيلم لبروس لى
أبقى معنا

[Metzawel]

وأخيراً إدارة الخطر لهذه الطريقة
******************************

يجب علينا عندما نتكلم عن طريقة ومناقشتها بموضوعية طارحين نقاط الضعف والقوة بها أن نعرض كيف نشعر بخطرها باكراً ومن ثم التعامل معه قبل أن يتفاقم ويكبر

بما إن طريقتنا معتمدة على ميزان الهيدج فى جنى الأرباح .. فأيضاً إدارة الخطر ستكون بميزان الهيدج .. فهو مفتاحنا نحو الربح إن شاء الله وأيضاً تفادى الخطر

نبذة تذكيرية لحركة السعر وتأثير ميزان الهيدج بها

عندما يكون ميزان الهيدج يعطى رقم موجب يكون كميات الشراءأكبر من كميات البيع ويكون صعود السعر محقق ربح وهبوط السعر محقق خسائر .

عندما يكون ميزان الهيدج يعطى رقم سالب يكون كميات البيع أكبر من كميات الشراء ويكون هبوط السعر محقق ربح وصعود السعر يحقق خسائر .

عندما يكون ميزان الهيدج قيمته صفر يكون الصعود زيادة فى أرباح الشراء وزيادة خسائر البيع مما يعادل القيمة فنصبح فى حالة لا مكسب ولا خسارة .. وفى النزول نفس حالة اللا مكسب ولا خسارة .

نيجى بقى لإدارة الخطر

أحنا اتفقنا إننا نعمل 50 محطة ودول حيعملوا 50 بيع و50 شراء والمحصلة 100 عقد مفتوح وحسبنا التكلفة على هذا الأساس .. و50 محطة منطقة تغطيتنا حتكون المراوحة فى عدد نقط 35 * 50 = 1750 نقطة وسيكون من النادر الخروج من هذا الرينج ممكن يحدث هذا بعد سنة نكون لمينا كل اللى صرفناه .. ولكن للحيطة وإدارة الخطر .. ووضع أسواء الفروض فى الحسبان .. سنقول أننا سنخرج من رينج 1750 نقطة اليوم .. ماذا نفعل؟

الحل بسيط جداً سوف نغطى 40 محطة فقط وإذا خرج السعر خارج السكة الحديد سنقوم عند طرف السكة الحديد سواء صعود أو نزول وضبط ميزان الهيدج على الصفر .. مهما خرج من السكة الحديد سنكون فى مرحلة اللا مكسب واللا خسارة وننتظر حتى يعود السعر داخل السكة الحديد .. فإن لم يعد السعر هذه المنطقة بعد أسبوع نقوم بالعمل مرة أخرى بتكلفة ال 10 محطات التى أدخرتها والتى تغطى معى سكة حديد جديدة طولها 350 نقطة وإذا قاربنا الخروج منها نرجع للميزان صفر مرة أخرى وننتظر رجوع السعر داخل أى سكة حديد منهم .. القديمة والتى طول تغطيتها 40 * 35 = 1400 نقطة أو السكة الحديد الجديدة والتى تغطى 350 نقطة .. ومع جمع الأرباح سيتوافر لنا وقت ما تكلفة لبناء النقاط التى توصل بين الخط القديم والحديث ويكون معنا خط واحد موصول لا انقطاع به .

وده كان آخر شرح فى الطريقة والآن إلى التطبيق العملى
والله الموفق

[مكسر العملات]

متابعين معاك

ونسال الله النجاح لنا ولكم

[سمير صيام]

متابعين معاك ياغالى

هنشوف القطار هيحصل فيه ايه الاسبوع ده

وربنا يستر ميكونش المحولاجية نايمين فى الخط

[Metzawel]

مرحباً بك معنا مكسر العملات وشكراً للمتابعة

مرحباً بك مشرفنا العزيز سمير وربنا يسترها معانا
مصر مشهورة بحوادث القطارات من زمان
بس أنا متفائل إن شاء الله عشان مصر غيرت النشاط
دخلت على حوادث العبارات
ههههههههههه

[ahmed hanafy]

سوف نبدأ بإذن الله تطبيق ميزان الهيدج أو هيدج المحطات والسكة الحديد هنا إن شاء الله مع فتح الأسبوع الساعة 10 بتوقيت السعودية و9 بتوقيت مصر والمتابعة الفورية وقت الحدث .. لمعرفة الطريقة أدخل هنا

https://forum.arabictrader.com/showthread.php?t=20814

المحطات هذا الأسبوع كما بالرسم المرفق

موضوع جميل و موفق ان شاء الله
بلاش السكة الحديد علشان بخاف

[القرصان]

وانا معاكم في القطار .. بس في السبنسة

بس اخي متزاول هل تقصد ان اخر الاسبوع سنخرج من كل العقود المفتوحة اذا كانت الاجابة بلا فمتى نخرج نهائيا بمحصلة ربح

اسمحولي ثواني اولول عشان الاثارة في القطار ..

يا لهوووووووووووووووي ... واحد يربطلي الحزام .. ايه .. مافيش حزاااام !!!
يا مصيبتييييييي .. استرها معانا يا رب !!!!

[Metzawel]

وانا معاكم في القطار .. بس في السبنسة


بس اخي متزاول هل تقصد ان اخر الاسبوع سنخرج من كل العقود المفتوحة اذا كانت الاجابة بلا فمتى نخرج نهائيا بمحصلة ربح

اسمحولي ثواني اولول عشان الاثارة في القطار ..

يا لهوووووووووووووووي ... واحد يربطلي الحزام .. ايه .. مافيش حزاااام !!!
يا مصيبتييييييي .. استرها معانا يا رب !!!!

يا مرحب بقراصنة الكاريبى
أنت يا حبيبى مش محتاج حزام .. أنت بس أتعلق فى الحبل المتدلى من الشراع

دلوقتى الطريقة بتعتمد على عمل محطات وهدم المحطات لأخذ الربح وإعادة بنائها مرة أخرى .. وهكذا .. يعنى أنا مش حهدم المحطات لا آخر الأسبوع ولا آخر الشهر ولا آخر السنة حتى .. كل ما كنت مغطى مسافة أكبر على طول السكة كل ما كان أحسن

أهدمها كلها فى حالة واحدة بس .. لو مش ناوى أشتغل بالطريقة دى تانى وربحى اللى خدته منها 10 أضعاف الخسائر المعلقة .

كل محطة ليها وقت فى الهدم ووقت فى اعادة البناء .. وكل ما كان عندى محطات مغطية طول المسافة كل ما كان أحسن لى

أنا بس كل اللى حعمله إنى حاجى آخر الإسبوع أشوف ربحى منها بقى كام .. والخسائر المعلقة كام وأعمل مقارنة عشان نختبر الطريقة

وآخر الشهر حعمل أختبار أكثر قسوة .. حشوف ربحى منها على مدار الشهر كام .. والخسائر المعلقة كام والمارجن المستخدم كام .. وحعتبر المارجن خسارة مع إنى لو قفلت الصفقة حاخد المارجن تانى بس حعتبره خسارة عشان فلوس محبوسة مش شغالة

بس يا عم هو ده كل الموضوع .. وطبعاً لو الربح أكبر من الخسارة والمارجن آخر الشهر يبقى زغرتى يا انشراح

ولا ايه؟؟

[Metzawel]

بسم الله الرحمن الرحيم
توكلنا على الله

فى حالة الصعود قليلاً عن الآن

الدخول هيدج كامل عند 40/1.9135

فى حالة النزول قليلاً من الآن
الدخول هيدج كامل عند 05/1.9100

تابعونا

[Metzawel]

موضوع جميل و موفق ان شاء الله
بلاش السكة الحديد علشان بخاف

جمد قلبك أمال خليك أسد
شكراً لمتابعتك معنا