بسم الله الرحمن الرحيم
======================
انا و اصحابي داخلين على النت ... وبدون اي اتفاق مسبق ... و يمكن القاسم المشترك حاليا هيا فتره امتحانات ...
صاحبي الأول داخل بيقول انا تعبت من الكلية دي ...
فا انا دخلت(بدون ربط بالتعليق الأول)... اي حد يولع في الكلية دي وله ربع جنيه
فا واحد تالت داخل ... حد يجيب جاز هولع فيها المخروبه دي
وواحد رابع داخل ... الله يخرب بيت بيت بيت بيت بيت بيت بيت بيت بيت الكلية دي
وبعدين واحد خامس دخل ... حد يولع في الجامعه دي والأجر على الله
واحد سادس داخل ... تحيا الحرية ولتسقط الكلية يحيى الفساد وليسقط الدكتور عماد ...
على التوالي وفي تقريبا ظرف نص ساعه

طبعاً الكلام كلو على الكلية الجمييييييييييييييييييييييييييلة اللي انا فيها ... كلية الطب
وبجد ... على قد ما انا ضحكت لحد ما خلاص بطني وجعتني ...
على قد ما بجد حسيت بمدى الفساد في التعليم ...
لا الدكاتره بيحضروا محاضرات ... واللي بيحضر فيهم بيبقا مش طايق الطلبة وعايز يدي 10 محاضرات في محاضرة ...
والكورسات بقت السبيل الوحيد للتعليم ...
وبالرغم من كدا الأعداد في الكورسات مهوله ...
وفي النهاية ... كل دكتور يحط ليك امتحانات تعجيزة الهدف منها بس انو يحبط الطلبة ويخليها تشتري الكتاب بتاعو ... او ياخدو عندو كورس
معنديش حاجة اقولها غير حسبي الله ونعم الوكيل فيهم من اولهم لآخرهم

قد يكون دا مش مكان للموضوع ده ...
بس كنوع من تنفيش الغيظ اللي انا فيه


تحياتي