منذ ان تم اصدار كتاب “قواعد العشق الاربعون” للروائية التركية «إليف شافاق» تداول عدد كبير من نشطاء موقع التواصل الاجتماعى “فيس بوك” القواعد الاربعون فى شتى المواضيع .



و قام موقع “معاك.نت”برصدها على عدة تقارير .



فى هذا التقرير نعرض “قواعد النجاح الاربعون” كالأتى:-



اتعب

طور من نفسك

بل شهادتك واشرب مايتها

اتعب تاني ومتيأسش

انسي حاجه اسمها مستحيل

اقعد مع نفسك واعرف هي عايزة ايه

اعرف قدراتك كويس

اعرف هدفك

خلاص عرفت هدفك ؟؟؟؟؟؟؟هاته بقي من قفاه

بعد ما تتعرف علي نفسك وهدفك ابدأ خطط

الافكار مبتحققش غير الا لم تتكتب علي ورقه

طور من نفسك تانى

اقرا عن حاجات كتير حتى لو مش حاببها اعرف حاجه عن كل حاجه .

هات كسلك وحطه في كيس واحرقه.

صاحب ناس ليهم نفس اتجاهاتك عشان تشجعوا بعض.

ابعد عن الناس المحبطين بتوع فى المشمش.

زود شويه مايه علي الشهاده وانت بتبلها متخافش لسه رفع الدعم مطالهاش.

اوعي تأجل عمل أول امبارح لبعد بكرة.

اسعي ربنا بيحب وبيكرم العبد الي بيسعي.

الي عايز يوصل بينحت في الصخر وبيكون مستمتع جدا بتعبه.

الي يقولك شهادتك هي سلاحك ، امسك السلاح واقتله بيه.

النت عالم مفتوح هيساعدك كتير توصل.

بلاش تضيعك وقتك فى مشاهده فضيحه فلانه الفلانه فى عيد ميلادها كل دقيقه فى حياتك مهمه.

اوعي تيأس

اوعى تيأس

اوعى تيأس

لما تقع نفض هدومك وقوم كمل طريقك.

ابعد عن المحيطين

صدق نفسك

تفائل بالرغم من كميه الاحباط والكأبه الي حواليك

أيوه دول اقل من اربعيين نقطة، بس برضه هيفضل إسمهم قواعد النجاح الأربعون…فيه حاجة؟